تورکیه مطبوعاتی اؤزتی 05.06.2017
تورکیه باش ناظیر بینالی ییلدیریم، سوریهده اوّلدن پلانلاشدیریلان رقه عملیاتینین 2 ژوئن 3 ژوئنه کئچن گئجه باشلادیلدیغینی آچیقلاییب
تورکیه مطبوعاتی اؤزتی 05.06.2017
حریت: "رقه باشلادی"
تورکیه باش ناظیر بینالی ییلدیریم، سوریهده اوّلدن پلانلاشدیریلان رقه عملیاتینین 2 ژوئن 3 یونا کئچن گئجه باشلادیلدیغینی آچیقلاییب. ییلدیریم، " آمریکا لازیملی معلوماتلاندیرماغی عملیات اوّلینده ائتدی" دئدی. ییلدیریم، آمریکانین بؤلوچو ترور تشکیلاتی پ.ک.ک-نین سوریهدکی قولو پ.ی.د / ی.پ.گ-یه دستگیله باغلی اولاراق دا، آنکارانین ناراحاتلیغینین ایفاده ائدیلدیگینی، آمریکانین ده، عملیات سونراسی پ.ی.د / ی.پ.گ ایله علاقهلرین اوزون مدتلی داوام ائدتیریلمیهجگینی، تاکتیکی بیر ایشبیریلغی اولدوغونو ایفاده ائتدیگینی و تورکیهیه ضمانت وئردیگینی سؤیلهدی.
ایستار "گابریئلدن پ.ک.ک چرخی"
فتح اللهچی ترور تشکیلاتی و بؤلوچو ترور تشکیلاتی پ.ک.ک-یا قوجاق آچان آلمانیانین خاریجی ایشلر ناظیری سیگمار گابریئل، بو گون ائدجگی تورکیه زیارتی اوّلینده آغیز دییشدیردی. گابریئل، بیلد آم سوننتانگ قزئتینه وئردیگی موصاحیبهده، "تورکلر بیزدن پ.ک.ک-یا قارشی داها آغیر داورانمامیزی گؤزلییر. پ.ک.ک بیزده ده قاداغان اولان بیر تشکیلات. اونلارین (پ.ک.ک-نین) مالیه قایناقلارینین قورودولماسی و اونلارا آلمان تورپاقلاریندا حرکت ساحهسی بوراخیلماماسی آلمانیانین دا تامامیله خیرینهدیر. بو، تورکیهنین حاقلی اولاراق ایفاده ائتدیگی بیر نقطهدیر. "دئدی.
صاباح "گؤمروک بیرلیگینده رئویزیوندان یوزده 1.3 گلیر"
آوروپا بیرلیگی و تورکیه 13 ژوئنده گؤمروک بیرلیگینی رئویزه ائتمک اوچون ماسایا اوتورور. آوروپا بیرلیگی تورکیه دلئگاسیونو باشقانی سفیر کریستیان برگر، یئنیلمهنین تورکیه بؤیومهسینه یوزده 1.3 قاتقی تامین ائدجگینی سؤیلهدی. برگر، پرزیدنت رجب طیب اردوغانین 25 میده رئاللاشدیردیغی بروکسل ذیروهسینین آوروپا بیرلیگی- تورکیه علاقهلرینده یئنی بیر دؤورون باشلانغیجی اولدوغونو ایفاده ائتدی. سفیر برگر، تورکیه و آوروپا بیرلیگی آراسیندا پروبلم میدانا گتیرن 'ترورون تانیمینین دییشدیریلمهسی موضوعسوندا دا اوزلاشابیلهجگینین سیگنالینی وئرهرک، "تورکیهنین تروریزمله موباریزه ظرفییتینی ضعیفلدمک ایستمیریک" دئدی.
یئنی شفق "سومالی گمیسی یولا چیخدی"
پرزیدنت رجب طیب اردوغانین تعلیماتی اوزرینه باشلادیلان "اومیدی اوّل" کامپانیاسی چرچیوهسینده، تورک قیزیل آییا، باشباخانلیق آفت عاجیل یاردیم رهبرلیگی باشقانلیغی ایله تورک امکداشلیق و کووردیناسیون آژانسی باشقانلیغی (تیکا)، تشکیلاتییلا سومالییه 13 مین تون قیدا و اینسانی کؤمک وسایلی گؤتورهجک سبات آدلی گمی مرسینده یولا سالیندی. باش ناظیر معاوینی ویسی قایناق، هر گون مینلرله اینسانین اؤلدوگو آفریقایا، تورکیهدکی قارداشلارینین بیر گمی دولوسو یالنیز ارزاق دئییل محبّت و دوستلوغو دا گؤندردیگینی سؤیلهدی.
خبرتورک: Bollywood-ا سد اولدوق"
هالیوود باشدا اولماقلا هیندیستان (Bollywood) و ایران کیمی سینما سکتوروندا اون یاپمش بیر چوخ اؤلکهنین یاپیمچیلاری، بؤلوک بودجهلی فیلم و سریاللار اوچون آرتیق تورکیهنی سئچیم ائدیر. کئچن ایل تورکیهده 30-دان چوخ خاریجی دیزی و فیلم چکیلدی. بو ایل ساییسینین 50-نی کئچمهسی گؤزلنیلیر. مدنیت و توریزم ناظیرلیگی، روسیا ایله اورتاق چکیلهجک فیلم و سریاللارا دستک وئریلهجگینی آچیقلادی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.