تورکیه مطبوعاتی اؤزتی 24.1.2019
تورکیه‌نین قطره ایخراجی یوزده 62 آرتا‌راق بیر میلیارد 19 میلیون دو‌لارا چاتیب
تورکیه مطبوعاتی اؤزتی 24.1.2019
خبر تورک: "سولیمانیه‌یه اوچوش یاساغی قالخیر"
نقلیات و آلت یاپی ناظیری جاهیت تورحان "سولیمانیه‌یه اوچوش یاساغی 25 ژانویه‌ده قال‌دیریلا‌جاق. ایستانبول-سولیمانیه خطینده هفته‌لیک 7 سفر کئچیریله‌جک." دئدی. سولیمانیه و اربیل اوچوش‌لار، 25 سپتامبردا عراق کورد بؤلگه‌سی یؤنتیمینده کئچیریلن موباحیثه‌لی موستقیل‌لیک رفراندومونون آردین‌دان تاخیره سالینا‌راق، اربیل اوچوش‌لاری اؤتن ایل مارس آییندا یئنی‌دن باشلامیشدی.
وطن: "ناظیر آلبایراک: تورکیه منطقه‌دکی یگانه ثابت اؤلکه"
خزینه و مالیه ناظیری براک آلبایراک، تورکیه‌نین یئرلشدیگی منطقه‌ده یگانه ثابت اؤلکه اولدوغونو بیلدیریب. آلبایراک، دونن سوئیس‌ین داووس قصبه‌سینده کئچیریلن 49-جی دونیا ایقتیصادی فوروموندا "اینکیشاف ائتمکده اولان بازارلار منظره‌سی" موضوعسوندا ایجلاسا قاتیلیب. بورادا سوال‌لاری جوابلان‌دیران آلبایراک، تورک ایقتیصادی‌نین یئرلشدیگی منطقه‌دکی پروبلم‌لره باخمایا‌راق، بؤیومه‌یه داوام ائتدیگینی و تمل‌لری‌نین ساغلام اولدوغونو دئدی.
ایستار: "تورکیه‌نین قطره ایخراجی یوزده 62 آرتا‌راق بیر میلیارد 19 میلیون دو‌لارا چاتیب"
تورکیه‌نین دوحه سفیری فیکرت اؤزر، تورکیه‌نین قطره ایخراجی‌نین 2018ده اوّلکی ایله نیسبتن یوزده 62 آرتا‌راق 1 میلیارد 19 میلیون دو‌لارا چاتدیغینی 2019-جی ایلده ایسه 1.5 میلیارد دو‌لارا چاتاجاغینی بیلدیریب.
حرّیت: "تورک آیاققابی سکتورون‌دان ایتالیا چیخارماسی"
تورک آیاققابی و چانتا سکتورو نماینده‌لری، ایتالیانین روا دل گاردا شهرینده تشکیل اولونان Expo Riva Schuh سرگیسینه قاتیلیب. اژه دنیزی دری و دری محصول‌لاری ایخراجاتچی‌لاری بیرلیگی ایداره هیاتی‌نین باشقانی ارکان زاندار، Expo Riva Schuh سرگی‌نین خصوصیله آوروپا کؤکنلی توپ‌دان ساتان تیجارتچی‌لرین و بؤیوک ماغازاچی-لارین سفر ائتدیگی بیر تشکیلات اولدوغونو بیل‌دیره‌رک، آوروپا اؤلکه‌لری باشدا اولماقلا ایللیک 300 میلیون جوت آیاققابی ایخراج ائده‌رک 1 میلیارد دو‌لارلیق خاریجی ساتیش رقمینی کئچمگی قارشی‌لارینا مقصد قویدوق‌لارینی بیلدیریب.
صاباح: "زئوگما موزایک موزه‌سینی 266 مین نفر زیارت ائدیب".
غازی آنتپ‌ده شهرین سمبولو قاراچی قیز موزایک ائو صاحب‌لیگی ائدن زئوگما موزایک موزه‌سینی اؤتن ایل 266 مین 560 نفر زیارت ائدیب. خصوصیله کئچن ایلین سونو قاراچی قیزین آمریکادان گتیریلن اسکیک پارچالاری نزدین‌دکی موزایک ساییسی آرتان موزه‌نی، بو ایل داها چوخ یئرلی و اجنبی توریستین سفر ائدجگی گؤزلنیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
