تورکیه مطبوعاتی اؤزتی 02.08.2016
خبرتورک: "ژنرال آکار: داها نه دلیلی، دلیل منم"
تورکیه مطبوعاتی اؤزتی 02.08.2016
یئنی شفق: "آمریکا و گولنی یا 79 میلیونو سئچیم ائده‌جک"
باش ناظیر معاوینی و حکومت سؤزچوسو نومان کورتولموش، آمریکانین دوستلوق و موتتفیق‌لیک گره‌گی فتح الله‌چی ترور تشکیلاتی چته باشی فتح الله گولنی گئری وئرمه‌سی لازیم اولدوغونو سؤیله‌دی. کورتولموش، "آرتیق بئله بیر قرار ایله قارشی قارشییا‌لار، 'بیر دنه تروریستین اورادا یاشاماسی می یوخسا 79 میلیون‌دان دوست‌لوغو مو؟" دئدی.
حریت: "آمریکالی قوموتانا فتو پرونده‌سی"
آنکارایا گلن آمریکا باش قرارگاه باشقانی ژنرال ژوزف دانفوردا تورکیه‌نین قایتارماسینی ایستدیگی فتح الله گولنله علاقه‌دار اطراف‌لی معلومات وئریلیب قایتاریلماسی اوچون دستک طلب ائدیلدی. باش قرارگاه باشقانی ژنرال حولوسی آکار، گؤروشدوگو ژنرال دانفوردا فتونون تورک سیلاحلی گوجلری و دولتین کریتیک بیریملریندکی گیزلی یاپیلانماسییلا علاقه‌دار معلومات‌لار ایچه‌رن پرونده‌لر اوزرین‌دن معلوماتلاندیردی. ژنرال آکار، تورکیه‌نین گوله‌نین رسمی قایتاریلماسی طلبینه دایر یازی و سندلری ده دانفوردا تقدیم ائده‌رک، قایتاریلماسی اوچون شخصاً دستگینی ایسته‌دی.
خبرتورک: "ژنرال آکار: داها نه دلیلی، دلیل منم"
آمریکا باش قرارگاه باشقانی ژنرال ژوزف دانفورد، باش قرارگاه باشقانی ژنرال حولوسی آکار ایله بیرلیکده تورکیه بؤیوک میللت مجلیسی'نده بومبا‌لانان یئرلری گزدی. شکیل‌لر قارشی‌سیندا چوخ کدرلندیگینی ایفاده ائدن دانفورد، تورک خالقینا و اوردو منسوب‌لارینا باش ساغلیغی و کئچمیش اولسون دیلک‌لرینی چاتدیردی. تورک هئیتی‌نین فتح الله‌چی ترور تشکیلاتی پارالل دولت یاپیلانماسی چته باشی فتح الله گوله‌نین قایتاریلماسی طلبینی گوندمه گتیرمه‌سی اوزرینه دانفورد، آمریکادا حقوق سیستمی ایچینده طلب‌لر و دلیل‌لر نظره آلینا‌راق قیمتلندیرمه ائدیله‌جگینی سؤیله‌دی. دانفوردون بو سؤزلری اوزرینه باش قرارگاه باشقانی ژنرال حولوسی آکارین 'داها نه دلیلی، دلیل منم دئیه‌رک جواب وئردیگی اؤیرنیلدی.
صاباح: "تورک هاوا یوللاری قهرمان‌لاری اؤلومسوزلشدیردی"
تورک هاوا یوللاری، ایستانبول آتاتورک هاوالیمانی خاریجی خط‌لر ترمینالیندکی CIP (Commercially Important Person) سالونونو آدینی، "15 ژوئیه دموکراسی قهرمان‌لاری" سالونو اولا‌راق دییشدیرمه قراری آلدی. تورک هاوا یوللاری ایداره هئیتی و ایجرا کومیته‌سی‌نین صدری ایلکر آیجین، تورکیه‌نین 15 ژوئیه گئجه‌سی چوخ اهمیت‌لی بیر دؤنه‌مچدن کئچدیگینی ایفاده ائده‌رک، بو تاریخی گونو هر زامان خاطیرلاماق آدینا بو قراری آلدیق‌لارینی سؤیله‌دی. تورک هاوا یوللاری، همچین‌ین فتو خادیم‌لری‌نین آلچاق کودتا گیریشیمینه اعتراض ائدرکن بوغازیچی کؤرپوسون‌دن، اوغلو عبدالله طیب ایله بیرلیکده حیاتینی ایتیرن رکلامچی ارول اولچوکون آدینی اینترنت شیفره‌سی اولا‌راق تعیین ائتدی.
وطن: "روسیا ایله نورماللاشما سیفاریش‌لرین قاپی‌سینی آچدی"
ایستانبول معدن و متال صادراتچی بیرلیک‌لری تیکینتی وسایلی کومیته‌سی باشقانی سردار اورفا‌لی‌لار، روسیا ایله تورکیه آراسی‌داکی ایکیطرف‌لی علاقه‌لرین دوزلمه‌سی‌نین اؤلکه تیجارتینه و خصوصیله تیکینتی سکتورونا مثبت قاتقی تامین ائده‌جگینی ایفاده ائتدی: "" روسیا 2015-جی ایلده 7.2 میلیارد دو‌لار و 2014-جی ایلده 12.5 میلیارد دو‌لار قورولوش وسایل‌لاری صادرات ائتدی. روسیانین وارداتیندان ان یوکسک قلم‌لری ده یئنه تورکیه‌نین بیرینجی اولدوغو پولاد، آلومینیوم و تیکینتی آکسئسوارلاری میدانا گتیریر. دوزه‌لن ایلیشکیلریمیزله روسیانین قورولوش وسایل‌لاری وارداتیندا داها بؤیوک پایا صاحب اولماغا طالبیک ."
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
