تورکیه مطبوعاتی اؤزتی 11.04.2017
فیسبوک، چین و هیندیستاندان سونرا دونیانین ان قالابالیق اوچونجو (سانال) اؤلکهسی
تورکیه مطبوعاتی اؤزتی 11.04.2017
یئنی شفق: "بازارلار جوشدو"
88 مین 765 امتیازدا آچیلان ایستانبول بورسو، گوجلو آلیملارلا یوزده 3،1 یوکسهلهرک دوننی 91 مین 240 امتیازدا تاماملادی. بو، سون 27 آیین ان یوکسک باغلانیشی اولدو. سرعتلی چیخیشدا آمریکان یاتیریم بانکی مورگان استانلین آنایاسا دییشیکلیگی رفراندومو ایله علاقهدار مثبت راپورو ایله بین الخالق کردیت درجهلندیرمه قورولوشو مودیسین تورکیه ایقتیصادینین 2017 و سونراسی بؤیومهسینه باغلی گؤزلمهسینی یوخاری ایستیقامتلی رویزه ائتمهسی تأثیرلی اولدو. ایقتیصاد ناظیری نیهات زیبکجی، بین الخالق مالیه قوروملارینین هامیسینین رفراندوم ایله باغلی چوخ گوجلو سورغولار ائتدیردیکلرینی و بو هفته سونو اعتیبارییله دا بونون بوتون نتیجهلرینی آلدیقلارینی سؤیلهدی.
وطن: "تورکیهنین اوچوشا کئچهجگی تاریخ"
مالیه ناظیری ناجی آغبال، 2017ده ایلک روبعونده اورهتیم و تیجارتده چارخلار داها یاخشی دؤنمهیه باشلادیغینی اصل یاتیریملارین 16 آوریلدن سونرا باشلایاجاغینی سؤیلهدی. صاحیبکارلارین، یاتیریمین گئری چئوریلمهسی اوچون اؤزلرینه 5-7 ایل کیمی بیر سوره تعیین ائدیب حاقلی اولاراق اؤنونو گؤره بیلمک هدفلدیگینی ایفاده ائدن آغبال، 16 آوریلدن سونرا 5 ایل کیمی بیر مدت عرضینده حکومت دییشیکلیگینین اؤنگؤرولمدیغینی، بونون دا ایش آداملاری اوچون اهمیتلی بیر گوون قایناغی اولدوغونو ایفاده ائتدی. آغبال، اصل یاتیریملارین آوریل آییندان سونرا باشلایاجاغینی ایفاده ائتدی.
صاباح: "دونیانین ان بؤیوگو اولاجاق ایستانبولداکی هاوا لیمانیندا تیکینتی یاریلاندی"
بوتون اعتابلاری تاماملاندیغیندا دونیانین ان بؤیوگو اولاجاق و تورکیهنین ان بؤیوک یاتیریم پروژهسی موقعیتیندکی ایستانبول یئنی هاوا لیمانیندا یولون یاریسینا گلیندی. یوزده 50-ه یاخین بیر بؤلومو تاماملانان هاوالیمانی اوچون یئنی بیر فیلم نوماییش اولوندو. 'بو اثر هامیمیزین باشلیغی آلتیندا اجتماعی مئدیا کاناللاریندا نوماییش اولونان و سونرا تلویزیونلاردا گؤستریلهجک رکلام فیلمینده "بیزیم خیاللاریمیز ده کؤنولوموز ده مرز تانیماز. بیلیریک کی بؤیوک اثرلر اوچون بؤیوک دوشونمک لازیمدیر. بو اینانجلا، یئر اوزونون ان بؤیوک هاوالیمانی هامیمیزین اولسون دئیه، گوجلو و بؤیوک تورکیه اوچون چالیشدیق، یولون یاریسینا گلدیک "ایفادهلری ایستیفاده ائدیلدی. هاوالیمانینین ایلک اعتابی 28 فوریه 2018 تاریخینده خیدمته گیرمهسی پلانلاشدیریلیر.
خبرتورک: "تورکیه و اجتماعی مئدیا"
فیسبوک، چین و هیندیستاندان سونرا دونیانین ان قالابالیق اوچونجو (سانال) اؤلکهسی. شیرکتلر ایخراجات اوچون دونیانین ان بؤیوک بازارلارینا ان گوجلو شکیلده یئرلشه یوللارینی آختارارکن، مرزلرین قالخدیغی بئله سانال بیر اؤلکهده ساتیش ائتمک، شیرکتلرین سون 3-4 ایلدیر عاغلینی قوردالایان ان اساس سوال. 44 میلیون فیسبوک ایستیفادچیسینین و دونیانین ان گنج اهالیلرینده بیرینه صاحب اولان تورکیه، موشتریلریله علاقه یاراتماق، محصوللارینین بنزری گؤرولممیش میقیاسدا آداپتاسیونونو تامین ائتمک اوچون بؤیوک بیر اوستونلویه صاحب. تورکیهده هر آی 41 میلیون آدام فیسبوکا موبیل اوزریندن باغلانیر. آرتیق دونیا بؤیوک شیرکتلر، اجتماعی مئدیا اوزریندن کوتلهلره چاتما آرخاسیندا. تورکیه بو ساحهده بؤیوک بیر پوتانسیل اولاجاق.
ایستار: "بلت: تورکیهیه قارشی عیرقچی موضع سرگیلهین آوروپادان اوتانیرام"
آوروپانین تورکیهیه قارشی موقعیتینی تنقید ائدن فرانسیز پیانوچو و بستکار استفان بلت: سؤز موضوعسو تورکیه اولونجا بوتون دگرلرینی اونودان آوروپا، داواملی یالان دانیشیب قوطبلشمه موحیطی حاضیرلاماق ایستییر. آوروپادان اوتانیرام. "دئدی. بلت، تورکیهیه قارشی قورخونج بیر سناری حاضیرلاندیغینی ایفاده ائدهرک، آوروپادا اینسانلار مسلمانلاردان قورخسون دئیه مئدیانین ایستیفاده ائدیلدیگینی و بیر مسلمان - خریستیان قارشیدورماسی چیخاریلماغا چالیشیلدیغینی سؤیلهدی. بلت، آوروپالی خالقین پیس سیاستچیلردن سیخیلدیغی آچیقلاماسینی ائتدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.