اؤزبکیستان، تورکیه‌نین ده اولدوغو 7 اؤلکه وطنداش‌لارینا ویزا معافیتی تانیدی
فرماندا، 10 فوریه‌دن اعتباراً ایسرائیل، اندونزی، جنوبی کوره، مالزی، سینگاپور، ژاپون و تورکیه وطنداش‌لارینا 30 گونلوک مدته ویزا معافیتی اولاجاغی قید اولونوب
اؤزبکیستان پرزیدنتی شاوکات میرزیویئو، آرا‌لاریندا تورکیه‌نین ده اولدوغو 7 اؤلکه وطنداش‌لارینا 30 گونلوک ویزا معافیتی تانیدی.
میرزیویئو طرفین‌دن ایمضا‌لانان، "اؤزبکیستان‌دا سیّاحلیق پوتانسیالی‌نین اینکیشاف ائتدیریلمه‌سی اوچون مثبت شرایطین یارادیلماسینا" دایر فرماندا، 10 فوریه‌دن اعتباراً ایسرائیل، اندونزی، جنوبی کوره، مالزی، سینگاپور، ژاپون و تورکیه وطنداش‌لارینا 30 گونلوک مدته ویزا معافیتی اولاجاغی قید اولونوب.
اؤزبکیستانا گلن اوچاق‌لارداکی کابینه شخص‌لری‌نین ده سؤزقونوسوندان ویزا سربستلیگیندن ایستیفاده ائده‌جک‌لری ایفاده ائدیلیب.
همچینین 1 ژوئیه اعتباریله اؤلکه‌ده "الکترونیک-ویزا" تطبیق ائتمه‌سینه کئچیله‌جگی ده فرماندا یئر آلیب.
فرمانلا اؤزبکیستانی ویزا‌سیز سفر ائده بیله‌جک اؤلکه‌لرین سایی 16یه یوکسلیب. اؤزبکیستان، داها اوّل قیرغیزیستان، آذربایجان، ارمنیستان، بلاروس، گورجوستان، قازاخیستان، مولدووا، روسیا و اوکراین وطنداش‌لارینا ویزا معافیتی واردی.
اوکتوبر آییندا میرزیویئو طرفین‌دن ایمضا‌لانان بیر فرمانلا تورکیه، اوتریش، بلژیک، بؤیوک بریتانیا، فرانسا، آلمانیا، ایسپانیا، ایتالیا، سوئیس، چک، لتونی، مالزی، ژاپون و تایلند وطنداش‌لاری اوچون سادلشدیریلمیش ویزا رژیمی باشلامیشدی. بونا گؤره، همین اؤلکه‌لرین وطنداش‌لارینا اؤزبکیستان ویزاسی‌نین 3 ایش گونو عرضینده وئریلمه‌سی قرارا آلینمیشدی.
ایلگیلی‌لی خبرلر
تورک دؤولتلری آراسیندا آنلاشما ایمضالاندی
تورک دؤولتلرینین امکداشلیغی انرژی ساحه‌سینده ده داوام ائد‌جک
