تورکیه مطبوعاتی اؤزتی 13.07.2014

سلام حؤرمت‌لی اوخوجولار، تورک قزئت‌لرین‌دن اؤزتلرله قارشینیزداییز.
ایستار قزئتی، "تورکیه غزه‌یه قاچدی" باش‌لیق‌لی خبرینده، ایسراییل سالدیری‌نین آردین‌دان حرکته کئچن تورکیه‌نین، فیلیستین‌لی‌لره کؤمک الینی اوزاتدیغینی یازیر. قزئت، باش ناظیرلیک آفت و عاجیل یاردیم رهبرلیگی باشقانلیغی (AFAD)'نین، دونیا ساغلیق اؤرگوتو (DSÖ)'نون فیلیسطین اوفیسینه درمان و طیبی وسایل اوچون 1،5 میلیون دو‌لار گؤندردیگینی بیلدیریر. قزئت، تورک امکداش‌لیق و کووردیناسیا آژانسی(تیکا)'نین دا غزه‌یه 1 میلیون دو‌لارلیق عاجیل قیدا و وسایل کمکی ائده‌جگینی ائشیتدیریر.
حریتلر قزئتی، "عباس گلیر" باشلیغییلا وئردیگی خبرده، ایسراییلین غزه‌یه ایستیقامت‌لی عملیات‌لاری اوزرینه فیلیسطین دولت باشقانی محمود عباسین جمعه گونو تورکیه‌یه گلمه‌سی‌نین پلانلاشدیریلدیغینی یازیر. قزئت، گولون دعوتی اوزرینه گونوبیرلیک زیارت رئال‌لاش‌دیرا‌جاق عباسین، باش ناظیر اردوغان و خاریجی ایشلر ناظیری داوود اوغلو ایله ده گؤروشونون نظرده توتولدوغونو ایفاده ائدیر.
یئنی شفق قزئتی، "ایپلر قوپدو" باش‌لیق‌لی خبرینده، عراقدا مذهبچی سیاستلرییله سوننی‌لری خاریجله‌ین و اؤلکه‌نی بؤلونمه‌نین ائشیگینه گتیرن باش ناظیر نوری المالیکی‌نین، بو دفعه کوردلرله چاتیشمایا باشلادیغینی یازیر. 5 کورد ناظیرین، بغدادداکی کابینه ییغینجاق‌لارینی بایکوت قراری آلدیغینی ایفاده ائدن قزئت، ایکبی باشقانی مسعود بارزانی‌نین ده، "مالیکی خاریجینده یئنی بیر باش ناظیر لازیملی. یوخسا عراق چؤکر و پارچالانار." دئدیگینی یازیر.
"سو آلتیندا فینال سیناغی" باشلیغییلا سحر قزئتی، بو آخشام گؤزلرین، برزیل‌‌داکی دونیا کوپا فینالینا کیلیتلنه‌جگینی ایفاده ائدیر. قزئت، آلمانیا و آرژانتین‌ین قارشی-قارشییا گله‌جگی فینال اویونونون پروواسی‌نین، فیلیپینلرین پایتختی مانیلاداکی بیر سو پارکیندا دالغیج‌لار طرفین‌دن ائدیلدیگینی یازیر. سو آلتین‌داکی فینالین 2-2 برابره بیتدیگی‌نین ایفاده ائدیلدیگی خبرده، اویونو اوزاتماغا دالغیج‌لارین "دوستلوق قازانسین‌" دئدیگی یازیلیر.
میللیت قزئتی، "سلطان‌لار لیدر تاماملادی" باشلیغییلا وئردیگی خبرده، آ میللی والیبال میللی تیمی‌نین، CEV قادین‌لار آوروپا لیگی آ قروپو 6. آیاغین‌داکی سون اویونوندا اسلووانی‌نی دپلاسماندا ست وئرمه‌دن 3-0 یئییلدیگینی یازیر. قزئت، آ قروپونو 27 خاللا لیدر نقطه‌له‌ین فیله‌نین سلطانلارینین، فینالدا ب قروپو لیدری آلمانیا ایله چرشنبه گونو قارشی-قارشییا گله‌جگینی ائشیتدیریر.
آزادلیق قزئتی، "ایدمان ائدن‌لر داها موفقیت‌لی" باش‌لیق‌لی خبرینده، آمریکاداکی میشیگان اونیورسیته‌سین‌دن علم اینسان‌لاری‌نین، اونیورسیته‌نین ایلک ایکی ایلده بیر ایدمان سالونونا عضو اولان طلبه‌لر، کئچمه نیسبتن داها یوکسک اورتالاما‌لارلا مزون اولدوغونو اورتایا چیخاردیغینی یازیر.