تورکیه مطبوعاتی اؤزتی 17.01.2017
ترور تشکیلاتی پ.ک.ک-نین آنا قوجاغیندان گؤتوروب داغا چیخاردیغی و اؤن سیرالاردا اؤلومه سورودوگو اوشاقلارین فوتوشکیللری، آدلاری و اؤلوم تاریخلری، حاضیرلانان کشفیات راپوروندا یئر آلدی
تورکیه مطبوعاتی اؤزتی 17.01.2017
خبرتورک: "گئجه کلوبو سالدیرقانی توتولدو"
یئنی ایل گئجهسی گئجه کلوبو رئینادا 39 آدامی قتل ائدن اؤزبک اصیللی عبدالقادیر ماشاریپوو، ایستانبولدا بیر سیتهیه تشکیل ائدیلن عملیاتلا توتولدو. عملیاتدا 1-ی قیرقیز، 3و قادین 5 نفر نظارته آلیندی. ماشاریپووون توتولماسییلا چؤکرتیلن ترور تشکیلاتی داعش حوجیرهسینین، آلوئر و یئر دییشدیرمکده دقت چکممک اوچون قارا قادینلاری ایستیفاده ائتدیغی توتولدوقلاری آدرسده اوزون مدتدیر قالدیقلاری تثبیت ائدیلدی. ماشاریپووون توتولماسی اوچون ایستانبول امنیت مودیرلیگی طرفیندن مین نفرلیک اؤزل بیر قروپ قورولدو. شوبههلیلرین، آلوئر و یئر دییشدیرمکده دقت چکممک اوچون ده قارا قادینلاری ایستیفاده ائتدیکلری تثبیت ائدیلدی.
ایستار: "تورکیهنی سئویریک"
کاریئرالرینه تورکیهده داوام ائدن خاریجی مانکن و مودئللر ترور سالدیریلاری سونراسی فورمالاشدیریلان ایمیجه قارشی بیرلشدی. خاریجی مودئللر، پایلاشدیقلاری ویدئودا اینگیلیس اولاراق، "تورکیهنی سئویریک. قورخمایین، بورا گلین. بورا گؤزل بیر اؤلکه "دئدیلر. مانکنلرین بو ویدئولاری، اجتماعی مئدیا حسابلاری اوزریندن پایلاشماسی اوزرینه ویدئولار قیسا مدت ایچینده بیر چوخ ایستیفادچییه چاتدی. تورکیهده مودئللیک ائدن دونیا طرفیندن مشهور مودئل و مانکنلردن بو نومونه و دویقولاندیریجی داورانیش، بیر چوخ اینساندان بؤیوک تقدیر ییغدی.
صاباح: "پ.ک.ک-نین اؤلومه سوردوگو اوشاق"
ترور تشکیلاتی پ.ک.ک-نین آنا قوجاغیندان گؤتوروب داغا چیخاردیغی و اؤن سیرالاردا اؤلومه سورودوگو اوشاقلارین فوتوشکیللری، آدلاری و اؤلوم تاریخلری، حاضیرلانان کشفیات راپوروندا یئر آلدی. راپوردا اوشاقلارین پ.ک.ک طرفیندن جینسی و فیزیکی زوراکیلیغا معروض قالدیقلاری بیلدیریلیر. پ.ک.ک-نین اوشاق تروریستلره دولار وئرمگی عهدهلرینه ائتدیگی ایفاده ائدیلن راپوردا، ماغارالارا قویولان اوشاقلارین چاتیشما اولمادیغی زامانلاردا اودون توپلانماسی، سیپر و توالت چوخورو قازما، قاب-قاجاق و پالتار یوما، یئمک ائتمه و کئشیک توتما ایشلرینده ایستیفاده ائدیلدیگی، اوست سویه تشکیلات رهبرلرینین بیندیکلری قیزلاری، اؤزلرینه نؤکر اولاراق آییراراق جینسی ایستیثماردان اولدوقلاری ایشتیراک ائدیر. راپورون سون بؤلومونده ایسه تشکیلاتین سوریهدکی داوامی ی.پ.گ-نینده یوزلرله اوشاغی عائلهلریندن زورلا آلیب چاتیشمالارا گؤندردیگی و اونلارلا اوشاغین اؤلدوغونه یئر وئریلیر.
وطن: "تورکیهنین ایقیتصادی آلت یاپیسی محکم"
مالیه ناظیری ناجی آغبال، تورکیه ایقتیصادینین پارامترلرینین محکم اولدوغونو سؤیلهدی. تورکیهنین بیر چوخ اوستونلویه مالیک اولدوغونو و بوتون قلوبال بالانسسیزلیقلارا باخمایاراق تورکیه ایقتیصادینین بؤیومهیه داوام ائتدیگینی وورغولایان آغبال، "تورکیه اولاراق بوتون ریسکلره قارشی بؤیومه نیسبتلرینی یوخارییا چکمک، ایستیخدامی یوخارییا چکمک ایشسیزلیک نیسبتلرینی آشاغییا چکمک و ان اهمیتلی موضوعلاردان بیری ده اینفلاسیونو داها آشاغی سویهلره چکمک حکومت اولاراق بیزیم ان بؤیوک مسئولیتیمیز. سون بیر نئچه آیدیر اورتایا چیخان معلوماتلار ایقتیصاددا یوخاری دوغرو عاجیل اولدوغونو گؤستریر. "دئیه بیلدیرمیشدیر.
یئنی شفق: "قوزئی قیبریس تورک جمهوریتی شانگایا گیرسین"
تورکیه انرژی ایستراتژیلری و سیاستی آراشدیرما مرکزی (TESPAM) صدری اوغوزحان آکیئنر، قیبریس پروبلمی حلّینه انرژی باخیمیندان باخیلدیغیندا، اگر بیر حلّ اولمایاجاقسا تورکیه، شانگای امکداشلیق اؤرگوتوندکی موقعیتینی و روسیا ایله یاخینلیغینی ایستیفاده ائدهرک، قوزئی قیبریس تورک جمهوریتینین شانگای اؤلکهلری طرفیندن تانینماسی موضوعسوندا تلاشلارا باشلایابیلهجگینی تکلیف ائتدی. آکیئنر، " قوزئی قیبریس تورک جمهوریتی ده اورتا وعدهده شانگای امکداشلیق اؤرگوتوندکی انرژی قروپو عضولری آراسینا گیره بیلر، حتی اوزون وعدهده شانگای امکداشلیق اؤرگوتوندکی اصل عضولری آراسینا گیرمهسی تامین ائدیله بیلر. حاقی اولان ایختیلافلی دنیز ساحهلرینده، روس و چین بؤیوک نفت شیرکتلری ایله اورتاق آراماجیلیک فعالیتلرینه گیریشهبیلیر. "دئدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.