قازاقیستان‌دا حکومت استعفا ائتدی
باشباخانی آسکار مامین باشقانلیغینداکی حکومت استعفا ائتدی
قازاقیستان‌دا ۱۰ ژانویه‌ده ائدیلن پارلمان سئچیملرین‌دن سونرا باشباخان آسکار مامین باشقانلیغینداکی حکومت یئنی بیر حکومتین قورلماسی اوچون استعفا ائتدی.
جمهورباشقانلیغی مطبوعات اوفیسین‌دن وئریله‌ن آچیقلامادا، پرزیدنت قاسیم جؤمرت توکایئوین آنایاسایا گؤره، پارلمان سئچکیلرین‌دن سونرا اؤلکه‌ده یئنی حکومتین تصدیقله‌نمه‌سینه قدر مؤوجود کابینه عضولرینین وظیفه‌لرینی یئرینه یئتیرمه‌یه داوام ائتمه‌لرینه دایر قرارنامه‌نی ایمضالادیغی بیلدیریلدی.
بونا گؤره، اؤلکه‌نین باشباخانی آسکار مامین باشقانلیغینداکی حکومت استعفا ائتدی و یئنی کابینه قورولانا قدر وظیفه‌لرینی داوام ائتدیرمه‌لرینه قرار وئریلدی.
قازاقیستان‌دا ۱۰ ژانویه‌ده گئچیریله‌ن پارلمان سئچکیلرین‌ده حاکم نور اوتان پارتیسی (یوزده ۷۱،۹)، آک یول دموکراتیک پارتیسی (یوزده ۱۰،۹۵) و قازاقیستان خالق پارتیسی (یوزده ۹،۱۰) یوزده ۷ اولان سینیری گئچه‌رک پارلمانا گیردی.
