ترانس آنادولو طبیعی گاز بورو خطّی پروژه‌سی اوچون 800 میلیون دو‌لار کرئدیت قبول اولونوب
تاناپ باش دیرکتورو سالتوک دوزیول دا کئچن هفته ژورنالیست‌لره ائتدیگی آچیقلامادا، پروژه‌نین دگری‌نین 8،5 میلیارد دو‌لار سویه‌سینده رئاللاشاجاغینی ایفاده ائتمیشدی
آذربایجان طبیعی گازینی تورکیه اوزرین‌دن آوروپایا داشییا‌جاق ترانس آنادولو طبیعی گاز بورو خطّی پروژه‌سی (تاناپ) اوچون 800 میلیون دو‌لار مبلغینده کرئدیت قبول اولونوب.
دونیا بانکی ایداره مجلیسی طرفیندن، تاناپ اوچون بورو خط لری نفت داشیما (بوتاش) 400 میلیون دو‌لار، آذربایجانین جنوبی گاز کوریدورو (SGC) شیرکتینه ده 400 میلیون دو‌لار اولماقلا جمعده 800 میلیون دو‌لار مبلغینده کرئدیت قبول اولونوب.
دونیا بانکین‌دان ائدیلن آچیقلامایا گؤره، بانک یؤنتیمی‌نین دوننکی توپلانتیسیندا تاناپا تامین ائدیله‌جک کرئدیت و شرط‌لر مذاکیره.
توپلانتی نتیجه‌سینده، دونیا بانکی قروپونا باغلی اولوسلار آراسی ایمار و قالخینما بانکی (IBRD) واسطه‌سیله، بوتاش تاناپ اوچون 400 میلیون دو‌لارلیق کرئدیت وئریلمه‌سینه قرار وئریلدی. تورکیه ضمانتینده بوتاش تامین ائدیله‌جک سؤز موضوعسو کرئدیت، 5 ایل گئری اؤدمه‌سی 24 ایل مدت‌لی اولا‌جاق.
آذربایجان حکومتی ضمانتی ده پروژه اوچون آذربایجانین جنوبی گاز کوریدورونه 400 میلیون دو‌لار مبلغینده کرئدیت قبول اولونوب. بو میقدار آذربایجانین جنوبی گاز کوریدورو طرفیندن 5 ایل گئری اؤدمه‌سی اولماقلا 30 ایل وعده ایله اؤدنه‌جک.
تاناپ باش دیرکتورو سالتوک دوزیول دا کئچن هفته ژورنالیست‌لره ائتدیگی آچیقلامادا، پروژه‌نین دگری‌نین 8،5 میلیارد دو‌لار سویه‌سینده رئاللاشاجاغینی ایفاده ائتمیشدی.
خزر دنیزین‌دن باشلاییب جمعده 1850 کیلومتر اوزونلوغا صاحب تاناپدان ایلک گاز تورکیه‌یه 2018 ژوئن‌ده وئریله‌جک. پروژه، 2020-جی ایلده دا آوروپایا گاز تامین ائتمگی دفلییر.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
