قیریم تاتار میللی مجلیسی باشقانی اردوغانا تشکر ائتدی
چوباروو مکتوبدا، قیریم تاتار میللی مجلیسینین تورکیهنین قیریمدان کؤچ ائتمک مجبوریتینده قالمیش قیریم تاتار تورکلرینین حیات استانداردلارینی یوکسلتمه چابالارینی تقدیر ائتدیگی ایفاده ائتدی
قیریم تاتار میللی مجلیسی باشقانی ریفات چوباروو، جمهورباشقانی رجب طیب اردوغانا قیریم تاتار تورکلری اوچون ایمضالانان قونود/مسکن پروژهسی اوچون تشکر مکتوبو گؤندردی.
چوباروو، فیسبوکدان ائتدیگی پایلاشمادا، مکتوبدا قیریم تاتار میللی مجلیسی آدینا تورکیهنین اوکراینانین اگمنلیگینه دستگینه و قیریم تاتار تورک خالقینین حاقلارینی قوروما خصوصونداکی حساسلیغینا مینتدار اولدوغونو ایفاده ائدرک، ایکی اؤلکه آراسیندا ایستانبولدا ۱۰ آوریلده ایمضالانان "قیریم تاتار خالقینین نمایندهلری و اوکراینا وطنداشلارینین فایدالانیجی کتگوریلری اوچون ایقامتگاه تیکیمی ساحهسینده امکداشلیغا دایر چرچیوه آنلاشما"سینا باغلی اردوغانا مکتوب گؤندردیگینی ایفاده ائتدی.
مکتوبدا، قیریم تاتار میللی مجلیسینین تورکیهنین قیریمدان کؤچ ائتمک مجبوریتینده قالمیش قیریم تاتار تورکلرینین حیات استانداردلارینی یوکسلتمه چابالارینی تقدیر ائتدیگی ایفاده ائدیلدی.
تیکیلهجک ۵۰۰ ایقامتگاهین پروبلئمین جیدیلیگینی اورتادان قالدیرمایاجاغی یازیلان مکتوبدا، علاوه ۵۰۰ ایقامتگاه تیکیلمهسی ایمکانینین دا دگرلندیریلمهسی ایستهنیلدی.
اوکراینا دؤولت باشقانی ولادیمیر زلنسکیین ۱۰ آوریلدهکی ایستانبول سفری چرچیوهسینده، قیریم تاتار تورکلری اوچون اوکراینادا توپلو قونود ایدارهسی باشقانلیغی (توکی) طرفیندن ۵۰۰ ایقامتگاه تیکمک اوچون ایکی اؤلکه آراسیندا آنلاشما ایمضالانمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی