تورکیه مطبوعاتی اؤزتی 07.04.2015
ایستار: "اقتصادین اورهگی آوراسیا اقتصاد اجلاسیندا آتاجاق"
ایستانبول، 8-9 آوریلده 18. آوراسیا اقتصاد اجلاسیندا ائو صاحبلیگی ائدهجک. چوخ سایدا اؤلکهنین قاتیلاجاغی اجلاسدا مالیه، تلکومونیکاسیون، انفورماسیون، انرژی، نقلیات و لوجیستیک موضوعلاری اله آلیناجاق. اجلاسا، آذربایجان صنایع و انرژی ناظیری ناطیق علیئو، افغانیستان اقتصاد ناظیری، حکوم خان حبیبی، قاراداغ پرزیدنتی فیلیپ ووژانوویج، قاراباغ باشباخان ناظیر کؤمکچیسی ووژیجا لازوویچ، مقدونیه پرزیدنتی جژورگ ایوانوو، پاتریک بارتولوموس و 13 ده اسکی جمهوریت باشقانی قاتیلیر.
صاباح: "تورکیه گونش اؤلکهسی"
هر زمی اؤز الکتریکینی اورهتهجک. گونش انرژیسی موضوعسوندا چوخ یاخشی بیر موقعیتده اولان تورکیهنین اورتالاما ایللیک گونشلنمه مدتی 2 مین 640 ساعت، گوندهلیک ایسه 7،2 ساعت. اوره تیم تکنولوژی ایستیفادهسینه اهمیت وئرن اکینچیلر زمیلرینه قوردوقلاری گونش پانللریله الکتریکینی اوؤهتیر. ایکی ایلده اؤزونو آمورتی ائدن یاتیریم تشویق ده یولدا.
وطن: "اکو 66، 27 اؤلکهنین یاناجاق استهلاکینی آزالداجاق"
تورک تشببوسکار طلعت موللاوغلو، اینکیشاف ائتدیردیگی 'اکو 66 یاناجاق قناعت جیهازینی 27 اؤلکهیه ساتدیغینی آچیقلادی. جیهاز ل.پ.گ، بنزین و دیزئل ایله ایشلهین بوتون واسطهلرین یاناجاقلاریندا تصروف ساغلیر. یوکسک بنزین قیمتلری و یوز مینلرله واسطهنین ترافیکده اولدوغو ایندیکی واختدا اوتوموبیل، تراکتور، تریلی، ایش ماشینلاری قاتار، دنیز واسطهلری، حتی تییارهلرده بئله ایستیفاده ائدیلهبیلن اکو 66ین نوتاریوس حضوروندا ائدیلن تستلرده یوزده 20ین اوزرینده یاناجاق تصروفو تامین ائتدیغی تسجیللندی.
یئنی شفق: "هر ایستیقامتیله کوجا سینان"
بوتون زامانلارین ان اهمیتلی معماری داهیلریندن معمار سینانین حیاتی و اثرلری وفاتینین 427. ایلده ایندییه قدر ائدیلمیش ان گنیش سرگی ایله اله آلینیر. کوجا سینانین اثرلری ویدئو ناپپینگ 3دی فیلملر کیمی تکنیکلرله جانلاندیریلاجاق. مولتی-تکنولوژی سرگی 9 آوریلده معمار سینان گؤزل صنعتلر اونیورسیتهسینده آچیلیر.
خبر تورک: "ان گؤزل عکس اوچون یاریشدیلار"
ایزمیر قوش جنتینین تانیتیمینین مقصدیله بو ایل ایلک دفعه تشکیل ائدیلن 'بیرینجی میللی فوتو سفری و فوتوغراف یاریشماسی چوخ سایدا طبیعت فوتوغرافچیسینی ایزمیرده گؤروشدوردو. قوش جنتلرینین طبیعی موحیطینه اویغون پالتار و آوادانلیقلارلا اؤزلرینی گیزلدن فوتوقرافچیلار، بؤلگهده یاشایان یابانی نوعلری طبیعی حیات موحیطلرینده اوچ گون بویونجا فوتوشکیل چکدی. قاتیلیمچیلارین فوتوشکیللریندن درجهیه گیرنلر، 29 آوریلده آچیقلاناجاق.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.