تورکیه مطبوعاتی اؤزتی 28.07.2016
ایستار: "فتونون قان قارداشی پ.ک.ک"
تورکیه مطبوعاتی اؤزتی 28.07.2016
صاباح: "گولن قاچمادان آمریکا توتوخلامالی"
تورکیه، فتو چته باشی فتح الله گولهنین قایتاریلماسینا آیاق دیرئیئرک علاوه دلیل ایستهین آمریکایا عاجیلیت شرطینی گؤسترن علاوه دلیلری تقدیم ائتدی. بئلهجه گولهنین نظارته آلینماسی اوچون سون مانع ده آشیلدی. پرونده لرده گولهنین غیر قانونی ایشلر گؤرمک، خصوصیتلی فیریلداقچیلیق، رسمی سندده تقلب، شخصی یاشامین گیزلیلیگینی پوزماق و ترور تشکیلاتی قورماق، ایداره ائتمک جورملریندن آختاریلدیغی بیلدیریلیر. گولهنین کودتا تشببوسوایله باغلی 5-جی پرونده ده حاضیرلیق مرحلهسینده. باش ناظیر بینالی ییلدیریم، 'کودتایا تشببوس ائدن عسگرلر بولبول کیمی اؤتوپ کودتانین لیدرینین فتح الله گولن اولدوغونو اعتراف ائتدیلر. آمریکادا بو ترور تشکیلاتی لیدرینین یانیندا دایاناجاغینا اینانمیریق 'دئدی.
یئنی شفق: "آمریکا حکومتی سولاندیریر"
15 ژوئیه کودتا گیریشیمینده آمریکا-فتو امکداشلیغی دئشیفر ائدن خبرلر، آمریکانی تلاشلاندیردی. خبری یالانلاماغا چالیشان آمریکا باش قرارگاه باشقانی جوزف دونفورد، تقاودچو ژنرال جان کمپبل-ین کودتانی شخصاً حاضیرلاییب ایداره ائتدیگینه باغلی وئریلن سواللارا آچیقلیق گئتیرمزکن قاچیشلی جوابلارلا کیفایتلندی. دونفوردون، 'بو خبرین هارادان گلدیگینی حقیقتن بیلمیرم ایستیقامتیندکی جوابی بیر شئیلری گیزلتمکده اولدوقلارینین اعترافی شکلینده یوروملاندی.
ایستار: "فتونون قان قارداشی پ.ک.ک"
15 ژوئیه قانلی کودتا گیریشیمی اوّلی قازدیقلاری خندق و باریکاتلارا باسدیریلان پ.ک.کلی تروریستلر، کودتانین پوسکورتولمهسیله کونجه سیخیشان فتو اوچون شهره ائندی. 'پولیسه سالدیری تعلیماتی آلان ترورچولار وانین ائدرمیت محلینده خندق قازماغا و بارریکادا قورما حرکتینه یئنیدن باشلادی. شامین تروریستلره گؤندریلن تعلیماتدا تروریستلردن شهره ائنمهلرین، مایینلاما، خندق و بارریکادا میدانا گتیرمهلری ایستنیلدی. شامین ان دقت چکن تعلیماتی ایسه کودتاچیلرین باسدیران پولیسین هدف آلینماسی اولدو.
حریت: "اقتصادا ضربهنی ده خالق قارشیسینی آلدی"
باش ناظیر معاوینی محمت شیمشک، فتح اللهچی ترور تشکیلاتی فتونون کودتا گیریشیمینی اؤنلهین میللتین، بازارلارداکی کوتایا دا مانع تؤرتدیگینی سؤیلهدی. شیمشک، وطنداشلارین 9 میلیارد دولارین اوزریندکی ارزلرینی بوزدوراراق تورک لیراسینه کئچدیگینی، بونون چوخ اهمیتلی اولدوغونو ایفاده ائدهرک، 'سیستمین کودتا چیخارماسینا مانع تؤرهدهجک اصلاحات ائدجگیک دئدی. دیگر طرفدن، تورکیهده توییتر ایستیفادچیلرینین یاشانان کودتا گیریشیمی ایله باغلی پایلاشیملاری 15 ژوئیه گئجهسی 35 قات آرتاراق رکورد قیردی.
وطن: "بیز یاخالیریخ، اونلار بوراخیر"
ترور تشکیلاتی داعشین فرانسانین نورماندیا بؤلگهسیندکی کیلسه سالدیرسیندا راهیبی اؤلدورن آدام، فرانسیز وطنداشی عادیل کئرمیچه چیخدی. داعشلینین تورکیه طرفیندن سوریهیه گئتمهیه چالیشارکن توتولوب فرانسایا گؤندریلدیگی آچیقلاندی. آنکارانین فرانسایا گئری ائتدیگی کئرمیچهنین بیر نئچه آی حبس توتولدوغو، داها سونرا سربست بوراخیلدیغی قید ائدیلدی. تورک اورقانلاری، بو گونه قدر آرالاریندا پاریس و بروکسل سالدیریلارینی تشکیل ائدن آدلارین دا اولدوغو اوروپا کؤکنلی چوخ سایدا داعشلیگی، سوریهیه گیرمهیه چالیشارکن توتوب اؤلکهلرینه اعاده ائتمیشدی. آنجاق اوروپالی گوونلیک مسئوللاری، هر سفرینده گوونلیک تهدیدی فورمالاشدیرمادیقلاری سببیله بو اینسانلاری سربست بوراخمیشدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.