تورکیه مطبوعاتی اؤزتی 13.03.2019
صاباح: "لاتینلرین تورکیه‌یه ایلگیسی توک هاوا یول‌لارینی اوچوردو"
تورکیه مطبوعاتی اؤزتی 13.03.2019
حریت: "تورکیه، گلیر قروپو یوکسک اولان روس توریست‌لر اوچون داها جلب ائدیجی اولا‌جاق"
گلیر قروپو یوکسک اولان روس‌لارین آوروپا یئرینه، تورکیه ترجیح ائتمه‌لری اوچون ایشلره سرعت وئریلیب. تورکیه‌دکی بیر چوخ تشکیلاتدا روسیا شرف قوناغی اولا‌جاق. روسیا‌دان ایستانبولا علاوه اولا‌راق دیگر مرکزلردن ائدیلن طریفه‌لی اوچاق سفرلرینده ده بیزنس کلاس اویغولاماسینا کئچیله‌جک. توریزم مسلک لیسه‌لرینده روس دیلی مجبوری دیل قاپسامینها اولونوب.
وطن: "TANAPدان گلن گاز 4 میلیارد متر مکعبه چاتا‌جاق"
آذربایجان گازینی تورکیه اوزرین‌دن آوروپایا ترانسفر ائدن ترانس آنادولو طبیعی گاز بورو خطی (TANAP) ایله 30 ژوئن 2018 ایله 28 فوریه 2019 آراسیندا تورکیه‌یه جمعی 1 میلیارد 250 میلیون متر مکعب گاز گؤندریلیب، خط‌دن ژؤئن آیی‌نین سونونا قدر 2 میلیارد متر مکعب، 2019-جی ایلی سونونا قدر 4 میلیارد متر مکعب گاز تحویل ائدیلیب. اولا‌جاق. پروژه‌نین تیکینتی زامانی یئنی جان‌لی نوع‌لرینه ده راست گلیندی. 10 یئنی جان‌لی نوعون‌دان 9و حیوان بیری ده بیتکی. بون‌دان باشقا ایشلرده 154یئنی آرکولوژی ساحه کشف ائدیلدی.
صاباح: "لاتینلرین تورکیه‌یه ایلگیسی توک هاوا یول‌لارینی اوچوردو"
تورکیه‌یه کئچن ایل گلن لاتین آمریکا‌لی ساییسی 2017-جی ایله نیسبتن یوزده 59 آرتیملا 252 مینه چیخدی. ان چوخ گلن‌لر ایسه یوزده 58 آرتیملا 78 مین 691 ایله برزیل وطنداشلاریندان یاراندی. آرتیم مئیلی بو ایل ده داوام ائدرکن خصوصیله، اینانج توریزمی اوچون اینکیشاف‌لار، تورک هاوا یول‌لاری‌نین دا لاتین اؤلکه‌لرین‌دن داشیدیغی یولجو ساییسینی داها دا آرتیریب. توک هاوا یول‌لاری اؤتن ایل بو بازاردا یوزده 6.5 آرتیملا 403 مین، بو ایلین ژانویه و فورال دؤورونده ایسه یوزده 21.1 آرتیملا 70 مین 679 یولجو داشیییب.
یئنی شفق: "کن‌دیر اوچون اؤزل گوبره/کود اینکیشاف ائتدیریلدی"
گوبره کارخانالاری تورک آنونیم شیرکتی گوبره‌تاش، یئنی‌لیکچی محصول‌لار اینکیشاف ائتدیرمگی داوام ائتدیریر. سون دؤورده اؤلکه‌میزده اوره‌تیم ساحه‌سی گئنیشلندیریلمه‌سینه ایزین وئریلمه‌سی گوندمه گلن اصلاح ائدیلمیش صنایع کن‌دیر بیتکی‌سی اوچون خصوصی بیر بازا گوبره‌سی اینکیشاف ائتدیریلدی. عینی زاماندا تورکیه‌نین اهمیت‌لی یئرآلتی ثروت‌لرین‌دن بور ائلمنتی ده ایچه‌رن گوبره، کن‌دیر اکینچیلیگینده احتیاج دویولان بیتکی قیدا ائلمنت‌لرینی دوزگون نیسبتده قارشیلایا‌راق یوکسک ثمره آرتیمی تامین ائدیر.
خبر تورک: "مئدیپول باشاکشهیر ساوونما‌سی آوروپادا ذیروه‌ده"
تورونجو-لاجورد‌لی تیم سوپر لیگ و آوروپانین 5 بؤیوک لیگی نظره آلدیقدا ان آز قول یئمه حسابلاماسینا مالیک تیم حالیندا. 25 اویوندا قالاسیندا یالنیز 12 قول گؤرن ایستانبول قروپو، 0.48لیک قول یئمه حسابلاماسی ایله دقتی چکدی. مئدیپول باشاکشهیر ان یاخین اورتالامایا مالیک تیم ایسه اینگیلتره پرمیر لیگده ایکینجی سیرادا اولان و 30 اویوندا قالاسیندا 17 قولا ایجازه وئره‌رک 0.56لیک اورتالامانی توتدوران لیورپول.
6
اوسترالیا کاردینا‌لی پل‌ه حبس جزاسی
ملبورن‌دا خیدمت ائتدیگی دؤورده کیلسه کوروسوندا ایکی اوغلان اوشاغا جینسی سالدیریدان یارغیلانان اسکی واتیکان ایقتیصاد ناظیری و اوسترالیا کاردینا‌لی جورج پل‌ه، 6 ایل حبس جزاسی وئریلیب.
اوسترالیانین ملبورن شهرینده 1996-2001-جی ایللرده باش پیسکوپوسلوق ائتدیگی دؤورده 13 یاش‌لی ایکی اوغلان اوشاغا جینسی سالدیریدا اولماق‌دان مونصیف‌لر هیاتی‌نین تقصیرلی بیلدیگی 77 یاش‌لی کاردینال جورج پل‌ین قرار محکمه ایجلاسی، ملبورن بؤلگه محکمه‌سینده گؤرولوب.
تلویزیون‌لاردان جان‌لی یاییم‌لانان محکمه پروسه‌سی اثناسیندا پل‌ه ضرر گؤرنلرین سنه اینامی وار ایدی سن مقامینی ایستیفاده ائده‌رک بو اعتیمادی سوی-ایستیفاده ائتدین ایفاده‌لرینی ایستیفاده ائدن حاکم پتر کیدد، کاردینالا 6 ایل حبس جزاسی وئردی.
کاتولیک دونیاسیندا اوشاق‌لارا قارشی جینایت‌لردن ان یوکسک سویه‌دکی اینسان کیمی حبس‌خانایا گؤندریلن پل، ژئون 2019دا اوست، اوچ ایل سککیز آی سونرا ایسه کفیل ایسته‌یه‌بیله‌جک.
محکمه اؤنونده قرارین آچیقلانماسینی جیب تلفونلاریندان جان‌لی ایزله‌ین و زامان زامان رومانتیک آنلار یاشایان جینسی سالدیری ضرر گؤرنلر، سئوینجه بوغولوب. قراری آلقیشلایا‌راق قارشیلایان ضرر گؤرنلر و یاخین‌لاری پل‌ین حبس‌خانایا گؤندریلمه‌سینی چوخ معنا‌لی اولدوغونو وورغولاییب.
چیخان قراری هیجانلا قارشیلادیغینی قئید ائدن ضرر گؤرنلردن روب هوز،
"منجه، چوخ گؤزل، هانسی مقامدا اولسا‌لار دا اوشاق‌لاری جینسی تجاووز ائدن‌لرین قورتولمایاجاغینا دایر بوتون دونیایا گوج‌لو بیر مساژ وئردی. اگر اوشاق‌لارا قارشی جینایت ایشلرسنیز موطلق توتولوب و جزالاندیریلیرسینیز. "دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
