تورکیه مطبوعاتی اؤزتی 29.09.2016
وطن: "باکی-تیفلیس-قارصدا تست سوروشو"
تورکیه مطبوعاتی اؤزتی 29.09.2016
حریت: "بئش تپهیه 5 میلیون جیلدلیک کیتابخانا"
ایچینده 5 میلیون دری کیتابین اولاجاغی پرزیدنت کیتابخاناسی اوچون ایلک قازما وورولدو. دونیانین ایکینجی، تورکیهنین ان بؤیوگو اولاجاق کیتابخانا، پرزیدنت سارایینین خالقا آچیق اوچونجو بیناسی اولاجاق. پرزیدنت ایله بئش تپه میللت مدنیت و کونگره مرکزینین عثمانلی-سلجوقلو طرزیندکی معماری آنلاییشینا اویغون شکیلده تیکیلهجک کیتابخانانین 2017-جی ایلین سونوندا عملیات پلانلاشدیریلیر. کیتابخانا اوچون ایچینده و خاریجدن یئنی اثر آلیشلاری داوام ائدیر.
وطن: "باکی-تیفلیس-قارصدا تست سوروشو"
قارص والیسی رحمی دوغان، باکی-تیفلیس-قارص دمیریولوندا سونا یاخینلاشیلدیغینی و ایل سونوندا تست سوروشلرینی باشلاناجاغینی سؤیلهدی. قاطار ختتینده ایشلرین سرعتله داوام ائتدیگینی ایفاده ائدن اوستاندار دوغان، "تاریخی ایپک یولو، بو ایشلر نتیجهسینده اسکی جانلیلیغینا قوووشاجاق. باکی-تیفلیس-قارس دمیریولونون ان اهمیتلی خصوصیتی، چیندن اوروپایا گئدهجک اولان بوتون ماللارین بو خطدن داشیناجاق اولماسی" دئدی.
یئنی شفق: "قاتیلیمین دا مرکزی اولاریق"
ایستانبولون قلوبال بیر مالی مرکزی اولماسی یولوندا اهمیتلی آیاقلاریندان بیرینی ده قاتیلیمچی بانکچیلیغی میدانا گتیریر. کئچدیگیمیز ژوئنده 1 میلیارد دولارلیق سوکوک صادراتی ایله قاتیلیم بانکچیلیغی موضوعسونداکی دایانیقلیلیغینی اورتایا قویان تورکیه، دونن قاتیلیم بانکچیلیغی دوایئنلرینه ایستانبولدا آغیرلادی. بورسا ایستانبولداکی فورومدا قاتیلیم بانکچیلیغینین 2023 اینکیشاف هدفلرینه چاتیلماسی نقطهسیندکی رولو مذاکیره ائدیلدی، قاتیلیم بانکچیلیغینداکی فعالیتلرینه سرعت وئرن تورکیهنین جانلی بیر بازار اولدوغونا دقت چکیلدی. فوروما، اولوسلار آراسی یاتیریملار چوخ ماراق گؤستردی.
صاباح: "تورکیهنین یوکسهلن بیر قاطار وار"
تورکیهیه 100 میندن چوخ یازار کاسا و پوس جیهازینی/ آلیوئریش پول چکمه ماشینی تداروک ائدن Ingenico Group آسیا ساکیت اوقیانوس و اورتا شرق بؤلگه باشقانی پاتریک لی مر، تورکیهدکی اینکیشافلاری یاخیندان تعقیب ائتدیکلرینی سؤیلهدی. تورکیهنین بؤلگهسینده و دونیادا یوکسهلن ترندی ایله گؤزه چارپدیغینی ایفاده ائدن مر، مالی یادداشلی جیهازلار تقدیم ائتدیکلری خیدمتده بؤیوک بیر آرتیم اولدوغونو وورغولادی. مر، 100 میندن چوخ یازار کاسا ایله 80 میندن چوخ ایش یئرینه جیهاز تامین ائتدیکلرینی، بو جیهازلار واسطهسیله 25 میلیوندان چوخ آیلیق عملیات حجمینه چاتیلدیغینی ایفاده ائتدی.
خبرتورک: "ژاپوندا عثمانلی سیکّهسی تاپیلدی"
ژاپونون جنوبونداکی اوکیناوا آداسینداکی کاتسورئن قالاسی خارابالاریندا ائدیلن قازینتیلاردا میلاددان اؤنجه 4-جو عصیردن قالما، بیزانس ایمپراتورو 1. کونستانتینین توغراسینی داشییان 4 میس سیککه تاپیلدی. اوخشار قازینتیدا 17-جی عصردن قالما عثمانلی توغرالی 6 متال پول دا چیخاریلدی. ژاپون تاریخچیلر ایندی پوللارین بو قدر اسکی تاریخده نئجه ژاپونا چاتمیش اولا بیلهجگینی آراشدیریر. کاتسورئن قالاسی، ژاپون ایله چین تیجارتینین اهمیتلی قووشاق نقطهلریندن بیری ایدی. آنجاق اوکیناوا آداسیندا سؤز موضوعسو تاریخلرده اوروپا ایله تیجارت ائدیلدیگینه دایر قیدیات یوخدور
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.