تورکیه مطبوعاتی اؤزتی 20.04.2017
خاریجی‌لردن، آلانیادا خوشبختیک مساژی
تورکیه مطبوعاتی اؤزتی 20.04.2017
وطن: "اردوغان:" صاندیق‌دان دسپوت چیخماز "
پرزیدنت رجب طیب اردوغان، تورکیه‌نین رژیم سئچیمینی 1923-جو ایلده جمهوریتله ائتدیگینی، بون‌دان سونرا دا باشقا بیر سئچیمی اولمایاجاغینی سؤیله‌دی. اردوغان، "آنایاسا دییشیکلیگیله آتیلان آددیم، یالنیز بیر یئنی ایداره سیستمی‌دیر" دئدی. خالقین سئچه‌رک گتیرجگی بیر ایدارچی‌نین دسپوت اولا بیلمیه‌جگینی وورغولایان اردوغان، "صاندیق‌دان دیکتاتور چیخماز. دیکتاتور سیلاح‌لی چئوریلیشله گلیر. 15 ژوئیه کودتا گیریشیمی بو اؤلکه‌ده موفقیته اولاشسایدی، او زامان ایشده بو اؤلکه‌نی بیر دیکتاتور تهدیدی قاپسایابیلیردی اما بو میللت ایراده‌سینی اورتایا قویا‌راق کودتانی پوسکورتدو و ایدارچی‌سینی صاندیقلا گتیرمگی سئچیم ائتدی. "دئیه بیلدیرمیش‌دیر.
یئنی شفق: "تورکیه مرز سونراسی حرکات اوچون دویمنی باسا‌جاق"
16 آوریل خالق اویلاماسی سونراسی تورکیه، مرز کنارین‌داکی ترور یووا‌لارینا کیلیدلندی. فیرات قالخانی حرکاتی‌نین داوامی اولا‌جاق عملیات‌لار اوچون گئری سایما باشلادی. سوریه و عراقدا پ.ک.ک ایشغا‌لی آلتین‌داکی 3 بؤلگه‌یه کئچیریلمه‌سی پلان‌لاش‌دیریلان حرکاتین حاضیرلیقلاریندان سون مرحله‌یه گلیندی. پ.ک.ک ترور دهلیزی لاییحه‌سینی هامیسییلا زیبیله گؤندره‌جک پلانا باغلی دیپلوماتیک دانیشیق‌لار داوام ائدیر. سوریه‌ده بیر، عراقدا ایکی بؤلگه‌نی احاطه ائدن هدف‌لره حرکت ائده‌جک بیرلیک‌لر حاضیر گؤزلییر.
ایستار: "ایشده آلمانیا ایله فتو علاقه‌سی"
آوروپا اؤلکه‌لری‌نین بؤیوک قیسمی تورکیه علیهداری ترور تشکیلات‌لاری‌نین سانکی فعالیت ساحه‌سی اولدو. بو تشکیلات‌لارا گیزلی و یا آچیق هر جور دستک وئریلیر. آلمانیا ایسه بو اؤلکه‌لر آراسیندا اؤنه چیخیر. خصوصیله فتح الله چی ترور تشکیلاتی (فتو) اوچون تام مناسییلا بیر اساس اولور. فتو، ترور اوزونو گیزلتمک اوچون "آلمان دیالوق موکافاتی" آدی آلتیندا آلمان جمعیتی‌نین مشهور سیما‌لارینا دیالوق موکافات‌لاری پایلاییر. بو موکافات‌لار سایه‌سینده آلمانیادا اؤزونه جدی بیر چئوره الده ائتمیش وضعیتده. بو چئوره سایه‌سینده اؤلکه‌نین کیلید نقطه‌لرینه چاتیر. اؤنونه چیخان بوروکراتیک مانع‌لری آرا‌دان قالدیریر.
صاباح: "خاریجی‌لردن، آلانیادا خوشبختیک مساژی"
آنتالیانین آلانیاسیندا حیاتا کئچیریلن توریزم هفته‌سی قوتلاماسینا قاتیلان مسکون خاریجی‌لر دؤرد دیلده حاضیرلادیق‌لاری پانکاردلا خوشبخت و اعتباردا اولدوق‌لاری مساژینی وئردی. یئرلشیک خاریجی‌لر، آلانیانین یوخولار شهری اولدوغونو و منطقه‌نی ایکینجی وطن‌لری اولا‌راق گؤردوک‌لرینی بوتون دونیایا گؤستردی. آسیا و آوروپا آراسیندا کؤرپو خصوصیتی داشییان تورکیه، طبیعتی، تاریخی، مدنی قورولوشویلا و قوناق‌پرور میللتیله توریست‌لر اوچون جازیبه مرکزی. خاریجی‌لر، تورکیه‌نین توریزمه قیمت و کیفیتده رقیب‌سیز اولدوغو موضوعسوندا همفیکیر.
خبرتورک: "ت.ر.ت-ین ریتینگ رکوردچوسو، دیریلیش ارتوغرول ' دیزی‌سی بازارا گلیر"
بورسا ایستانبول، جیغیر آچا‌جاق یئنی محصول‌لار اوزرینده چالیشیر. بورسا ایستانبول (بیست) صدری همت قاراداغ، "پرستیژ پروژه‌لری ساتماق اوچون چالیشیریق. پوپولر دیزیلر و کؤرپولر داخیل، اونلارین گلیری یاتیریملارلا پایلاشابیله‌جگیمیز مودئل‌لری گتیرجگیک "دئدی. قاراداغ، بو معنادا ت.ر.ت-ده نشر اولونان دیریلیش ارتوغرول ایله بیرلیکده بیر نئچه دیزی اوچون دانیشیق‌لار ائتدیک‌لرینی بیلدیریب. بورسادا اوتوموبیل دا ساتا‌جاق‌لارینی وورغولایان قاراداغ، طلب ائدن‌لرین تورکیه‌ده چیخاریلان بیر اوتوموبیلین اوره‌تیم پروژه‌سی‌نین دگرینه، گلیریله بیرلیکده اورتاق اولا بیله‌جگینی سؤیله‌دی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
