تورکیه مطبوعاتی اؤزتی 16.07.2014

سلام حؤرمت‌لی اوخوجولار، تورک مطبوعاتیندا یئر آلان بعضی خبرلرین خلاصه‌سینی سیزلرله پایلاشاجاغیق.
صاباح قزئتی، "بیر نؤمره‌لی مسئول بمت" باش‌لیغی آلتیندا یاییم‌لانان خبرینده، ایسراییلین غز‌یه ایستیقامت‌لی سالدیری‌لاری‌نین مسئولونون بمت اولدوغونو ایفاده ائدن باش ناظیر رجب طیب اردوغانین، "بمت سن نه ایشه یارسان، باریشی تامین ائتمک اوچون قورولماییب می؟" شکلینده دانیشدیغینی یازیر.
آخشام قزئتی، "دونیایا 20 مین نوع محصول ساتدیق" باش‌لیق‌لی خبرینده، تورکیه اودا‌لار و بورسالار‌ بیرلیگی (توبب) صدری ریفت حیصارجیکلیوغلونون، تورکیه‌نین، سون 30 ایلده محتشم بیر دییشمه یاشادیغینی سؤیله‌دیگینی ایفاده ائدیر. قزئت، حیصارجیکلیوغلونون، "بو گون 20 مین نوع اوزرینده مال ساتار حالا گلدیک. ان چوخ توریست چکن 6. دستیناسیون حالینا گلدیک "شکلین‌دکی ایفاده‌سینی یازیر.
یئنی شفق قزئتی، "تورک هاوا یوللارینا دؤرد بؤیوک موکافات" باش‌لیق‌لی خبرینده، 2014 ایسکایتراکس یولجو قیمتلندیرمه نتیجه‌لرینه گؤره تورک هاوا یوللارینین، سون دؤرد ایلدیر "اوروپانین ان یاخشی هاوا یولو شیرکتی" اولا‌راق سئچیلدیگینی ایفاده ائدیر. قزئت، دونیانین "ان یاخشی بیزینیس کلاس ایکرام سرویسی"، "ان یاخشی بیزینس نلاسس خصوصی یولجو سالونو سونما" و "جنوبی اوروپانین ان یاخشی هاوا یولو شیرکتی" موکافات‌لاری‌نین دا یئنه بو ایلکی قیمتلندیرمه نتیجه‌لرینه گؤره تورک هاوا یوللارینین اولدوغونو یازیر.
وطن قزئتی، "تورک هلیکوپترلری اوروپادا" باش‌لیق‌لی خبرینده، اینگیلتره‌نین فارنبورووگ شهرینده تشکیل ائدیلن اولوسلار آراسی هاواچی‌لیق سرگی‌سینده تورک مهندیس‌لری‌نین حاضیرلادیغی محلی چیخیشلی سالدیری و تاکتیک کشف هلیکوپتر آتاک ایله اینسان‌سیز هاوا واسطه‌سی آنکانین تانیدیلدیغینی یازیر.
یئنی شفق قزئتی، "ژاپون بویوک شیرکتی تورکیه‌نی رادارینا آلدی" باش‌لیق‌لی خبرینده، سومیتومو ایش ماکینالارینین، رئاللاشدیردیغی یئنی طرفداش‌لیق تورکیه‌نی بؤلگه‌نین ساتیش و پایلاما مرکزی حالینا گتیرمگی هدف قویدوغونو یازیر. قزئت، سومیتومو ایش ماکینا‌لاری باشقان کؤمکچی‌سی ایچیرو شیمادونون، تورکیه‌دکی وارلیقلارییلا گوجلو بیر تیجارت کؤرپوسو قورا‌جاق‌لارینی، تورکیه‌نی بؤلگه‌سل ساتیش و پایلاما مرکزی ائتمگی پلانلادیق‌لارینی سؤیله‌دیگینی یازیر.
وطن قزئتی، "بورسا ایستانبولدا تام گون 2015-جی ایلده" باش‌لیق‌لی خبرینده، آمریکالی بورسا شیرکتی ناسداق OMX ایله ایستراتژی اورتاقلیغا گئده‌رک تکنولوژی آلت یاپیسینی دییشدیرمه‌یه حاضیرلانان بورسا ایستانبولدا بوتون گونه یاییلان تک سئانس اویقولانماسینا آلینماسی‌نین پلانلادیغینی یازیر. ساعات 09.15 'ده باشلایا‌جاق عملیات‌لارین 17.40 تا سونا چاتاجاغینا ایشاره ائدن قزئت، اویقولامانین ژوئیه 2015-جی ایلده دؤوره‌یه آلیناجاغینی ایفاده ائدیر.