تورکیه مطبوعاتی اؤزتی 09.10.2018
وطن: "تورکیهیه ۱۰۰ میلیون دلارلیق سرمایه"
استار: "شفاف زره ایله ساوونما صنایعینده ۵۶۰ میلیون دلارلیق جیغیر آچیلاجاق"
معدندن سون محصولا قدر اورتیم ائدهبیلهن دونیانین ساییلی تاسیسلریندن ائتی آلومینیوم، تکجه آمریکا، چین، آلمانیا و ماجاریستان کیمی اؤلکهلرده اورتیلهبیلن شفاف زرهی تورکیهده اورتمهیه باشلادی. تورک مهندسلرینین ایمضا آتدیغی بو باشاری ساواش گمیلری، اوچاقلار، زرهلی ماشینلار و موشکلرده ایستیفاده ائدیلهن اؤزل آلومینا سیخینتیسینی آرادان قالدیراجاق.
وطن: "تورکیهیه ۱۰۰ میلیون دلارلیق سرمایه"
چئلیک منقذ و کؤرپو یاپیمیندا فعالیت گؤسترهن سوئد فیرماسی، تورکیه، اورتادوغو و قوزئی آفریقا بازاریندان هدفلهدیگی ۱۰۰ میلیون دلارلیق ایش حجمینین اورهتیمینین تامامینی، تورکیهدن ائدجک. ۳۰ ایلدهن چوخ سورهدیر اوروپادا ایشلرینی داوام ائتدیرهن و ۱۰ دولاییندا اؤلکهده اورتیم حیاتا گئچیرهن ویاکون شیرکتی تورکیهنی بؤلگهسل مرکز ائدرک تخمیناً ۵۰ اؤلکهنی ایداره ائدجک.
یئنی شفق: "عرب توریستلردن ترابزون اقتصادینا اؤنمل قاتقی"
ترابزون تیجارت و صنایع اوتاغی طرفیندن آپاریلان سورغو چالیشماسیندا کؤرفز اؤلکهلریندن گلن توریستلرین اورتالاما قالیش مدتینین ۷،۶ گون، آدام باشینا خرجلدیکلری پولون دا ۲ مین ۳۴۰ دلار اولدوغو معینلشدیریلدی. ت ترابزون تیجارت و صنایع اوتاغی گؤرهولیلری طرفیندن ترابزون هاوا لیمانی دیش خطلر گئدیش ترمینالیندا سپتامبر آیی ایچینده سورغو گرچکلشدیردی. سورغو نتیجهسینده توریستلرین یوزده ۸۱.۵ی چوخ ممنون اولدوغونو بیلدیررکن یوزده ۱۶.۹و ممنون، یوزده ۱.۶سی اورتا سویهده ممنون اولدوقلارینی بیلدیردی. ترابزونا ائتدیکلری سیاحتدن راضی قالمادیغینی قید ائدن توریست ایسه اولمادی.
صاباح: "دونیا اولدوزلارینین گؤزدهسی "کلوودبریک" بودرومدا"
جنیفر لوپز، هایدی کلوم، جولیا روبرتز کیمی بیر چوخ مشهور آدین گؤزدهسی اولان مگا گمی "کلودبریک" موغلانین توریزم جنتی بودروما دمیر آتدی. تئز تئز هاوایا قالخان گمینین اوستوندهکی هلیکوپتر ائلچهنین اوستونده دولاشدی. گمینین ۱ هفتهلیک ایجارهسینین ۱ میلیون ۱۰۰ مین دلار اولدوغو اؤیرنیلدی. دونیانین ان باهالی ۱۰ گمیسی آراسیندا یئر آلان "کلودبریک" ایچریسینده بیر حوووض، سونا، ماساژ اوتاغی، سینما سالونو و ایدمان سالونو دا وار.
خبر تورک: "چینگیز اوندره بایرندن سونرا بیر طالب داها"
ایتالیانین روما کلوبوندا اوینایان میلی فوتبالچی چینگیز اوندر اوچون بیر ادعا اورتایا آتیلدی. اؤتن گونلرده ایتالیا مطبوعاتی، چینگیز اوندر اوچون آلمان بوندسلیگا تیمی بایرن مونیخین دؤورهیه گیردیگینی یازمیشدی. کوریر دللو ایسپورتون خبرینه گؤره ایسه، ۲۱ یاشلی چینگیز اوندر ایله هم بایرن هم بوروسیا دورتموند ایلگیلهنیر. خبرده؛ ایتالیا سری آ تیمی رومانین، میلی فوتبالچی اوچون ان آزی ۶۰ میلیون یورو ایستدیگی بیلدیریلدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.