تورکیه مطبوعاتی اؤزتی 21.06.2014
خبرتورک قزئتی: "۳.جو کؤپرونون آیاق‌لاری ۲٤٥ متری آشدی:
تیکیمینه گئچن ایل باش‌لانان ۳.جو کؤرپو و قوزئی مارمارا اوتویولو پروژه‌سینده ایشلر بوتون سورعتیله داوام ائدیر. توپلام اوزونلوغو ۳۲۰ متره چاتا‌جاق اولان کؤرپو آیاق‌لاری‌نین یوکسلیشی داوام ائدیر. ایستانبولون هر ایکی یاخاسین‌دان دا گؤروله‌بیلن کؤرپو آیاق‌لاری‌نین یوکسک‌لیگی ۲٤٥ متری آشدی. ٥ مین ٥۰۰ پرسنلین چالیشدیغی بو پروژه‌ده چالیشانلارین ساییسی‌نین، گله‌جک آی ۸ مینه چاتماسی گؤزلنیلیر. "
میلیت قزئتی: "تورک کسکین نیشانچی توفنگی اوغورلاندی:
فرانسانین باشکندی پاریسده ۱۸-۲۰ ژوئن گونلری آراسیندا گرچکلشن و تورکیه‌دن ۱۱ فیرمانین قاتیلدیغی "یوروستوری" سرگی‌سینده ماکینا کیمیا صنایعی بیر شوک یاشادی.
بورا ۱۲ سنایپر توفنگی غرفه‌دن اوغورلاندی. یئتکی‌لی‌لر، کیلیدلی گوونلیکلی بیر کابینده سرگیلنن توفنگین اؤزل بیر آچار ایستیفاده ائدرک اوغورلاندیغینی ایفاده ائدیر.
بورا ۱۲، یوزده یوز تورک ما‌لی بیر سلاح. چالان شخص بو سلاحی ایستیفاده ائده بیلمه‌یه‌جک چونکو یئتکی‌لی‌لر توفنگین آتیش پیمینین اوزرینده اولمادیغینی قید ائتدی. "
صاباح قزئتی: "بارتین‌دان ٥۰ میلیارد دو‌لارلیق کؤمور رزروی اقتصادا قازاندیریلاجاق:
آماسرادا یئرآلتی وارلیق‌لاری‌نین تثبیتی اوچون ائدیلن آراشدیرما‌لاردا ۷۰۰ میلیون تن جیواریندا کؤمور رزروی ساپداندی. معد‌نین چیخاریلماسییلا اقتصادا ٥۰ میلیارد دو‌لارلیق گلیر تامین ائدیلمه‌سی گؤزلنیلیر.
حریت قزئتی: "قیزیل قیمت‌لری ایکی هفته‌ده ٥،٥ اورانیندا آرتیدی:
اولوسلارآراسی بازارلاردا قیزیلین اونس قیمتی عراقدا یاشانان قاریشیقلیغین تأثیری ایله ۱.۳۲۲ دو‌لارا یوکسلرکن، بئله‌جه سون ایکی هفته‌ده یاتیریمچیسینا تخمینا یوزده ٥،٥ قازاندیردی. ایچریده قیزیلین گرام قیمتی ایسه ۸۳ لیرا‌دان ۹۰ لیرا‌یا یوکسلدی. بو آرتیمش قیزیل سئکتورو نماینده‌لرینی ده چاشدیردی. آرتیشین نفت قیمت‌لرینه پارالل اولدوغو دا وورغولانیر. "
یئنی شفق قزئتی: "ایستانبول تویاپا حاضرلانیر:
'سینمامیزین ۱۰۰ ایلی تئماسییلا بو ایل ۳۳.جو دفعه گئچیریله‌جک اولوسلارآراسی ایستانبول کیتاب سرگی‌سی‌نین شرف یازاری آتیلا دورسای اولا‌جاق. تویاپ سرگی و کنگره مرکزینده ۸-۱٦ نوامبر تاریخ‌لرینده گرچک‌لشه‌‌جک فعالیت بویونجا دورسایین حیاتی، ایشلری و اثرلرین‌دن سئچمه‌لر ایچرن سرگی حاضرلانا‌جاق. سرگی بویونجا، باشدا پانل‌لر اولماق اوزره چوخ ساییدا فعالیت ده تشکیل ائدیله‌جک.
۳۳.جو ایستانبول کیتاب سرگی‌سی، ۲٤.جو ایستانبول صنعت سرگی‌سی-آرتیست ۲۰۱٤ ایله ائشر زامان‌لی گرچکلشدیریله‌جک. "
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
