آذربایجان، شهید ساییسی ایله باغلی بیلگیلری گونجللهدی
آذربایجان، ارمنستانین مغلوبیتینی قبول ائدن آنلاشمایا ایمضا آتماسییلا سونا چاتان ساواشداکی جان ایتکیلریله باغلی بیلگیلری گونجللهدی
آذربایجان اوردوسو، قاراباغدا تورپاقلارینی ایشغالدان قورتارماق اوچون یئریتدیگی عملیاتدا ۲ مین ۹۰۰ شهید وئردی.
آذربایجان ساوونما باخانلیغیندان وئریلن آچیقلامادا، ۲۷ سپتامبر ۲۰۲۰ده باشلایان و ۱۰ نوامبر ۲۰۲۰ده ارمنستانین مغلوبیتینی قبول ائدن آنلاشمایا ایمضا آتماسییلا سونا چاتان ساواشداکی جان ایتکینلریله باغلی بیلگیلرین گونجللهندیگی ایفاده ائدیلدی.
داها اؤنجه ۲ مین ۸۹۵ اولاراق آچیقلانان شهید ساییسینین، بعضی جنازهلرین تاپیلماسی و کیملیکلرینین معین اولونماسییلا ۲ مین ۹۰۰ نفره چیخدیغی ایفاده ائدیلدی.
۱۴ عسگرین ده ایتکین اولدوغو بیلدیریلهن آچیقلامادا، دفن ائدیلهن شهید عسگرلرین آدلارینا یئر وئریلدی.
آذربایجان اوردوسونون ۲۷ سپتامبر ۲۰۲۰ده باشلاتدیغی عملیاتدا ۵ شهر مرکزی، ۴ قصبه و ۲۸۶ کند قورتاریلمیش، بونون اوزرینه ارمنستان مغلوبیتی قبول ائتمیش و ایشغال آلتینداکی آغدام، لاچین و کلبجر ائللرینی ده بوشالداجاغینی تعهد ائدن آنلاشمانی امضالایمیشدی.
ارمنستان اوردوسو، ۲۰ نوامبر ۲۰۲۰ده آغدامدان، ۲۵ نوامبر ۲۰۲۰ده کلبجردن و ۱ دسامبر ۲۰۲۰ده لاچیندان چکیلمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی