تورکیه مطبوعاتی اؤزتی 10.04.2017
یئنی شفق: "کورهلیلر تورکیه سئوگیسی بیر باشقا"
تورکیه مطبوعاتی اؤزتی 10.04.2017
صاباح: "سوریهلی آتا: اردوغان ویجدانی اولان بیر لیدر"
سوریهده رژیم گوجلرینین 4 آوریلده ایدلیب خان شیخون دیارینا تشکیل ائتدیگی شیمیایی سیلاح سالدیریسیندا، 27-سی اوشاق 100 وطنداش اؤلدو. سالدیریدا 9 آیلیق اولان اکیز کؤرپهلری و حیات یولداشی داخیل 25 یاخینینی قوربان وئرن عبدالحمید الیوسوف، حادثهدن سونرا پرزیدنت رجب طیب اردوغانین دعوتی ایله تورکیهیه گلدی. یوسوف، هاتایدا قاتیلدیغی کوتلوی آچیلیش مراسیمی سونراسی هاوا لیمانیندا گؤروشدوگو پرزیدنت اردوغانی آلنیندان اؤپدو. سوریهلی آتا، "اردوغان ویجدانی اولان بیر لیدر. کاش کی بیزیم ده اردوغان کیمی بیر لیدریمیز اولسایدی دا باشیمیزا بونلار گلمسیدی "دئدی.
خبرتورک: "آلبایراک: آندرسندن ناغیللار دؤورو بیتدی"
انرژی و طبیعی قایناقلار ناظیری بئرات آلبایراک، گوجون و زنگینلیگین غربدن شرقه سوروشدوگونو و دونیادا یئنی بیر دؤورون باشلادیغینی ایفاده ائدهرک، آندرسندن ناغیللار دؤورونون بیتدیگینی سؤیلهدی. تورک میللتینین تاریخدن درس آلدیغینی و یاشایاراق اؤیرندیگینی ایفاده ائدن آلبایراک، "عصرلردیر بو تورپاقلارداکی کودتا گیریشیمی ایلک دفعه 15 ژوئیهده اوغورسوز اولدو. بو میللت آرتیق ائله جسارتلی و فرقینده کی صاحب اولدوغو قازانیملارا صاحب چیخیر. "دئدی. آلبایراک، تورکیهنین، اؤنوندکی 10 ایللیک مدتی باشاری ایله آتلاتماسی حالیندا عصرین گئدیشاتینی تأثیر ائدجگینی دیله گتیردی.
وطن: "آوروپالی نساجیچیلر تورکیه بازارینا گیرمک اوچون فورصت آختاریللار"
گؤزلنیلهنین اوستونده چیخان بؤیومه رقمی، گنج اهالیسی و آرتان آدام باشی گلیریله خاریجی مارکالارین سرعتلی مرکزینده اولان تورکیه، اوچ یئنی مارکایا داها ائو صاحبلیگی ائدهجک. آوروپانین ان مشهور حاضیر گئییم مارکالاریندان نیویورکئر و چوخ مرتبهلی ماغازا زنجیری سلفریجز( Selfridges ) ایله ژاپون یونیکلو(Uniqlo)، تورکیهیه گیرمک اوچون یئر باخیر. دیگر طرفدن، فرانسانین چوخ مرتبهلی لوکس ماغازاسی گالری لافایت(Galeries Lafayette)، ایستانبولون آوروپا بؤلومونده ایکی ماغازا داها آچماق اوچون آلیش-وئریش مرکزی آراشدیریر.
یئنی شفق: "کورهلیلر تورکیه سئوگیسی بیر باشقا"
تورکیهنین بؤیوک آلت یاپی یاتیریملاریندا سون ایللرده اؤنه چیخان جنوبی کورهلیلر کؤنلونده تورکیه سئوگیسی آیری بیر یئره صاحب. بو گون هر کورهلی شیرکت اوچون تورکیه پوتانسیل بیر یاتیریم بؤلگهسی اولدوغو قدر، قارداش اؤلکه وضعیتینده. کورهلیلر 1950دکی کوره ساواشیندا قهرمانلیقلار سرگیلهین کؤنوللو تورک عسگرلرینی اونودا بیلمیر و هر فورصتده وفا گؤستریر. 2002-جی ایلده تورکیه و جنوبی کوره میللی تیملری، دونیا کوپاسیندا قارشی-قارشییا گلینجه او گون اؤلکه سانکی ایکییه بؤلوندو. کورهلیلر یاریسی تورکیه یاریسی دا اؤز دستهلرینی دستکلهدی بو داها اوّل یاشانمایان بیر شئی ایدی. کورهلیلر معنویاتین یانیندا یوکسک تکنولوژی ایله ده تورکیه ایله علاقهلرینی گوجلندیرمک ایستییر و یاتیریم اؤنجهلیکلرینی تورکیهیه آییریر.
ایستار: "سوپر اولدوز مسعود اؤزیل، آلمانلارین آیریمجیلیغینی ایضاح ائتدی"
اینگیلتره پرمیر لیگ قروپو آرسنالین آلمان میللی فوتبالچیسی مسعود اؤزیل، تورک کؤکنلی اوزوندن آلمانیادا گیردیگی اآلت یاپی سئچمهلرینده حاقسیزلیغا اوغرادیغینی سؤیلهدی. اینگیلترهنین دیلی میل قزئتینه وئردیگی موصاحیبهده، مسعود اؤزیل، "گیردیگیم آلت یاپی سئچمهلرینده آچیق آرا ساحهنین ان ایگیسیدیم. یوزده یوز سئچیلهجگیمی دوشونوردوم اما ائله اولمادی. بو 3-4 دفعه باشیما گلینجه یاشادیغیم آیری-سئچکیلیگین فرق ائتدیم. "دئدی. اؤزیل، "آتاما یاشادیغیم حاقسیزلیغین سببینی سوروشدوقدا، منه" مسعود، سئچیلممن یئتنئغینله علاقهلی دئییل. بو، تورک کؤکه و آدینین مسعود اولماسییلا علاقهدار. "جاوابینی وئردی. مشهور فوتبالچی، "باشیما گلنلری بؤیودوکجه داها یاخشی آنلاییرام." دئیه دانیشدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.