تورک مطبوعاتی اؤزتی 29.10.2014
سلام حؤرمت‌لی اوخویوجولار، تورک مطبوعاتیندا یئر آلان بعضی خبرلرین خلاصه‌سی سیزلرله پایلاشاجاغیق.
صاباح قزئتی، "جمهوریتیمیز 91 یاشیندا، مقدس اولسون" باش‌لیق‌لی خبرینده 29 اوکتوبر جمهوریت بایرامینا توخونور. گونون معنا و اهمیتینه ایشاره ائدن قزئت، دوققوز ایل سونرا جمهوریتمیزین یوزونجو یاشینا گیره‌جگینه وورغو ائدیر.
حریت قزئتی، جمهوریت بایرامییلا علاقه‌دار خبرینده، یونانیستانین سلانیک شهرین‌دکی آتاتورک ائوی‌نین، تورکیه جمهوریتی مدنیت و توریزم ناظیرلیگی طرفین‌دن، تورکیه‌ده مختلیف موزه‌لردن ییغدیغی آتاتورکون تخمینن 50 پارچا خصوصی اشیاسی ایله زنگینلئشدیریلدیغینی کؤچورور. خبرده، موزه‌نین، یئنی‌لنن حالییلا رسمی آچیلیشی اوچون بو گونون سئچیلدیگی یازیلیر. قزئت، موزه‌نین سورپریزلری آراسیندا اولو اؤندر مصطفی کمال آتاتورک-ون آناسی زوبئیده خانیمین سیلیکون هیکلی‌نین ده اولدوغونو ایفاده ائدیر.
یئنی شفق قزئتی، "برلینده قاچقین‌لار اوچون ذیروه" باش‌لیغی آلتیندا یاییم‌لانان خبرینده، آلمانیانین، سوریه‌یه قونشو اؤلکه‌لردکی سیغینماجی‌لارین گله‌جگی‌نین اله آلیندیغی اولوسلا آراسی کونفرانسا ائو صاحب‌لیگی ائتدیگینی ایفاده ائدیر. خبرده، "بؤلگه‌ده ثابت‌لیگی دستکلمک و سوریه‌لی سیغینماجی‌لار وضعیتی" باش‌لیق‌لی اولوسلا آراسی کونفرانسدا تورکیه‌نی خاریجی ایشلر ناظیری‌نین معاوینی ناجی کورونون تمثیل ائتدیگی بیلدیریلیر. قزئت، کونفرانسدا 3.2 میلیون سوریه‌لی قاچقین‌لارا کؤمک ایشلری‌نین الاقلندیریلمه‌سی اوزرینده دورولدوغونو ایفاده ائدیر.
آخشام قزئتی، "تورکیه ایله مذاکیره‌لرین یئنی‌دن باشلاماسین‌دان ممنونیت دویوروق" باش‌لیق‌لی خبرینده، اوروپا پارلامنتی میللت وکیلی و تورکیه- اوروپا بیریلگی قاریشیق پارلامنت کومیسیونون کابینه رئیسی ژونیل فانولین آچیقلاما‌لارینا توخونور. قزئت، فانولین، تورکیه ایله مذاکیره‌لرین یئنی‌دن باشلاماسینی بؤیوک بیر ممنونیتله قارشیلادیق‌لارینی سؤیله‌دیگینی یازیر. خبرده، فانولین، اوروپانین خریستیان بیر کلوب اولدوغو دوشونجه‌سی‌نین دونیوی‌لیک قانونون‌دان ایمتیناع ائدیلمه‌سی معناسینی گله‌جگین‌دن سون درجه تهلوکه‌لی اولدوغونا وورغو ائتدیگینه دا ایشاره ائدیلیر.
ایستار قزئتی‌نین ایقتیصاد صحیفه‌سینده گؤستری اولونان "اوچ بانک‌دان 779 میلیون منفعت" باش‌لیق‌لی خبرده، تورک بانک‌لاری‌نین ایلک 9 آیلیق بیلانچولارینی آچیقلامایا داوام ائتدیک‌لرینی ایفاده ائدیلیر. قزئت، مالی راپورلارینی دونن آچیقلایان اوچ بانکین 9 آیدا عمومی 779 میلیون لیره منفعت آچیقلادیغینی یازیر.
میللیت قزئتی، "بوغازین آلتی 2016دا اوتوموبیل قاینایاجاق" باش‌لیق‌لی خبرینده، نقلیات، دنیزچی‌لیک و خبرلشمه ناظیری لوطفو الوانین، ایستانبول بوغازی‌نین آلتین‌دان قورو یولو کئچیدی تامین ائده‌جک اولان آوراسیا تونلی‌دیر 2016-جی ایلین سونوندا تاماملاناجاغینی سؤیله‌دیگینی ایفاده ائدیر. قزئت، الوانین، تونلین دنیزین آلتین‌داکی 5.4 کیلومتریندن 1.27 کیلومتری تاماملاندیغینی سؤیله‌دیگینی کؤچورور. خبرده اوروپا و آسیا قارّه‌لرینی دنیزین آلتین‌دان ریل‌لی سیستمله بیر-بیرینه باغلایان مارمارای ایسه بو گون بیرینجی یاشینی قید ائتدیگی دا یازیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
