تورکیه مطبوعاتی اؤزتی 03.04.2015
ایستار قزئتی "آمریکادا تورکیه له‌ینه ارمنی تاساریسی
آمریکادا جمهوریتچی‌لر فلوریدا میلت وکیلی کورت کلاوسون، 1915 حادثه‌لریله علاقه‌لی بیر قرار تاساریسی حاضرلادی. پروژه متنینده، "نماینده‌لر مجلیسی، آمریکا پرزیدنتینه، گله‌جک 100 ایلده طرف‌سیز، یاپیجی و قالیجی تورک-ارمنی ایلیشکی‌لری‌نین یارادیلماسی اوچون کنگره عضو‌لری ایله تورکیه و ارمنیستان نماینده‌لرین‌دن عبارت بیر گؤره‌و گوجو تعیین ائدیلمه‌سی چاغریسی وئردی" دئییلدی. متنده، ایران، روسیا ایله ایلیشکی‌لرینی درینلشدیردیگی اورتامدا آمریکانین گوجو آزالارکن، آوروپا ایله اورتادوغو آراسین‌داکی جغرافی مؤوقعیتی‌نین تورکیه‌نی بؤلگه‌دکی آشیریلیق‌لارلا مباریزه‌ده اؤنم‌لی پارتنئر حالینا گتیردیگی ایفاده ائدیلدی.
یئنی شفق قزئتی "ایسلامی مالیه اومودو
بوتون دونیادا ایسلامی مالیه‌یه اولان ماراق هر گئچن گون آرتیر. اولوسلارآراسی کرئدی درجه‌لندیرمه قورولوشو ایستاندارد اند پوورزون ایسلامی مالی دیرکتورو و گلوبال باشقانی محمد داماق، "تورکیه‌نین اقتصادی بؤیومه‌سی اولوملو. اقتصادی بؤیومه‌نین فینانسمانیندا ایسلامی مالیه‌نی ده تاماملاییجی آلتئرناتیو اولا‌راق ایستیفاده ائدیله‌بیلر. ایسلامی بانکا اولان ماراغین آرتدیغی تورکیه‌ده، بانک‌لارین صکوک صادراتی ائتدیگینی ده گؤردوک. بعضی شیرکت‌لرین ده گله‌جکده موطلق صکوک بازارینا گیره‌جک‌لرینی دوشونوروک" دئدی.
قئید: (صکوک، مالی سرتیفیکانین عربجه آدی‌دیر و فاییزسیز بن اولا‌راق تانیملانماقدا‌دیر).
صاباح قزئتی "پرنس هری گلی‌بولویا گلیر
اینگیلیس کرال تاختی‌نین وارث‌لرین‌دن 30 یاشین‌داکی پرنس هری، اوردوداکی کاریرینی سونلاندیرما‌دان اؤنجه 25 آوریلده آنزاک‌لارلا گلی‌بولویا گله‌جک. استرالیا‌لی آنزاک عسگرلری‌نین گلی‌بولویا حمله‌لرینین 100.جو ایلینی آنماق اوچون گله‌جک هرییه آتاسی پرنس چارلز دا ائشلیک ائده‌جک.
میلیت قزئتی "آغ پرده‌ده شن‌لیک باشلاییر
34 .جو ایستانبول فیلم فستیوا‌لی یارین باشلاییر. 19 آوریله قدر داوام ائده‌جک فستیوال، بیر دفعه داها زنگین پروگراملا سینماسئورلره 200و آشقین فیلم سوناجاق. بو آخشام ارنستو داراناس سرانونون یؤنه‌تدیگی حال و گئدیش فیلمیله آچیلیشی اولان فستیوالین قوناق‌لاری آراسیندا بهمن قبادی، لونه شرفیگ و کریستیان پتزولد کیمی یؤنتمنلر ده وار.
حریت قزئتی "قیزیل مداللا دؤندولر
تورکیه، ایلک دفعه قاتیلدیغی اولوسلارآراسی اسپولتو باله یاریشماسین‌دان قیزیل مدال ایله دؤندو. آنکارا دؤولت اوپئرا و باله‌سینین قابیلیت‌لی دانسچیلاری اؤزگه اونات و ایلحان دورگوت، ایتالیانین اسپولتو شهرینده تشکیل ائدیلن یاریشمادا، تک‌لر و ایکی‌لی‌لرده قیزیل مدال قازاندی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
