تورکیه مطبوعاتی اؤزتی 11.12.2018
ایلین سون و ان بؤیوک گؤرسل بایرامی تورکیه‌دن ایزلنه‌جک
خبر تورک: "اردوغان‌دان، غرب اؤلکه‌لرینه اینسان حاق‌لاری اعتراض"
تورکیه جمهور باشقانی رجب طیب اردوغان، تورکیه میلیون‌لارلا قاچقینی حمایه ائدرکن، غرب اؤلکه‌لری‌نین قاچقین‌لاری ان آغیر تدبیرلرله قارشیلادیغینی بیل‌دیره‌رک "کیم اینسان حاق‌لاری مودافیچی‌سی؟ بیز می، اونلار می؟ اونلار وحشی‌لیک نوماییش ائتدیرمک‌دن باشقا بیر شئی ائتمیرلر." دئدی. تورکیه‌نین اینسانی یاردیم‌لاردا ایلک سیرا‌لاردا یئر آلدیغینی بیل‌دیرن اردوغان، "اینامیمیز و تاریخیمیز بیزه مظلوم‌لارین سیغیناجاغی اولماغیمیزی، ایمکان‌لاریمیزی اونلارلا پایلاشماغیمیزی سؤیلور.تورکیه اولا‌راق، بیزیم اینسان حاق‌لاری مسئله‌سینه باخیشیمیز بودور." ایفاده‌لرینی ایستیفاده ائتدی.
حرّیت: "یئرلی توخومچولوق سرعتله اینکیشاف ائدیر"
اکینچی و اورمان ناظیری بکیر پاکدمیرلی، "دونیامی دویدوران، دونیانین لیدری اولا‌جاق و اکینچیلیک اولمایان اؤلکه ده مطبخی اولمایان ائوه بنزر" دئدی. آذربایجانین پایتختی باکیدا گؤروشمه‌لر کئچیرن پاکدمیرلی ائتدیگی آچیقلامادا، "بیر چوخ تکنولوژگی'یه صاحب اولا، اما موطلق کنداکینچیلیغینده، ان آزین‌دان معین ایستراتژیک محصول‌لاردا اؤز اؤزونوزه یئترلیلیغینیزین اولماسی لازیم‌دیر." دئدی. ناظیر پاکدمیرلی تورکیه‌نین یئرلی توخومچولوقدا بؤیوک بیر آددیم حیاتا کئچیردیگینی سؤیله‌دی.
یئنی شفق: "تورک ایقتیصادی اوچونجو چئیرگده ده آرتیب"
تورک ایقتیصادی 2018-جی ایلین اوچونجو چئیرگینده یوزده 1.6 آرتیب. بؤیومه رقم‌لری ایلین ایلک چئیرگینده یوزده 7.3، ایکینجی چئیرگینده ایسه یوزده 5.2 سویه‌سینده باش وئرمیشدی. اوچونجو چئیرک بؤیومه‌ده اکینچیلیک و صنایع یاردیمچی فاکتور کیمی موشاهیده اولونور. ایقتیصادچی‌لار، اوچونجو چئیرکینده ده آرتیمی لنگی‌دن عامل‌لرین ایسه قلوبال بازارلارداکی دالغالانمامیش قایناقلاندیغینی ایفاده ائدیر.
صاباح: "تورک هاوا یول‌لاری نوامبر آییندا یوزده 81.4 آرتیرما‌لی فایزینه چاتیب"
نوامبر آیی یؤلجو و یوک نقلیات نتیجه‌لرینی آچیقلایان تورک هاوا یول‌لاری، بو آیدا یوزده 81.4لوک آرتیرما‌لی فایزینه چاتیب. یواجو ساییسی و دولولوقلارداکی آرتیش، تورکیه‌یه و تورک هاوا یول‌لارینا اولان ایستک آرتیمی‌نین ایلین سونونا دوغرو دا داوام ائتدیگی‌نین بیر گؤستریجی‌سی اولدو.
ایستار: "ایلین سون و ان بؤیوک گؤرسل بایرامی تورکیه‌دن ایزلنه‌جک"
ایلین سون و ان بؤیوک گؤرسل بایرامی کیمی آدلاندیریلان گئمینید (اکیزلر) متئوریت یاغیشی 13-14 دسامبردا ذیروه نقطه‌سینه چاتا‌جاق. ساعاتدا 100 جیواریندا متئوریتین آتموسفره داخیل اولاجاغی بو گؤرسل سؤلن، تورکیه‌دن هر هانسی بیر وسیله احتیاج دویولما‌دان (تورکیه ساعاتییلا) 21:00دن سحر ساعت‌لارینا قدر موشاهیده اولونا‌جاق.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
