تورکیه مطبوعاتی اؤزتی 05.10.2016
ایستار: "ماشین ساتیش‌لاری آرتدی"
تورکیه مطبوعاتی اؤزتی 05.10.2016
خبرتورک: "قالین: اوباما و پوتین ایله گؤروشمه سؤز موضوعسو"
تورکیه پرزیدنت سؤزچوسو ایبراهیم قالین، خصوصی بیر تلویزیون‌دا گوندمه باغلی ائتدیگی آچیقلامادا، سوریه‌ده حلب‌ده و دیگر یئرلرده وضعیتین چوخ پیسه گئتدیگینی، تورکیه‌نین، آتشکسین یئنی‌دن تامین ائدیلمه‌سی اوچون سی گؤستردیگینی سؤیله‌دی. پرزیدنت اردوغانین یئنی‌دن سفرین‌دن اولاجاغینی ایفاده ائدن قالین، "حؤرمت‌لی اوباما ایله بیر گؤروشمه سؤز موضوعسو. حؤرمت‌لی پوتینله 10-(اوکتوبر) اوّل بیر تلفون گؤروشمه‌سی نیظاملاماغا چالیشیریق. تورکیه رول قاپما دردینده دئییل. سوریه ساواشی ائله بیر ساواش کی بؤیوک گوجلری وکالت ساواشینا، دیگر گوجلرین ساحه‌ده قازانما ساواشینا دؤندو. اورتادا ایده‌آل بیر وضعیت یوخدور. بیز تلاشلاری داوام ائتدیرجگیک. "دئدی.
صاباح: "ایلک یئرلی دیزاین تلسکوپ چیخاریلیر"
ارزوروم آتاتورک اونیورسیته‌سی ایله ایستانبول FMV ایشیق اونیورسیته‌سی بؤیوک بیر تلسکوپ چیخارا‌جاق. یئرلی تلسکوپ، هابل کوسموس تلسکوبون‌دان 7 قات یوکسک دقیق‌لیگه صاحب اولا‌جاق. آداپتیف اوپتیک سیستمی ایله حیاتا کئچیریله‌جک اولان "شرق آنادولو رصدخانا (داگ) تلسکوپ" اوروپا‌داکی ان یوکسک کیفیت‌لی آسترونومیک موشاهیده جیهازی اولا‌جاق. 4 متر دیامترلی، هم ویزوال، هم ده قیزیل اؤته‌سی بؤلگه‌ده موشاهیده ائده بیلمه قابیلیتینه صاحب داگ تلسکوپو و قوببه‌سی‌نین اینکیشاف ائتدیریلمه‌سی پروژه‌سی، قالخینما ناظیرلیگی طرفین‌دن ده دستک‌لنیر.
ایستار: "ماشین ساتیش‌لاری آرتدی"
ماشین ساتیش‌لاری ایکی آیلیق دورغون‌لوغو آردین‌دان سپتامبر آییندا آرتدی. آرتیم‌لار کئچن ایلین عینی آیینا گؤره یوزده 5،6یه یئتیشدی. سپتامبر آییندا ساتیلان ماشین سایسی 67 مین 593 اولدو. سپتامبر آییندا ماشین ساتیش‌لاری کئچن ایلین عینی آیینا گؤره یوزده 9 آرتیملا 51 مین 340 اده‌ده یوکسلرکن یونگول تیجاری واسطه ساتیش‌لاری یوزده 4 آزالا‌راق 16 مین 253 عده‌ده گئریله‌دی.
حریت: "کنیدوس‌دا شرف تریبونو تاپیلدی"
داتچاداکی 2 مین 600 ایللیک کنیدوس آنتیک شهرینده داوام ائتدیریلن قازینتی‌لاردا یئنی بینالار اورتایا چیخدی. قازینتی هیاتینی ان چوخ هیجانلان‌دیران اولانی‌نین تاریخی آنتیک شهرین اساس جاده‌سینده تشکیل ائدیلن مراسیم‌لر اوچون آیریلان اؤزل شرفلنمه بؤلومو (شرف تریبونو) اولدو. کنیدوس قازینتی ایشلرینده وظیفه آلان آرکولوق باتیکان بورا، 'تاریخی آنتیک شهرین 5 مین نفرلیک کیچیک تئاتری‌نین اساس دیواری ایلک دفعه گون ایشیغینا چیخمیش اولدو. 7-8 متر یوکسکلیگینده و تخمینن 100 متر اوزونلوغون‌داکی دیوارین محتشم داش ایشچی‌لیگی ایلک گونکو گؤرکمینی هله ده قورویور 'دئدی.
وطن: "ایستانبول لل-جواهیرات سرگی‌سینده چوخلو ماراق"
دونیانین 5-جی بؤیوک زرگرلیک سرگی‌سی ' İstanbul Jewelry Show -13-16 اوکتوبر تاریخ‌لری آراسیندا تورک ایقتیصاد بانکی ایسپونسورلوغوندا تشکیل ائدیله‌جک. سرگی، CNR Expo لل-جواهیرات آلیجی و ساتیجی‌لارینی بیر آرایا گتیره‌جک. تورکیه لل-جواهیرات صادراتی‌نین یوزده 80ینی یاخین بیر پایی‌نین رئاللاشدیغی سرگییه ماراق چوخ. تشکیلات داخیلینده 800ون اوزرینده یئرلی و خاریجی فیرما یئنی مؤوسوم دیزاین‌لارینی تانیدا‌جاق. تورکیه دونیا قیزیل جوهیرات اوره‌تیمینده ایلک 5 اؤلکه آراسیندا.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
