تورکیه مطبوعاتی اؤزتی 16.04.2015
صاباح قزئتی "تورکیهنین ان بؤیوک رو-رو گمیسی دنیزده
خصوصیله لوکس یات تولیدینده اؤنه چیخان تورک دنیزچیلیک سکتورو، بو موفقیتینه تریلی داشیماجیلیغیندا ایستیفاده ائدیلن رو-رو وره تیمینی ده علاوه ائتدی. دوزلادا 21 آیدا تاماملانان 101 متر اوزونلوغوندا، 19 متر گئنیشلیگیندکی "بالیکئسیر 10" آدلی رو-رو گمیسی دونن مراسیمله دنیزه ائندیریلدی. بالیکئسیردکی آدالار آراسیندا خیدمت وئرهجک اولان 52 تیر ظرفیتلی گمی، 7 میلیون دولارا باشا گلدی. گمی تانک داشیما ظرفیتینه ده صاحب. "
ایستار قزئتی "آمریکا و چینین ساتین آلما بویوک شیرکتلری ایستانبولدا گؤروشور
"2. اولوسلار آراسی ساتین آلما و بازارلیک ایستراتژیلری" کونفرانسی صاباح ایستانبولدا باشلاییر. کونفرانسدا، چین و آمریکانین ساتین آلما بویوک شیرکتلری ایزلدیکلری ایستراتژیلرین، شیرکت و اؤلکه اقتصادلارینا نئجه قازانج تامین ائتدیکلرینی ایشتیراکچیلارا ایضاح ائدهجک. کونفرانس چرچیوهسینده دونیانین ان اهمیتلی دوشونور و اویغولاییجیلاریندان بیری قبول ائدیلن، هاروارد اونیورسیتهسی تاریخینده هم حقوق هم ده موسسیسه ساحهسینده عؤمور بویو پروفسورلوق کورسوسونه صاحب ایلک و تک پروفسور اولان گوهان سوبرامانیان، ایکی خصوصی تقدیمات رئاللاشدیراجاق. "
یئنی شفق قزئتی "فیلیسطینه نفس
تورکیه فیلیسطینه گؤندردیگی اینسانی یاردیملارلا فیلیسطین خالقینین آیاقدا دورماسینا کؤمک ائدرکن ایندی ده "نفس" آلمالارینا دستک وئریر. تیکا طرفیندن کئچن ایل رام اللهدا اولان فیلیسطین قیزیل آی البیره خستهخاناسینا 600 مین خستهنین فایدالاناجاغی اوکسیژن اورهتیمی مودولو قورولدو. مودول سایهسینده چیخاریلان اوکسیژنین یوزده 40-ی خستهخانانین احتیاجینی قارشیلایارکن گئرییه قالانی عاجیل یاردیم و دولت خستهخانالارینا پولسوز وئریلیر. تیکانین غزهده رئاللاشدیردیغی دوزدان تمیزلمک پروژهسی سایهسینده ده هر گون تخمینن 600 مین شاگیرد تمیز ایچمهلی سویوندان فایدالانیر. "
وطن قزئتی "آلزایمره معالیجه یولو
آمریکالی متخصصلر آلزایمر ایله ایمنی سیستمینین باغلی اولدوغونو، خستلیگین دیگر ایمنی سیستمی خستهلیکلری کیمی معالیجه ائدیله بیلهجگینی آچیقلادی. نتیجهلره گؤره، ایمنی سیستمی ایچینده نورمالدا بئینی قورویان بعضی حوجرهلر "آرژین" آدلی آمینواسیدین استهلاک ائدیر. آراشدیرماچیلار، سیچانلار اوزرینده ائدیلن تجروبهلرده کیچیک مولکوللو درمانلارلا بئینه گئدن دامارلاردا وال میدانا گلمهسی و حافیظه ایتکیسینین قارشیسینی گئچهبیلدیکلرینی تعیین ائتدی. "
میللیت قزئتی "بودروما یاز ارکن گلدی
اژه ساحللرینده 2 هفتهدیر داوام ائدن سویوق، کولکلی و یاغیشلی هاوا، یئرینی گونشلی و آچیق بیر سمایا بوراخدی. هاوانین 24، دنیز سویونون دا 19 درجهیه چاتدیغی بودرومداکی تعطیلجی و توریستلر، فورصتی قاچیرمادی. گونش و دنیزین دادینی چیخارماق ایستهینلر چیمرلیکلره آخین ائتدی. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.