تورکیه مطبوعاتی اؤزتی 06.04.2017
ایستار: "اسدین شیمیایی سالدیریسی سونراسی آنکارا حرکته کئچدی
تورکیه مطبوعاتی اؤزتی 06.04.2017
خبرتورک: "اردوغان: آوروپا بیرلیگی‌نین مصنوعی ریفاه نظمی جیریلداییر"
پرزیدنت رجب طیب اردوغان، آوروپا بیرلیگینده قورولان مصنوعی ریفاه نظمی‌نین چاتیردادیغینی، اورتا یاش حدی 43-و اولان آوروپا بیرلیگی‌نین، گنج‌لرینه ایش تاپماقدا چتین‌لیک چکدیگینی سؤیله‌دی. آوروپانین آرتیق ایستیخدام اومیدی اولماق‌دان دا چیخدیغینی وورغولایان اردوغان، "بیزی ایقتیصاد، ویزا و تیجارتله تهدید ائدن‌لر، اوّل دؤنوب اؤزلرینه باخسین‌لار. وضعیت‌لری یاخشی دئییل. بونو گؤردوکده، گلیرلری آزالان، بورج‌لاری آرتان و بوتون بون‌لارین یانیندا تیجارتی دارالان، یاتیریم اورتامی دوشن، ایشسیزلیگی یوکسه‌لن، یاش‌لانان بیر آوروپا قاره‌سی گؤره‌جک‌لر. ایشده او زامان کیمین کیمه احتیاجی اولدوغو دا آیدین اولا‌جاق "دئدی.
یئنی شفق: "اردوغان: ایستی بیر یازا حاضیر اولون"
پرزیدنت اردوغان، تورکیه‌نین گلیشیب بؤیومه‌سینی ایستمه‌ین‌لرین هر زامان ترور تشکیلات‌لارینی ایستیفاده ائتدیگینی سؤیله‌دی. اردوغان، شر مرکزلری، بیر دؤور آسالا دئیه بیر تشکیلات ایجاد ائتمیشدی‌لر. ایشی بیتینجه بیر چوخ تشکیلاتی صحنه‌یه سوردولر. پ.ک.ک، پ.ی.د، ی.پ.گ، د.ه.ک.پ-ج- بسله‌ییب بؤیوددولر. بون‌لارین غیری-کافی اولدوغو یئرلرده، فتح الله جی ترور تشکیلاتی (فتو) خیانت شبکه‌سینی احیا ائتدی‌لر. سوریه و عراقدا گویا موباریزه ائتدیک‌لری داعشی اوزریمیزه سالماقدان گئری دایانمادی‌لار. "دئدی. تورکیه‌نین ترورلا باشاریلی شکیلده موباریزه ائتدیگینی ایفاده ائدن اردوغان، "الباب بیتدی، جرابلوس، رای و دابی بیتدی. یولا داوام. ایندی مونبیچ وار. ترور تشکیلات‌لارینی ایستیفاده ائده‌رک بیزه دیز چؤکتوره‌جکلرینی سانان‌لار ایستی بیر یاز گؤزلییر، خبرلری اولسون. "دئدی.
صاباح: "قیرمیزی بولتنله آختاریلان پ.ک.ک تروریستی آلمانیا وطنداش‌لیغینا کئچیرمیش"
1988-جی ایلده جنوب-شرقی آنادولو بؤلگه‌سینده ایکی ابتدای مکتبین یاندیریلماسی و جینایت گوناهین‌دان حاقیندا قیرمیزی بولتن چیخاریلان پ.ک.ک‌لی تروریست جلال کیلداغ، کاریب 3 آدا‌دان عبارت اولان اینگیلتره‌یه باغلی کیچیک اؤلکه کایمان آدا‌لارینا گئدن یولجو گمی‌سین‌دن ائنینجه نظارته آلیندی. تروریستین، آلمانیا وطنداشی اولدوغو آیدین اولدو. آلمان یولداشی ایله بیرلیکده نامیزده توریست اولا‌راق گلن تروریست، آلمانیا پاسپورتونا دا صاحب، آنجاق حاقیندا تروریست اولدوغو ادعاسییلا توتما طلبی وار. ایندی ترورچونون تورکیه‌یه اعاده ائدیلیب ائدیلمیه‌جگی ماراق ائدیلیر.
وطن: "تورکیه‌نین سوریه موضوعسون‌داکی فداکارلیق‌لاری آوروپانی اوتاندیریر"
اسد رژیمی‌نین شیمیایی سیلاح سالدیریلارینا اعتراض‌لار داوام ائدیر. اینگیلتره خاریجی ایشلر ناظیری بوریس جانسون، اؤلکه‌سی و آمریکانین 2013 سوریه‌ده شیمیایی سیلاح ایستیفاده ائدیلمه‌سینه قارشی‌لیق وئرمدیگینی خاطیرلادا‌راق، "هر کس بیلیر کی، بو گون بونون نتیجه‌لری ایله یاشاییریق. سوریه خالقی او قرارین نتیجه‌لریله یاشاییر." دئدی. آلمانیا خاریجی ایشلر ناظیری سیگمار گابریل ده "تورکیه قاچقین‌لاری آلماقلا یالنیز معجزه بیر ایش ائتمکله قالمادی. بعضن آوروپا‌داکی مذاکیره‌لره باخیر و اوتانیرام" دئدی.
ایستار: "اسدین شیمیایی سالدیریسی سونراسی آنکارا حرکته کئچدی"
آنکارا دونن فوق ا‌لعاده بیرلشمیش میللت‌لر امنیت شوراسی‌نین کونفرانسی اوّلی متخصص تاپینتی‌لاری و شاهید ایفاده‌لرین‌دن عبارت اولان راپورو بمت-یه عاجیل کدلا چاتدیردی. راپوردا سوریه‌نین ایدلیب ویلایتین‌دکی شیمیایی سالدیریدا حیاتینی ایتیرن‌لرین ساییسی‌نین 72یه چیخدیغی بیلدیریلدی.
تورک مسئول‌لار، سالدیری‌نین سوریه رژیمینه عاید ایکی سوخو-22 اوچاغی طرفین‌دن ائدیلدیگینی تثبیت ائتدی. آنکارا، ایلک تاپینتی‌لارین کلور گازی اولدوغونو ایفاده ائدرکن، غرب خبر آژانس‌لاری سارین گازی ایستیفاده ائدیلدیگینی یازدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
