آوروپا درین بیر ساغلیق بحرانی ایچینده
آوروپانین بیر چوخ اؤلکهسینده ساغلیق چالیشانلارینین آزلیغی، اعتصابلار و تاپیلابیلمهیهن درمانلار ندنی ایله ساغلیق سیستمی چؤکمه عرفهسینه گلدی
یئنی نسیل کوروناویروس (کووید-۱۹) سالقینیندا پیس بیر سیناقدان گئچهن آوروپا، یئنی بیر ساغلیق بحرانی ایله اۆز اۆزهدیر.
آوروپانین بیر چوخ اؤلکهسینده ساغلیق چالیشانلارینین آزلیغی، اعتصابلار و تاپیلابیلمهیهن درمانلار ندنی ایله ساغلیق سیستم چؤکمه عرفهسینه گلدی. معاینهلر اوچون ساعتلارجا گؤزلهمک مجبوریتینده قالانلار و گئج موداخیله ائدیلدیگی اوچون اؤلن خستهلر، آوروپا اؤلکهلریندهکی وضعیتین وخامتینی اورتایا قویور.
فرانسادا خستهخانالارداکی ظرفیت پروبلئمی و کادر چاتیشمازلیغی ساغلیق سیستمینه ضربه وورموش دورومدادیر.
اؤلکهنین بعضی بؤلگهلریندهکی عاحیل سرویسه مراجعت ائدن خستهلر، معالیجه اولماق اوچون ان آز ۱۲، بعضاً ۹۰ ساعات گؤزلهییرلر.
آلمانیادا ایسه بیر چوخ ساغلیق پرسنلی، کووید-۱۹ و مؤوسومی خستهلیکلر سببی ایله مرخصیدهدیر.
خستهخانالارین هم یئتیشکین، هم ده اوشاق کلینیکلرینده بوش یاتاق یوخدور. اؤلکهدهکی درمان بحرانی هله ده حل اولونمامیشدیر.
اینگیلترهده ساغلیق سیستمی، عاجیل سرویسلردهکی یۆکو قالدیرابیلمیر.
معالیجه گؤزلهیهنلرین ساییسینین ۷ میلیونو گئچدیی اؤلکهده، اینگیلتره دکترلار بیرلیگی، اورژانسلارداکی وضعیتین خائوتیک اولدوغونو بیلدیریر.
اینگیلتره دکترلار بیرلیگی معلوماتلارینا گؤره، گئج موداخیله سببین ایله اورژانسدا هر هفته ۵۰۰ اینسان اؤلور.
اینگیلیسلر، اولوسال ساغلیق سیستمینده دۆزلیشلر ائدیلمهسی لازیم اولدوغونو دۆشونور.
۴۸۰ مین اینسانین اۆست تنفس یوللاری عفونتینه توتولدوغو اتریشده ده درمان تأمینینده پروبلئم یاشانیر.
اؤلکهده خستهلر هله ده تخمیناً ۵۰۰ چئشید درمان الده ائدهبیلمیرلر.