تورکیه مطبوعاتی اؤزتی 26.06.2018
صاباح: " اولوسلار آراسی موشاهیدچیدن سئچیمه تام امتیاز"
تورکیه مطبوعاتی اؤزتی 26.06.2018
خبر تورک: "یئنی حکومت سیستمی حیاتا کئچیر"
تورکیه سئچیمینی ائتدی و پرزیدنت حکومت سیستمی بو سئچیم ایله بیرلیکده حیاتا کئچیر. اؤنجهلیک یوکسک سئچیم قورولو قطعی سئچیم نتیجهلرینی اعلان ائدهجک. 29 ژوئنده یوکسک سئچیم قورولونون قطعی نتیجهلری اعلان ائتمهسیله بیرلیکده مجلیس تقویمی ده ایشلمهیه باشلایاجاق. قطعی نتیجهلرین اعلان اولونماسیندان 3 گون سونرا، مجلیس آند ایچمه مراسیمی اوچون توپلاناجاق. پرزیدنت آند ایچندن درحال سونرا دا یئنی کابینه معینلشدیرهجک.
صاباح: " اولوسلار آراسی موشاهیدچیدن سئچیمه تام امتیاز"
آوروپا شوراسی پارلامنتر مجلیسینین نماینده هیاتینین باشقانی اولنا سوتنیک تورکیه طرفیندن سئچیم پروسئسینی ایزلمک اوچون دعوت ائدیلدیکلری اوچون تشککور ائدیب. سوتنیک، "سئچیملر چوخ واجیب ایدی. وطنداشلارین یوکسک قاتیلیم دا بونو گؤستردی. بحث ائتمییمیز لازیم اولان ان اؤنملی نقطهنین بو اولدوغونو دوشونورم. بو یوکسک قاتیلیم، اؤنجه بو اؤلکهنین و وطنداشلارینین دموکراتیک یئتکینلیگینین گؤستریجیسی" دئیه دانیشدی.
یئنی شفق: "تورکیه غربه دموکراسی درسی وئردی"
24 ژوئن پرزیدنت سئچیملرینه یوزده 86.80 قاتیلیملا تورکیه، آوروپایا سانکی دموکراسی درسی وئردی.24 سپتامبر 2017ده باش ناظیر آنگلا مرکلین قازاندیغی آلمانیا فدرال سئچیملرینده قاتیلیم 76.2 اولاراق آچیقلانمیشدی. اینگیلترهدکی سون عمومی سئچیملرده یوزده 69 قاتیلم الده اولونوب. 2017-جی ایلین می آییندا پرزیدنتینی سئچمک اوچون صاندیغا گئدیلن فرانسادا سئچیمده قاتیلم یوزده 65.30دو. یونانیستاندا 2015-جی ایلده کئچیریلن سئچیملره قاتیلم نیسبتی ایسه یوزده 55 اولموشدو.
وطن: "سئچیم و دونیا فوتبال شامپیونلوغو توریزمین سرعتینی کسمهدی"
توریزمده بو ایل تورکیه 40 میلیون، آنتالیا ایسه 14 میلیون توریست گؤزلییر. توریزم سئکتورو تمثیلچیلری ژوئن آیینین بوتون زامانلارین ان یاخشی گؤستریجیلرینه نایل اولدوغونا دقت چکهرک، سئچیم و دونیا فوتبال شامپیونلوغونون توریزمین سرعتینی آلمادیغینی سؤیلهدی. تورکیه توریزمینین باشکنتی آنتالیا ایسه بو اوغوردا ان بؤیوک پای صاحبی اولدو. ژوئنین اورتاسی اعتباریله 4 میلیون رقمینی آشماغی باجاران و بو ایل 14 میلیون گودن توریزم کنتینده،روسیا و آلمانیا بازارلاریندا جیدی میقدارداکی آرتیملار سئکتورو سئویندیردی.
ایستار: "تورک موشکلری، اف-35 اوچاقلاریندان سونرا روسیا اورهتیمی اولان اوچاقلاردا دا ایستیفاده ائدیلهجک"
آذربایجان، تورکیهدن، SOM موشکی تداروک ائدیب. سیستمین ایلک دفعه 26 ژوئنده آذربایجان سیلاحلی گوجلرینین یارانماسینین 100ونجو ایلی موناسیبتیله کئچیریلهجک پاراد مراسیمینده نوماییش ائتدیرمهسی بکلنیر. آذربایجانین وارلیقلارینداکی MiG-21, MiG-29 و Su-25 اوچاقلاری فایدالی یوک اولاراق سومغا داشیماق قابیلیتده. SOM-ون J مودئلینین اف-35 اوچاقلارینا اینتقراسیونو مسئلهسینده ایسه آددیملار آتیلماغا داوام ائدیلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.