تورکیه مطبوعاتی اؤزتی 02.04.2015
یئنی شفق قزئتی "بیر قویوب 10 قازاندیق
دونیادا 150-نی آشان شیرکتده اورتاقلیغی اولان و سرمایهلرینین دگری 36 میلیارد دولاری بولان بحرین منشألی یاتیریم شیرکتی اینوستکورپ، تورکیهیه ائتدیگی سرمایهلرده سانکی بیر قویوب 10 قازاندی. اینوستکورپون کؤرفز اؤلکهلریندن مسئول باشقانی ال سهروگی، تورک عرب فوروموندا ائتدیگی دانیشمادا، شیرکتین تورکیهدکی یاتیریمینی تعریفلهدی. ال سهروگی، "تورکیهیه 500 میلیون دولار یاتیریم ائتدیک. یاتیریملاریمیزین گلیرلری 5 میلیارد دولاری تاپدی. تورکیهدکی ایشلریمیزی چوخ ممنونوق" دئدی. "
حریت قزئتی "125 میلیاردلیق گؤروشمه
نفت و گاز سکتورو سپتامبر 2015-جی ایلده یئنیلنهجک اینتیفا آنلاشمالاری اوّلی، بو گون پترولوم ایستانبول سرگیسینده گؤروشور. 5 آوریله قدر داوام ائدهجک سرگییه، تمیزلییجی، مایع یاناجاق و گاز پایلاما، معدن یاغ، طبیعی گاز و الکتریک سکتورونون مشهور فیرمالاری قاتیلیر. یئرلی و خاریجی 400و آشان فیرمانین قاتیلاجاغی سرگیسی، 50 مینه یاخین آدامین زیارت ائتمهسی گؤزلنیلیر. سرگی، ان چوخ زیارت ائدیلن تیجارت سرگیسی اولما خصوصیتینی ده داشیییر. "
قید: (اینتیفا حاقی؛ داشینماز املاک و حقوقلارین ایستیفاده حاقلارینین بیر باشقاسینا تحویل وئریلمهسی اولاراق تعریف اولونابلر)
وطن قزئتی "سوموک ایلیگی بانکی خیدمته باشلادی
ساغلیق ناظیرلیگی و تورک قیزیل آیینین امکداشلیقدا حیاتا کئچیریلن تورکیهنین میللی سوموک ایلیگی بانکی، خیدمت وئرمهیه باشلادی. ساغلیق ناظیری محمت موززینوغلو، "بوندان سونراکی مدت، خصوصیله حیاتا یاپیشماق اوچون اومید گؤزلهینلره یئنی اومید قاپیلاری آرالایاجاق. تورکیه، دینامیکلرینی داها ایرهلییه داشیدیغینا، بؤلگه اؤلکهلریندن ده اؤلکهمیزین بو معنادا آلت یاپیسیندان فایدالانماق ایستهینلر اولاجاق" دئدی. "
میللیت قزئتی "اینگیلیسلر استئتیک اوچون تورکیهنی سئچیم ائدیر
اینگیلتره مرکزلی میللی ایستاتیستیک اوفیسی (ONS)، اینگیلیسلرین استئتیک عملیات ائتدیرمک اوچون ان چوخ زیارت ائتدیکلری اؤلکهلردن بیرینین تورکیه اولدوغونو آچیقلادی. خصوصیله ساچ اکدیرمه، لیز معالیجهسی و یاغ آلدیرماق اوچون تورکیهنین سئچیم ائدیلدیگی ایفاده ائدیلرکن، سون 10 ایلده خاریجده ائدیلن عملیات سایسینین 2 قاتینا چیخدیغی ایفاده ائدیلدی. "
ایستار قزئتی "شنبه قانلی آی توتولاجاق
دونیا ایکی هفته اوّل یاشانان گونش توتولماسینین سس -صدالارینی دانیشارکن بو هفته یئنی بیر طبیعت حادثهسینی قارشیلایاجاق. شنبه گونو رئاللاشاجاق "قانلی آی توتولماسی" تورکیهدن یالنیز قیرمیزی بوتؤو شکلینده گؤرولهجک. آیین دونیانین کؤلگهسینه گیرمهسیندن اؤتری قانلی آدینی آلان آی توتولماسی 5 دقیقهدن داها آز داوام ائدهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.