تورکیه مطبوعاتی اؤزتی 01.04.2015

ایستار قزئتی "پرزیدنت اوچون یا 400 وکیل یا رفراندوم
پرزیدنت رجب طیب اردوغان، اسلوواکی‌ین باشکندی براتیسلاوادا تورک وطنداش‌لارینا خیطاب ائدرکن، "آرتیق تورکیه بیر دییشمه‌نین، چئوریلمه‌نین ایچری‌سینده. حال-حاضردا بیزه گئیدیگیمیز کؤینک دار گلیر. بو بدن آرتیق بو کؤینه‌یه دؤزوم ائده‌بیلمیر. بیزه بون‌دان سونرا یاراشا‌جاق کؤینک، یئنی بیر ایداری تشکیلاتلانمادیر، بو دا پرزیدنت سیستمی‌دیر. حکومت ده بو موضوعیا ایستیقامت‌لی آددیم‌لاری آتدی. اما بورادا بیر شئی وار. ایکی موضوع. بیر، 400 میللت وکیلیله بو ایشی پارلامنتده حل ائتمک، ایکینجی‌سی خالقا گئتمک. "دئیه دانیشدی."
یئنی شفق قزئتی "2014 فیرتیناسیندا یوزده 2.9 بؤیودوک
مالیه ناظیری مممد شیمشک، تورکیه‌نین یوزده 2.9 بؤیومه نیسبتی ایله قلوبال میقیاسدا اوست سیرا‌لاردا ایشتیراک ائتدیگینی آچیقلادی. شیمشک، منفی شرایط باخمایا‌راق اقتصادین، کئچن ایل ده بؤیومه‌یه داوام ائتدیگینی ایفاده ائتدی. یوزده 2.9لوک بؤیومه ایله لاتین آمریکا، اوروپا و اینکیشاف ائتمکده اولان اؤلکه‌لری سوللایان تورکیه، بئله‌لیکله 21 چئیرکدیر قیریلما اولمادی. آرتیم سرعتی ده یوزده 11 اولدو. آدام باشینا میللی گلیر 22 مین 753 لیره‌یه چیخارکن، اقتصادی بؤیوکلوک 1 تریلیون 750 میلیارد لیره‌یه یوکسلدی. "
حریت قزئتی "بورسا ایستانبولدا اولوس سئوئر دؤورو
بورسا ایستانبولون (BIST) یئنی ایداره هیاتی باشقانی طلعت اولوس سئوئر اولدو. اولوس سئوئر، دونن ائدیلن 2. آدی عمومی قورولدا 31 مارس 2018-جی ایلده قدر وظیفه ائتمک عذره بو وظیفه‌یه سئچیلدی. بورسا ایستانبولون اسکی ایداره هیاتی باشقانی و باش دیرکتورو اولان ابراهیم تورهان، ژوئن آییندا ائدیله‌جک اولان عمومی سئچیم‌لرده میللت وکی‌لی نامیزدی اولماق اوچون استعفا ائتمیشدی. "
خبر تورک قزئتی "3 ناظیرلیک ائوده ساغ‌لیق خیدمتی وئره‌جک
ساغلیق ناظیرلیگی، عائله و سوسیال سیاست‌لر ناظیرلیگی و ایچ ایشلر ناظیرلیگی ائوده ساغ‌لیق خیدمتی پروتوکولو ایمضالادی. ائوده ساغ‌لیق خیدمتی آلان احتیاج صاحبی خسته‌لر، تک باشوورویلا فرق‌لی تشکیلات‌لارین تقدیم ائتدیگی اجتماعی یاردیم‌لاردان دا فایدا‌لانا بیله‌جک. بو قروبا گیرن خسته‌لره؛ فردی باخیم، ائو و چئوره تمیزلیگی، ایشلر و تعمیر، یئمک و مادی یاردیم دستگی اولونا‌جاق. "
میللیت قزئتی "زینب‌دن 9 رکورد
میللی اوزگوچو زینب گونش، ایسپانیا اوپن اوزمه شامپیونلوغوندا، 9 یئنی تورکیه رکوردو قیرا‌راق، 2 اولمپیک‌ده آ باراژی‌نین کئچمه‌یی باشاردی. گونش، 1 قیزیل، 1 گوموش، بیر ده بورونج میدال قازاندی. "