"ساواش احتیمالینی گؤز آردی ائتمیریک"
علییئو، آذربایجان تورپاق‌لاریندا ایکینجی بیر ارمنی دؤولتی قورولماسینا ایجازه وئرمه‌یه‌جک‌لرینی ایفاده ائتدی
آذربایجانین یورددیشینداکی ائلچی‌لری باکی‌دا بیر آرایا گلدی.
توپلانتیدا دانیشان پرزیدنت ایلهام علییئو، اؤلکه‌سی‌نین خاریجی سیاستینی دگرلندیردی. علییئو، قاراباغ پروبلئمیله ایلگیلی دانیشدی، ساواش احتیمالینی گؤز آردی ائتمیریک دئدی. آذربایجانین ٥۷ اؤلکه‌دکی دیپلومات‌لاری مشاویره توپلانتیسی اوچون باکی‌دا بیر آرایا گلدی.
پرزیدنتی ایلهام علییئو و خاریجی ایشلر باخانی ائلمار محمدیارووون دا قاتیلدیغی توپلانتیدا آذربایجانین خاریجی سیاستی و قاراباغ پروبلئمی دگرلندیریلدی. علییئو، اؤلکه‌سی‌نین خاریجی سیاستینده ان اؤنم‌لی قونوسونون قاراباغ پروبلئمی اولدوغونو سؤیله‌دی. علییئو، آذربایجان تورپاق‌لاریندا ایکینجی بیر ارمنی دؤولتی قورولماسینا ایجازه وئرمه‌یه‌جک‌لرینی ایفاده ائتدی.
توپلانتیدا ائلچیلرین اولدوق‌لاری اؤلکه‌لرده قاراباغ گرچک‌لرینی ایضاح ائتمه‌لری ایسته‌نیلندی. آیریجا آذربایجانین باشقا اؤلکه‌لرله امکداش‌لیغی گوجلندیرمه‌یه اؤنم وئردیگی وورغولاندی. اؤزللیکله ایسلام اؤلکلریله اولان امکداشلیغین اؤنمی وورغولاندی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
