تورکیه مطبوعاتی اؤزتی 15.06.2017
خبر تورک: "تورکیه‌ده میلیونر ساییسی 5 ایل ایچینده 2 قاتینا چیخا‌جاق"
تورکیه مطبوعاتی اؤزتی 15.06.2017
حریت: "تورکیه ایله گوجلو علاقه‌میزی گؤره غورور دویوروق"
قطر امری شیخ تمیم اآل ثانی‌نین عمی‌سی اوغلو، شاهزاده شیخ سوهایم بن خالد آلثانی، قطر-تورکیه علاقه‌لرین‌دن غورور دویدوق‌لارینی ایفاده ائده‌رک، تورکیه‌ده یئنی یاتیریم‌لار ائده‌جک‌لرینی سؤیله‌دی. تورکیه قطر آراسین‌داکی ایقتیصادی علاقه‌لرین اینکیشافی اوچون بو آندا چوخ بؤیوک بیر پوتانسیل اولدوغونو سؤیله‌ین شیخ سوهایم، "خصوصیله ده تورکیه‌دن قطره قیدا، طیبی وسایل و تیکینتی وسایلی ایدخا‌لی ائدیله بیلر. بیز هر زامان تورکیه‌ده یئنی یاتیریم‌لار آختاریریق. ایندی بیر تورک شیرکتین اورتاق‌لاری قطرده 1.4 میلیارد ریال (تخمینن 1.4 تورک لیره‌سی) دگرینده بیر تویوق جوت‌لوگو قوراجاغیق "دئیه دانیشدی.
صاباح: "تورکسل تطبیقی بیرلشمیش میللت‌لر موکافاتینی قازاندی"
تورکسل، "سلام اومود" تطبیقیله بیرلشمیش میللت‌لر تشکیلاتی‌نین اینفورماسیون و رابطه سکتورون‌دان مسئول قورولوشو بین الخالق تلکومونیکاسیون بیرلیگی (ایتو) لیدرلیگینده تشکیل ائدیلن WSIS Prizes 2017 ده موکافات قازاندی. شیرکتین باشدا سوریه‌لی سیغینماجی‌لار اولماقلا آنا دیلی عرب اولان فردلره کؤمکچی اولماق مقصدیله حیاتا کئچیردیگی "سلام اومود" تطبیقی، "مدنی موختلیف‌لیک و کیم‌لیک، دیل موختلیف‌لیگی" کاتقوریسینده بیرینجی‌لیک موکافاتینا لاییق گؤرولدو.
خبر تورک: "تورکیه‌ده میلیونر ساییسی 5 ایل ایچینده 2 قاتینا چیخا‌جاق"
دونیانین لیدر رهبرلیک مصلحتچی‌لیگی فیرمالاریندان The Boston Consulting Group (BCG) طرفین‌دن بو ایل اون یئددینجی‌سی نشر اولونان 2017 قلوبال وارلیق راپورونا (Global Wealth Report 2017) گؤره، دونیادا فردلرین صاحب اولدوغو عمومی مالی آکتو‌لری، یعنی "قلوبال ثروت"، 2016-جی ایلده یوزده 5 ، 3 فایز آرتا‌راق، 166.5 تریلیون دو‌لارا چاتدی. تورکیه‌ده ایسه 2016-جی ایلده میلیونچو خانا سایی یوزده 0.2 آرتیملا 28 مینه یوکسلدی. 2021-جی ایلده تورکیه‌دکی میلیونر خانا سایی‌نین 61 مینه چاتماسی گؤزلنیلیر. تورکیه‌نین ده ایچری‌سینده ایشتیراک ائتدیگی اورتا شرق و آفریقا بؤلگه‌سینده وارلیق بؤیوک‌لوگو سون بئش ایلده ایللیک یوزده 6.1 آرتا‌راق 8.1 تریلیون دو‌لارا یوکسلدی.
یئنی شفق: "سرطانا یئرلی حل"
ایلکؤ درمان و سابانجی اونیورسیته‌سی نانوتکنولوژی آراشدیرما و تطبیق مرکزی‌نین (تقدیمات) سرطان معا‌لیجه‌سینده ایستیفاده ائدیلمه‌سی مقصدی ایله یئرلی بیوبنزر درمان اینکیشاف ائتدیرمک اوچون بیرلیکده حاضیرلادیغی سیماب پروژه‌سی، تورکیه علمی و تکنولوژی آراشدیرما تشکیلاتی توبیتاکدان دستک آلدی. تورکیه، تخمینن 4 ایل داوام ائتمه‌سی پلان‌لاش‌دیریلان پروژه سونوندا قلوبال درمان صنایعسی‌نین گله‌جگی اولا‌راق گؤستریلن بیوتکنولوژی بازارین بیر اویونچوسو حالینا گله‌جک.
ایستار: "آنباردا دفیله ائده‌جک"
دونیانین ماراق‌لی یئرلرینده ائتدیگی شوو‌لارلا تانینان و ایفل قولله‌سینی پودیوما چئویرن، مودا پرودوسری ژسیجا مینه آن، 26 ژوئن‌ده آریزونادا سئرگیلیه‌جگی ژ یاز مودا شووو اوچون تورک دیزاینر گولنور گونشی ده سئچدی. دونیادا 'موهندیس‌لیک شاه اولا‌راق تعیین اولونان هوووئر باراژیندا بیر دفیله تشکیل اولان آنه، بو مودا تشکیلاتینا گونشی دعوت ائتدی. موداجی گونش، آریزونادا 6 پارچا‌دان عبارت اولان 'متیس کولکسیونونو گؤروجویه چیخارا‌جاق.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
