تورکیه مطبوعاتی 22.04.2015

خبرتورک: "چاناققالا ظفری‌نین یوزونجو ایلدؤنومونه 21 دولت باشقانی گلیر"
پرزیدنت اردوغانین ائوصاحیبلیغینده 23-24 آوریل‌ده رئال‌لاش‌دیریلا‌جاق باریش ذیروه‌سی و چاناققالا شاواش‌لارین یوزونجو ایل مراسیم‌لرینه 80 اؤلکه‌دن یوزه یاخین خاریجی دولت آدامی قاتیلا‌جاق. فعالیت‌لری ایزله‌یه‌جک خاریجی مطبوعات منسوبو سایسی ایسه مین یوز. آککرئدیته اولان خاریجی مطبوعات منسوبو سایسی شامپیون‌لار لیگی فینالینی ایزله‌ین 770 مطبوعات منسوبو سایسینی گئریده بوراخدی.
میللیت: "گبزه‌ده چیپ فابریکی قورولا‌جاق"
تورکیه علمی و تگنولوژی آراشدیرما تشکیلاتی توبیتاک علم قورولوندا چیپ فابریکی قورولماسی قرارلاشدیریلدی. چیپ فابریکی میللی ساوونما صنایع دانیشمانی و شیرکت‌لر اورتاقلیغیندا گبزه‌ده قورولا‌جاق. عسگری الکترون صنایعسی آسئلسان و بیلکنت اونیورسیته‌سی اورتاقلیغیندا تمه‌لی آتیلان گالیوم نیترات اساس‌لی چیپ فابریکین‌دن سونرا توبیتاک اؤندرلیگینده تورکیه‌نین ایلک بؤیوک میقیاس‌لی سیلی‌سیوم اساس‌لی چیپ فابریکی اوچون ایشلر باشلادی.
یئنی شفق: "1 میلیون آداما ایش"
تورکیه‌ده ایستیخدامداکی رکورد آرتیم بیر چوخ اؤلکه‌نی گئریده بوراخدی. 2014-2015 ژانویه دؤورلری آراسیندا تام بیر میلیون نفره ایش ایمکانی تامین ائدیلدی. اها‌لی باخیمین‌دان تورکیه‌نین دؤرد قاتی بؤیوکلوگون‌دکی آورو بؤلگه‌سینده ایسه عینی ایل یالنیز 220 مین نفر ایشگوجونه قاتیلدی. بو وضعیت تورکیه‌نین توتدوغو دینامیزمی یئکونلاشدیریر.
صاباح: "اوروپانین ان بؤیوک حوجره و ژن مرکزی"
چاغیمیزدا بیر چوخ خستلیگین درمانلا معا‌لیجه‌سی مومکون دئییل. بونا گؤره اینسانین اؤز حوجره و بافت‌لاری ایستیفاده ائدرک معا‌لیجه‌سی اوزرینده چالیشیلیر. ترابزوندا اولان اوروپانین ان بؤیوک کؤک حوجره و ژن مرکزینده آلس خسته‌لرینه یؤنلیک کؤک حوجره پیوندی ائدیلرکن سرطان پیوندی سیناق ایشلری ده داوام ائدیر. مرکزده اؤنوموزدکی گون‌لرده ده بحران سونراسی اورکده اؤلن حوجره‌لرین یئرینه کؤک حوجره پیوندیلی ایشلری ائدیله‌جک.
وطن: "انرژی، تیکینتی و تکنولوژی‌یه 1.5 تریلیون دو‌لار گلیر
تورکیه، کؤرفز بؤلگه‌سین‌دن جمعاّ بؤیوک‌لوگو 1.5 تریلیون دولار اولان فونلارین مسئوللارینی قبول ائده‌جک. اولوسلار آراسی یاتیریم اجلاسی باشقانی هاشیم سونگو، 29-30 آوریلده ائدیله‌جک و بو ایل ایکینجی‌سی تشکیل ائدیله‌جک اجلاس‌دا، کؤرفزده اهمیت‌لی آدلارییلا تورک ایش دونیاسی و بوروکرات‌لاری‌نین بیر یئره گله‌جگینی سؤیله‌دی. کؤرفز فوندلاری‌نین تورکیه اقتصادینا آرتان ماراغینا دقت چکن سونگو، "آز قالا هر سکتورلا ماراقلاندیق‌لارینی، معلومات طلب ائتدیک‌لرینی سؤیله‌یه بیلرم" دئدی.