تورکیه مطبوعاتی اؤزتی 23.05.2016
یات توریزمی هر کئچن داها چوخ رغبت گؤرور. اوّل‌لر یالنیز سرمایه دارلارا خیطاب ائدن یات‌لارا، اورتا گلیرلی‌لر ده ماراق گؤسترمه‌یه باشلادی
تورکیه مطبوعاتی اؤزتی 23.05.2016
صاباح: "چاره‌سیز دئیی‌لیک، چاره بیزیک"
پرزیدنت اردوغان، صاباح قزئتینه اؤزل یازدی. دونیادا یاشانان بیر چوخ پروبلمین تملینده مادی ایمکان قیت‌لیغی دئییل، مرحمت و امپاتی اسکیک‌لیگی اولدوغونو ایفاده ائدن اردوغان، قلوبال ویجدانی حرکته کئچیرمک لازیم اولدوغونو وورغولادی، 'تورکیه، تاریخ بویونجا ساواش‌لاردان، داغیتما‌دان، سورگون‌دن، ظلم‌دن قاچان احتیاج صاحب‌لری اوچون دایم سیغینیلا‌جاق اعتبارلی بیر لیمان اولموشدور دئین اردوغان، 'بو گون ده تورکیه، 5 قاره‌ده 140ین اوزرینده اؤلکه‌یه ائتدیگی ایللیک 6.4 میلیارد دو‌لار اینسانی یاردیملا، میللی گلیرینه نیسبتن دونیانین ان جومرد اؤلکسیدیر دئیه بیلدیرمیش‌دیر.
خبرتورک: "اینسانلیغین گؤزو 'ایستانبول ایجلاسیندا"
ایستانبول، بو گون دونیا اینسانی ایجلاسیندا ائو صاحب‌لیگی ائدیر. 120 اؤلکه‌دن 50 لیدرین قاتیلدیغی ایجلاسدا، کمکه محتاج 130 میلیون اینسانین پروبلم‌لری‌نین حلّی یول‌لاری آختاریلا‌جاق. بیرلشمیش میللت‌لر تشکیلاتی‌نین (بمت) تاریخینده ایلک دفعه تشکیل ائدیله‌جک اولان دونیا اینسانی ایجلاسینا پرزیدنتی رجب طیب اردوغان و بمت باش کاتیبی بان کی-مون لیدرلیک ائده‌جک. تورکیه، دونیانین ان بؤیوک 3. دونورو و میللی گلیر نظره آلا‌راق "ان جومرد" دونورو صیفتلریله ایجلاسین ائو صاحب‌لیگی بوینونا گؤتوردو.
ایستار: "تورکیه‌دکی ساغلیق سیستمی آمریکادا یوخ"
حوجره‌لرین زیان گؤرن دی. ان. آ-لاری نئجه اوناردیغینی و ژنتیک معلوماتینی قورودوغونو نقشه سینی حاضیرلایان آراشدیرما‌لاری سایه‌سینده 2015 نوبل کیمیا اؤدولونو قازانان دونیا طرفین‌دن مشهور تورک علم اینسانی پروفسور دوکتور عزیز سانجار، تورکیه‌دکی ساغلیق سیستمی‌نین چوخو دونیا اؤلکه‌سین‌دن ایره‌لی اولدوغونو ایفاده ائده‌رک، 'تورکیه‌ده معا‌لیجه اولماق هم اوجوز هم ده سورعتلی دئدی. آمریکاداکی ساغلیق خیدمت‌لرینه ده توخونان سانجار، 'تورکیه‌دکی سرعت‌لی، کیفیت‌لی و اوجوز ساغلیق سیستم آمریکادا یوخ. اورادا معا‌لیجه ده درمان دا باها‌لی. ان سرمایه‌دار اؤلکه آمریکادا بو سیستمین اولماماسی کدرلی و بونو اونلار دا قبول ائدیر 'دئدی.
یئنی شفق: "ایستانبولدا یات تورلاری آرتیق چوخ اوجوز"
یات توریزمی هر کئچن داها چوخ رغبت گؤرور. اوّل‌لر یالنیز سرمایه دارلارا خیطاب ائدن یات‌لارا، اورتا گلیرلی‌لر ده ماراق گؤسترمه‌یه باشلادی. بیر چوخ تشببوسکار تورت‌دان پای آلا بیلمک اوچون بازارا یاتیریم ائتدی. آرتان رقابت ایسه سیاحت دوشکون‌لرینده یارادی. ایستانبول بوغازیندا آرتیق اوجوز قیمته یات گمی‌سی کیرایه‌یه گؤتورمک مومکون. شخصی گون‌لرینی یاتدا قید ائتمک ایسته‌ین‌لر، تشکیلات فیرما‌لارینا آخین ائتدی. چوخ ایستک بو سکتوردا اهمیت‌لی ساییلا‌جاق بیر اقتصاد ده میدانا گتیردی.
حریت: "اینگیلیس‌لر تورکیه‌نی دانیشیر"
یورو 2008-جی ایلدکی تاریخی یاری فینال باشاریسیندان 8 ایل سونرا بؤیوک بیر تورا گئدن "آ" میللی فوتبال تیمیمیز، دقت‌لری اوزرینه چکیر. اینگیلتره‌نین اهمیت‌لی مئدیا قورولوشلاریندان ایندی پندنت، میللی تیمیمیز اوزرینه بیر قیمتلندیرمه ائتدی. آنالیزده هیاتده اولان غوربتچی فوتبالچیلارین تورکیه اوچون حیاتی معنادا اهمیت داشیدیغی و سون دؤورده گنج بیر ژنراسیون توتولدوغو وورغولانیب. بون‌دان باشقا، تورکیه‌نین، فرانسا‌داکی توردا سورپریزه ایمضا آتما احتیمالینا غوربتچی اولدوزلارین وارلیغی‌نین کریتیک اولدوغونا دقت چکیلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
