چاووش اوغلو:"آذربایجان تک دئییل، بوتون گوجوموزله آذربایجانین یانینداییق"
آنکارادا سفرده اولان آذربایجان جمهوریتی‌نین خاریجی ایشلر ناظیری جیجون بایراموولا اؤلکه‌میزین خاریجی ایشلر ناظیری مولود چاووش اوغلونون تکبتک گؤروشو کئچیریلیب.
ایکی ناظیرین تکبتک گؤروش‌دن سونرا ناظیرلرین نماینده هئیت‌لری‌نین ایشتیراکی ایله گئنیش ترکیبده گؤروشو باش توتوب.
آنکارادا سفرده اولان آذربایجان جمهوریتی‌نین خاریجی ایشلر ناظیری جیجون بایراموولا اؤلکه‌میزین خاریجی ایشلر ناظیری مولود چاووش اوغلونون تکبتک گؤروشو کئچیریلیب.
تکبتک گؤروش‌دن سونرا ناظیرلرین نماینده هئیت‌لری‌نین ایشتیراکی ایله گئنیش ترکیبده گؤروشو ده باش توتوب.
گؤروشده ایکی طرف‌لی امکداشلیغین گونده‌لیگی‌نین بیر چوخ ایستیقامت‌لری، بولگه سل و قلوبال مسئله‌لر عذره گئنیش فیکیر موبادیله‌سی آپاریلیب.
گؤروش‌لردن سونرا ایکی همکارین بیرگه مطبوعات کنفرانسی تشکیل ائدیلیب.
"داغلیق قاراباغ موناقیشه‌سی‌نین حلی ایله باغلی اولوسلار آراسی تشکیلات‌لار طرفیندن قرارلار اولسا دا، موناقیشه حلینی تاپمیر. آتت-ین مینسک قروپون هم صدرلری موناقیشه‌نین حلی اوچون صمیمی شکیلده سعی گؤسترمیرلر".
بونو خاریجی ایشلر ناظیری مؤلود چاووش اوغلو اؤز نؤوبه‌سینده دئییب.
"بو ایلین 12 ژوئیه تاریخینده ارمنیستان قارداش آذربایجانین توووز رایونونا هوجوم ائدیب. تورکیه جمهوریتی اولا‌راق او گون نه دئمیشیکسه، بو گون ده اونو دئییریک. آذربایجان تک دئییل، بوتون گوجوموزله آذربایجانین یانینداییق"، - دئیه تورکیه خاریجی ایشلر ناظیری قئید ائدیب.
آذربایجانلا "بیر میللت و ایکی دؤولت" آنلاییشی ایله آددیم آتدیق‌لارینی و بو آنلاییشلا ایشلمه‌یه داوام ائده‌جک‌لرینی قئید ائدن چاووش اوغلو بو چرچیوه‌ده ایکی اؤلکه آراسیندا ایکی طرف‌لی تیجارت حجمی‌نین 15 میلیارد دو‌لارا چاتدیریلماسی‌نین واجیب‌لیگینی دقته چاتدیریب.
تورکیه ایله آذربایجان آراسیندا قارشی‌لیق‌لی تاتیریم لارین آرتماسینا ایشاره ائدن چاووش اوغلو آذربایجانین خصوصیله انرژی ساحه‌سینده ان بؤیوک لاییحه‌لری حیاتا کئچیردیگینی سؤیله‌ییب.
چاووش اوغلو تورکیه-نین آذربایجان‌دان صادر ائدجگی طبیعی گازین حجمینی گله‌جکده داها دا آرتیراجاغینی بیلدیریب.
چاووش اوغلو دئییب: "بیز داها ایکی لاییحه‌نین حیاتا کئچیریلمه‌سینه اوستونلوک وئریریک. بونلاردان بیری، قارص-ناخچیوان دمیر یولو خطی‌دیر. ایکینجی ایسه تورکیه اوزریندن ناخچیوانا طبیعی گازین چاتدیریلماسی‌دیر. بو دا استراتژی لاییحه‌دیر. دیگر طرف‌دن، مدنیت، تحصیل ساحه‌لرینده، اونیورسیتت‌لر آراسیندا امکداشلیغین گوجلندیریلمه‌سی مسئله‌سینی ده موذاکیره ائدیلدی".
چاووش اوغلو دوغو آغ دنیزیندکی سون وضعیته ده توخونا‌راق دوغو آغ دنیزینده هم تورکیه-نین، هم ده قیبریس تورک‌لری‌نین حاق‌لارینی آخیرادک مودافعه ائده‌جک‌لرینی و گذشته گئتمه‌یه‌جک‌لرینی دئییب.
آذربایجانین خاریجی ایشلر ناظیری جیجون بایراموو دا اؤز نؤوبه‌سینده دئییب کی، داغلیق قاراباغ موناقیشه‌سی‌نین حلی یول‌لاری بللی‌دیر. بونونلا باغلی آذربایجانین موضعی قتیت‌لی‌دیر و دییشمزدیر.
ناظیر قئید ائدیب کی، داغلیق قاراباغ موناقیشه‌سی آذربایجانین اراضی بوتؤو‌لوگو، سوورن‌لیگی چرچیوه‌سینده حل ائدیلمه‌لی‌دیر.
بایراموو تورکیه ایله آذربایجان آراسینداکی علاقه‌لرین بوتون ساحه‌لرده اینکیشاف ائتدیگینی، تیجارت حجمی‌نین آرتدیغینی دا سؤزلرینه علاوه ائدیب.
ایلگیلی‌لی خبرلر
تورک دؤولتلری آراسیندا آنلاشما ایمضالاندی
تورک دؤولتلرینین امکداشلیغی انرژی ساحه‌سینده ده داوام ائد‌جک
