فیلیپینده رکورد ایستیلیک
اوچ گون عرضینده ایستیلیگین 37 درجهیه چاتا بیلهجَیی و حس اولونان ایستیلیگین 45 درجه رکورد سویهده قالاجاغی گؤزلنیلیر
2133456
فیلیپینده رکورد ایستیلیک تخمینلرینه گؤره دؤولت مکتبلرینده درسلرین ایکی گون عرضینده آنلاین کئچیریلمهسینه قرار وئریلیب.
فیلیپین مئتئورولوژی ایدارهسی طرفیندن ائدیلن آچیقلامادا، اوچ گون عرضینده ایستیلیگین 37 درجهیه چاتا بیلهجَیی و حس اولونان ایستیلیگین 45 درجه رکورد سویهده قالاجاغی گؤزلنیلیر.
ایستیلیگین اوزون مدت معروض قالدیقدا "ایستی ووروشونا" سبب اولا بیلهجَیی اوچون "تهلوکهلی" کیمی تصنیف ائدیلن درجه آرالیغیندا اولدوغو قید ائدیلدی.
رکورد ایستیلیک تخمینلرینین آچیقلانماسیندان سونرا فیلیپین تحصیل ایدارهسی درس اوتاقلارینین سیخ اولا بیلهجَیینی و اکثریتینده سویودوجو سیستم اولمادیغینی اساس گتیرهرک دؤولت مکتبلرینه ایکی گون عرضینده آنلاین تحصیله کئچمهیی تاپشیریب.