تورکیه مطبوعاتی اؤزتی 20.09.2018
وارانک: ژاپونیا ایله آزاد تیجارت آنلاشماسی موذاکیرهلری داوام ائدیر
تورکیه مطبوعاتی اؤزتی 20.09.2018
حریت: "ایستراتژیک طرفداشلیق یاتیریمیلا گوجلنیر"
تورکیه جمهور باشقانی رجب طیب اردوغان، آمریکالی شیرکتلرین تورکیه نمایندهلری ایله بئش تپه'ده گؤروشدو. آزاد بازار پرینسیپلریندن گئری چکیلمیه'جگینی سؤیلهین اردوغان، "ایستراتژیک طرفداشلیغیمیز یاتیریم و تیجارت ایله گوجلنهجک. علاقهلریمیز ایقتیصادداکی آددیملار و یاتیریملارلا گوجلنهجک". دئدی. سیاسی مسئلهلری ایقتیصادی مسئلهلرله موقاییسه ائتمگی دوغرو تاپمادیغینی قئید ائدن اردوغان، "جسارتله و دیپلوماسی ایله پروبلملرین عهدهسیندن گله'جگیک." ایفادهسینی ایستیفاده ائتدی.
وطن: "ناظیر آکار آچیقلاییب: 366 ترورچو اؤلدورولوب"
میللی ساوونما ناظیری حولوصی آکار، ترورلا موباریزهنین نتیجهلرینین آچیق اولاراق گؤرولدوگونو بیلدیریب. آکار، بئش تپه میللت، مدنیت و کونگره مرکزینده، پرزیدنت رجب طیب اردوغانین قاتیلیمی ایله کئچیریلن غازیلر گونو مراسیمینده ائتدیگی چیخیشیندا، سون 45 گون عرضینده یورد ایچی و سرحد خاریجینه ائدیلن ایری و اورتا میقیاسلی عملیاتلاردا و هاوا حرکاتلاریندا ائله باش-لاری داخیل جمعی 366 تروریستین اؤلدورولوغونو دئییب.
ایستار: "وارانک: ژاپونیا ایله آزاد تیجارت آنلاشماسی موذاکیرهلری داوام ائدیر"
صنایع و تکنولوژی ناظیری مصطفی وارانک، خاریجی ایقتیصادی علاقهلر شوراسینین تشکیل ائتدیگی 24-جی تورکیه-ژاپونیا ایش شوراسینین بیرگه توپلانتیسیندا ائتدیگی چیخیشیندا، تورکیه و ژاپونیا آراسیندا تاریخی چوخ قدیملره سؤیکنن بیر دوستلوق اولدوغونو دئدی. ژاپونیا ایله یاتیریملارین قارشیلیقلی تشویقی و قورونماسی سازیشینین 1993-جی ایلده ایمضالاندیغینی خاطیرلادان وارانک، "ایندیلرده ایسه بو آنلاشمانین یئرینی آلاجاق و یاتیریملارا یئنی حاقلار گتیرهجک سربست تیجارت آنلاشماسینین موذاکیرهلری داوام ائدیر. ناظیرلیگیم، بو آنلاشمانین یاتیریم بؤلوموندن مسئول. هدفیمیز، بو دانیشیقلاری ان گئج 2019ون ایلک یاریسیندا بیتیرمک." دئیه دانیشدی.
صاباح: "میللی هیبرید لوکوموتیو آلمانیادا سرگی'یه چیخدی"
اسکیشهیرده فعالیت گؤسترن تورکیه لوکوموتیو و موتور صنایعسی (تولومساش) ایله تورکیه جمهوریتی دولت دمیر یوللاری (تجدد) نقلیات و نیظامی الکترونیک صنایعسی (آسئلسان) طرفیندن اوره تیلن یئنی هیبرید لوکوموتیو، آلمانیانین پایتختی برلینده کئچیریلن InnoTrans سرگیسینده نوماییش ائتدیریلدی. دونیانین ان بؤیوک دمیر یولو سرگیسی اولدوغو بیلدیریلن InnoTrans 2018 سرگیسینده سرگییه چیخان هیبرید لوکوموتیو، هر هانسی بیر لیسانس آلتیندا اولمادان اوره تیلن ایلک یئرلی لوکوموتیو اولماسی موناسیبتیله اهمیت داشیییر. بو پروژه تورکیه، میللی اولاراق بیر هیبرید مانور لوکوموتیوینین دیزاین و اوره تیمینی حیاتا کئچیرن، دونیادا بو تکنولوژی'یه صاحب 4-جو اؤلکه اولدو.
یئنی شفق: "تکنوفست'ده میللی ساواش اوچاغی سورپریزی"
تورک هاواجیلیق و کوسموس صنایعسی، ایستانبول هاواجیلیق، کوسموس و تکنیک فستیوالی (تکنوفست) چرچیوهسینده سانال اورتامدا بونکرینین زیارتچیلره آچاجاق. تورکیه تکنولوژی دستی (تی3) فوندو و ایستانبول بؤیوکشهر بلدیهسی طرفیندن 20-23 سپتامبردا ایستانبول یئنی هاوا لیمانیندا کئچیریلهجک تکنوفست، بیر-بیریندن رنگلی تدبیرلره ائو صاحبلیگی ائدهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.