نظربایئو: مستقیللیگین گؤزببهگی کیمی قورونماسی لازم
"بو عصیان و سالدیریلار، اؤلکهنین بوتونلوگو ایله دؤولتین تمل اصولونو یوخ ائتمک اوچون تشکیل ائدیلهن بیر حرکتدیر"
قازاقیستانین ایلک جمهورباشقانی نورسلطان نظربایئو، ۲ ژانویهده باشلایان و ۲۲۵ نفرین حیاتینی ایتیرمهسی ایله نتیجهلنهن شدتلی اعتراضلارین آردیندان ایلک دفعه ویدئو مئساژ یولویلا خالقا سسلهندی.
نظربایئوین مطبوعات سؤزچوسو آیدوس اوکیبای، توئیتر حسابیندان، قازاقیستانین اسکی جمهورباشقانی نظربایئوین خالقا خطاب ائتدیگی ویدئو مئساژینی پایلاشدی.
مئساژیندا نظربایئو، اؤلکهده یاشانان حادثهلرین هر کسی شوک ائتدیگینی ایفاده ائدرک،
"بو عصیان و سالدیریلار، اؤلکهنین بوتونلوگو ایله دؤولتین تمل اصولونو یوخ ائتمک اوچون تشکیل ائدیلهن بیر حرکتدیر" دئدی.
نظربایئو، مئساژیندا بو ایفادهلری ایشلتدی:
"بو حادثهلر بیر دفعه داها، مستقیللیگین گؤزببهگی کیمی قورونماسی و اؤزللیکله قیریلقان بیر گمی کیمی ال اوستونده توتولماسی لازیم اولدوغونو گؤستریر. یاشانان تراژدی هامیمیز اوچون درس اولدو. بوتون بو سالدیری و جینایتلری کیمین تشکیل ائتدیگینی تاپماق اؤنملیدیر. ائدیلهن سوروشدورما بو سوالا جاواب وئرهجک".
مطبوعاتدا اؤزونه قارشی سولامالارا دا توخونان نظربایئو،
"بوتون بونلارا جاواب اولاراق بونو ایفاده ائتمک ایستهییرم. ۲۰۱۹دا جمهورباشقانلیغی صلاحیتلرینی قاسم جومرت توکایئوه تحویل وئردیم و او زاماندان بری امکلییم. هله ده امکلییم، قازاقیستانین باشکندیندهیم و هئچ بیر یئره گئتمهدیم" دئدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی