قیرقیزیستان ایله تاجیکیستان سرحدینده چاتیشما داوام ائدیر
قیرقیزیستان خاریجی ایشلر باخانلیغی، یاسادیشی و ییخیجی ائیلملری ایله باغلی تاجیک طرفینه اعتراض یازیسی وئردی
قیرقیزیستان ایله تاجیکیستان سرحدینده، یئنیدن چاتیشمایا باشلایان سرحدچیلردن اون بیری یارالاندی.
قیرقیزیستان میللی گۆونلیک دؤولت کمیتهسینین مطبوعات مرکزیندن وئریلهن آچیقلامادا، قیرقیزیستان-تاجیکیستان سرحدینده چاتیشمالارین داوام ائتدیگی بیلدیریلدی.
آچیقلامادا، تاجیکیستان طرفینین قیرقیزیستانین سرحد یانی کندلری کولوندو، ماکسات و ژانی ژئر یئرلشیم یئرلرینی آتیشا توتودوغو ایفاده ائدیلدی.
بو آرادا، قیرقیزیستان خاریجی ایشلر باخانلیغیندان الده ائدیلهن بیلگییه گؤره، خاریجی ایشلر باخانی جنبئک کولوبایئو و تاجیکیستانین خاریجی ایشلر باخانی سراجالدین مهرالدین سرحددهکی وضعیتی موذاکیره ائتدی.
ایکی اؤلکهنین خاریجی ایشلر باخانلاری دانیشماسیندا، سرحدده یارانان پروبلئملرین سیاسی و دیپلوماتیک یوللارلا حلینین ضرورتی بیر داها وورغولاندی.
اؤته یاندان، قیرقیزیستان خاریجی ایشلر باخانلیغی، یاسادیشی و ییخیجی ائیلملری ایله باغلی تاجیک طرفینه اعتراض یازیسی وئردی.
قیرقیزیستان و تاجیکیستان سرحدچیلری آراسیندا سیراغا گۆن باش وئرهن چاتیشمادا قیرقیزیستان طرفدن بیری عسگر اولماقلا ۲ نفر یارالانمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی