تورکیه مطبوعاتی اؤزتی 21.12.2016
آوروپانین تورکیهیه یؤنلیک حاقسیز تنقید و باسقیلاری، بو اؤلکهلرده یاشایان تورکلردن بؤیوک اعتراض گؤرور
تورکیه مطبوعاتی اؤزتی 21.12.2016
صاباح: "تورکلردن آوروپا بیرلیگینه پ.ک.ک-فتو حیرصی"
آوروپانین تورکیهیه یؤنلیک حاقسیز تنقید و باسقیلاری، بو اؤلکهلرده یاشایان تورکلردن بؤیوک اعتراض گؤرور. آلمانیا و بلژیکده اوّلکی گون اون مینلرله تورکون قاتیلیمی ایله کئچیریلن "ترورا لعنت، دموکراسییه دعوت" میتینگلر، دونن ده هولند و فرانسادا ائدیلدی. "پ.ک.ک = پ.ی.د = ی.پ.گ = داعش = فتو"، "آوروپادا ترورا دستک وئرمگی بوراخین" یازیلی پلاکاردلار داشیندیغی اعتراضلارا اونلارلا سیویل تشکیلاتلاری دا دستک وئردی. فرانسانین باشکندی پاریسین سمبولو رپوبلیکا میدانیندا توپلانان مینلرله تورک، ترور تشکیلاتلارینی قینادی. هولندده ایسه روتردامین آفریقاندرپلین میدانیندا تشکیل ائدیلن میتینگه، یاغیش و فیرتینایا باخمایاراق اللرینده تورک بایراقلاری قاتیلان جوشغولو جماعت، ترورا دستک وئرن آوروپا اؤلکهلرینه اعتراض گؤستردی.بلژیکین باشکندی بروکسلده اوّلکی گون توپلانان تورکلر، آوروپا بیرلیگی بیناسی یاخینلیغینداکی شومن میدانینداکی "ترورا لعنت، دموکراسییه دعوت" گؤستریسینده، آوروپا بیرلیگینه "ترورو دستکلمه" مساژی وئردی. تورکلر، آلمانیانین باشکندی برلینده ده ترورو و ترور تشکیلاتلارینی دستکلهینلری قینادی. براندنبورگ قاپیسی اؤنوندکی میتینگه چوخ سایدا تورک درنکی دستک وئردی.
حریت: "قیبریسده آنا وطنلری دؤورهده"
بو گون تاماملاناجاغی آچیقلانان سوئددکی ایجلاسا جمعه آخشامی پرزیدنتی رجب طیب اردوغان و یونانیستان باش ناظیری آلکسیس چیپراسین تلفون گؤروشمهسی دامغاسینی ووردو. ایکی لیدر، مذاکیرهلرین سون آددیمی، قارانتر اؤلکهلر تورکیه، یونانیستان و اینگیلترهنین ده قاتیلاجاغی ایجلاسین دسامبر آییندا توپلانماسینی اله آلدی. قیبریسله باغلی گلیشمهلرین دالبادال گلمهسی طرفلرین، سوئیسدکی ایجلاسدان داها چوخ گارانتؤرلوک موضوعسونا فوکوسلانماسینا یول آچدی.
خبر تورک: "هاوا ترافیکینه بؤیوک هیات"
ایستانبولون یئنی هاوالیمانی بیر چوخ ساحهده دونیا سویهسینده "ان بؤیوک" اولما خصوصیتینه صاحب اولاجاق. بونلاردان بیری ده 6 پیست فعالیته کئچدیگی زامان هاوا تریفیگینی 800 نفرلیک بؤیوک بیر هیاتین ایداره ائتمهسی اولاجاق. 4 اعتاپدا ائدیلهجک اولان هاوالیمانینین 90 میلیون مسافر ظرفیتیلی ایلک اعتابینین 26 فوریه 2018-جی ایلده یئتیشدیریلمهسی اوچون ایشلر سرعتله داوام ائدیر. 250 آیری هاوا یولو شیرکتینین اوچاجاغی هاوالیمانینین یالنیز بیرینجی فازیندا فعالیته کئچهجک ایکی پیستده گونده 2 مین اوچاغا سرویس وئریلهجک.
وطن: "میلیونلارلا تویوتا تورک ایمضاسی داشییاجاق"
تویوتانین 350 میلیون آورو سرمایه ساکاریا فابریکاسیندا چیخارماغا باشلادیغی تورک موهندیسلرین ایمضاسینی داشییان C-HR مودئلینین know how-ی آنا مرکز ژاپونیایا ترانسفر اولاجاق. باشیندا تورک موهندیس محمت فاتیح کالنین اولدوغو قروپ طرفیندن حاضیرلانان C-HRین داخیلی مکانی، اؤنوموزدکی دؤورده چیخاریلاجاق میلیونلارلا یئنی تویوتادان ایستیفاده ائدیلهجک. داها اوّل آوریسین ایچ مکانینی حاضیرلایان قالا، C-HRین گلیشدیرمه مدتینده باشیندان بری وظیفه آلدیغینی ایفاده ائدهرک، "C-HR-دا دویوسال کالیته یؤنتیمی آدینی وئردیگیمیز دیزاین دیلینی ایجرا ائتدیک. توول آوروپا اوچون تاسارلانمیشدیر آنجاق ایچ دیزاین او قدر چوخ بینیلدی کی آنا مرکز ژاپونیا بئله آر-گه اوچون know how'-ی منیم بؤلومومدن آلماق ایستییر "دئدی.
یئنی شفق: "تورکیه اودالار و بورسلار بیرلیغینده 22 اؤلکه ایله تورک-عرب اوتاغی"
تورکیه اودالار و بورسلار بیرلیگی، عرب اودالار بیرلیگی ایله 24 نوامبر 2016 تاریخینده ایستانبولدا ایمضالایاجاغی راضیلاشما ایله تورک-عرب اوداسی قوراجاق. اوتاق، 2،7 تریلیون دولارلیق بیر ایقتیصادا صاحب 22 اؤلکه ایله تورک ایش دونیاسینی گؤروشدورهجک. تورکیه اودالار و بورسلار بیرلیغی باشقانی ریفات حیصارجیکلی اوغلو، قورولاجاق تورک-عرب اوداسینین، کئچیریلهجک بیرگه تدبیرلر و ائدیلهجک اورتاق ایشلرله تورکیه ایله عرب اؤلکهلری آراسیندا تیجارت و یاتیریم علاقهلرینین گلیشدیریلمهسینه قاتقی تامین ائدجگینی سؤیلهدی. عرب اودالار بیرلیگی، 1951-جی ایلده قورولان و تأثیرلی ایشلریله بیلینن بیر قورولوش. مرکزی بیروتدادیر. بونیهسینده؛ سعودی عربیستان، قطر، بحرین، بیرلشیک عرب امیرلیکلری، کویت و عمان کیمی زنگین کؤرفز اؤلکهلری ایله میصر، لیبی، تونیس، الجزایر، مراکش، سومالی و سودان کیمی اورتا و قوزئی آفریقا اؤلکهلرینین اودالار بیرلیکلری یئر آلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.