تورکیه مطبوعاتی اؤزتی 07.06.2015
یئنی شفق "تورک یاتیریمچییا آچیق چئک"
ائگه معدن صادراتچیلاری بیرلیگینه گلن جنوبی آفریقالی ایش آداملاری، بؤلگهلرینده ان چوخ گرانیت و دمیر رزروی اولدوغونو ایفاده ائدهرک، تورک سرمایچیلری اؤلکهسینه دعوت ائتدی. گونئی آفریقا جمهوریتی اقتصادی قالخینما، مالیه و توریزم باخانی جان بلاک، اؤلکهلرینه گلهجک و معدن ایشلهیهجک سرمایچیلره 25 ایل اعمال سندی وئریلجیینی ایفاده ائدهرک، "تورک سرمایچیلره لازیم اولان دستیی دؤولت اولاراق وئرجییک" دئدی.
حریت "آفادا بیرینجیلیک اؤدولو"
بیرلشمیش میللتلر تشکیلاتینین 193 عضوونون اجتماعی خیدمت سونان تشکیلاتلارینا آچیق اولان و دؤرد کاتگوریده تشکیل ائدیلن یاریشمادا، آفت و عاجل یاردیم یؤنهتیمی باشقانلیغی (آفاد)، "آفت گئچیجی شهر یؤنهتیم سیستمی" پروژهسی و "قامو خیدمتی سونومونون گلیشدیریلمهسی" کاتگوریسینده بیرینجی سئچیلدی. آفادین بیرینجی اولدوغو لاییحهسی، سیغینما مرکزی رهبرلیگی معناسیندا بیر ایلک اولما اؤزللیگیی داشیییر. پروگرام ایله، قاچقینلار و یا سیغینما احتیاجی ایله تورکیهیه گلن خاریجیلرین دموگرافیک معلوماتلاری توتولور.
صاباح "اورلایا 2 مین ایللیک لیمان"
آنکارا اونیورسیتهسی، ائگه دنیزینین بیلینن ان اسکی لیمان شهرلریندن بیری اولان ایزمیرین اورلا ائلچهسینده، 2 مین ایللیک روما لیمانینی عینی یئرینده یئنیدن اینشا ائدیر. لیماندا روما دؤورونده ایستیفاده ائدیلن گمیلر، مینجینیق و آنبارلار اصلینه اویغون اولاراق یارادیلاجاق. مدنیت و توریزم باخانلیغینین دستک وئردیگی پروژه، دونیادا بیر ایلک. لیمان اینشاتینین تاماملانماسینین آردیندان قوناقلار روما گمیلریله گزینتییه چیخابیلهجک.
وطن "تورک فوتوگرافچییا بؤیوک اونور"
فوتوگراف صنعتچیسی حسین آلدیرماز، فوجیفیلمین، X سریسی فوتوگراف آپاراتلارییلا چئکیلن فوتوگرافلار آراسیندان سئچدیگی X-فوتوگرافرس ترکیبینه قبول ائدیلن اوچونجو تورک فوتوگراف صنعتچیسی اولدو. آیدا تخمینا 250 مین نفرین گزدیگی و 46 اؤلکهدن پروفسیونل فوتوگرافچیلارین چئکدیگی مینلرجه کادری سرگیلهین فوجیفیلم X-فوتوگرافیردا آلدیرمازین "اینسان و کوچه" مؤوضوعلو 30 قارا-آغ فوتوگرافی، دونیا سویهسینده 228 فوتوگرافچینین اثرلری ایله عینی آندا سرگیلنیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.