تورکیه مطبوعاتی اؤزتی 19.01.2015
یئنی شفق: "فرانسیزلار بؤلوندو
فرانسیز خالقینین تخمینن یاریسی شارلی ابدو ژورنالینین حضرت محمد کاریکاتورلارینا قارشی چیخدی. IFOP آراشدیرما شیرکتینین شارلی ابدو سالدیریدان سونرا ائتدیگی سون آنکته گؤره، فرانسیزلارین یاریسی ایفاده آزادلیغینین بیر مرزی اولدوغو فیکیرینده. آراشدیرمایا قاتیلانلارین یوزده 50ی اینترنت اوزرینده ایفاده آزادلیغینین محدودلاشدیریلماسینی ایستیرکن یوزده 42سی ایسه سؤز موضوعسو کاریکاتورالارین نتیجهلرینین حساب ائدیلمهسی و چیزیلممسی لازیم اولدوغو فیکیرینی پایلاشیر. "
وطن قزئتی: "" لیدرلر ذیروهسی دوزنلنهجک
باش ناظیر معاوینی علی باباجان، گ20 دؤور باشقانلیغی مدتینه باغلی قیمتلندیرمهسینده، تورکیهنین بو شرفلی وظیفه ایله دونیا ایقتیصاد و مالیه گوندمینی تعیین ائدیجی موقعیه یوکسلدیگینی ایفاده ائتدی. نوامبر آییندا گ20 لیدرلر ذیروهسی دوزنلیهجکلرینی بیلدیرن باباجان، پروبلملرین حلّی و ریسکلرین بویوممسی اوچون لیدرلرین ایرادهسینین ضروری اولدوغونو قید ائتدی. "
میللیت قزئتی: "آنتارکتیکده اوچون بیر آکادمیک و مرکز
ایستانبول تکنیکی اونیورسیتهسی (İTÜ) قوطوب آراشدیرمالاری مرکزی، شیمالی (آرکتیک) و گونئی (آنتارکتیک) قوطوب بؤلگهلرینین گلهجگی حاقیندا تورکیهنین سؤز صاحبی اولماسی اوچون علمی ایشلر ائدهجک. یئر کورهسی اوچون اهمیتی هر کئچن گون داها چوخ آیدین آنتارکتیکا قاره سینه تورکیهنین قورماسی پلانلاشدیریلان علم مرکزی اوچون داوام ائتدیریلن ایشلر چرچیوهسینده، İTÜ قوطوب آراشدیرمالاری مرکزی قورولدو. "
آخشام قزئتی: "سیتروس میوهلری اوزاق شرق یولچوسو
تورکیهنین یاش میوه و تروز صادراتیندا باشی چکن محسوللاریندان اولان نارنجینین اوزاق شرق بازاریندا داها چوخ یئر آلماسی اوچون آپاریلان ایشلر مثبت نتیجهلر وئردی. تخمینن 942 میلیون 212 مین 767 دولار صادرات حجمیله باشدا روسیا اولماقلا دونیانین بیر چوخ اؤلکهسینه محصول گؤندرن تورک میوهلری سکتورو، آلترناتیو بازار اولاراق قیمتلندیردیگی ژاپون و چین خالق جمهوریتینه ائدهجگی صادراتلا داها دا گوجلنمک ایستییر. "
صاباح قزئتی: "تورک-آلمان امپاتی کؤرپوسو
اهالیسینین یوزده 5-ی مسلمان اولان آلمانیا، تورکیه ایله گنجلیک کؤرپوسو قوردو. ایستیفتونگ مرکتور وقفی، ایکی اؤلکهنین گنجلرینی بیر آرایا گتیرن یوزلرله دییشمه پروژهسی اوچون 3 میلیون یورولوق قایناق آییردی. 2015-جی ایلده ان آز 10 پروژه ایله 200 یئنی گنجه چاتماغی گؤزلهین پروژه کومیتهسینین 2018 پلانیندا، 500 پروژه 10 مین گنجی گؤروشدورمک وار. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.