آوروپا-دا آنومال ایستیلر: میندن آرتیق اینسان اولوب
ایسپانیادا ژوئیهنین 10-دان 16-دک آنومال ایستیلردن 510 نفر حیاتینی ایتیریب.
ایسپانیادا ژوئیهنین 10-دان 16-دک آنومال ایستیلردن 510 نفر حیاتینی ایتیریب. اؤلکهنین ساغلیق ناظیرلیگینین وئردیگی معلوماتا گؤره، تکجه بیر گونده، یعنی ژوئیهنین 16-دا 150 نفر حیاتینی ایتیریب. ژوئیهنین 14-ده ماکسیموم ایستی لیک 45 درجه اولوب.
ایسپانیا دؤولت متورولوژی آژانسی ژوئیهنین 19-دا ریبرا دل ابرو، لاریوخا، ناوارا و ساراگوسا ایالتلرینده هاوانین حدیندن آرتیق ایستی اولاجاغینی بیلدیریب.
عمومیتله، آوروپادا ایستیلر چوخلو مئشه یانغینلارینا سبب اولوب کی، نتیجهده 100 مین هکتاردان چوخ اراضی کوله دؤنوب.
ایسپانیا یئتکیلی لری اؤلکهده حدیندن آرتیق ایستیلر سببیندن 510 اؤلوم فاکتینین قئیده آلیندیغینی، ایندییهدک 70 مین هکتاردان چوخ اراضینین یاندیغینی بیلدیریب کی، بو دا سون 10 ایلین ان یوکسک گؤستریجیسیدیر.
اؤتن هفته پورتوقالیادا ساوا ایستی لیگی 47 درجهیه چاتماسی 659 نفرین اؤلومونه سبب اولوب. اؤلکهنین طبیعت و مئشه محافظهسی اینستیتوتونون معلوماتینا گؤره، بو ایل پورتوقالیادا 39 559 هکتار اراضی یانیب.
فرانسا یئتکیلی لری گونئی- باتی داکی ژیروند-دا داوام ائدن مئشه یانغینلارینین 14 مین 800 هکتار اراضینی محو ائتدیگینی و 14 میندن چوخ آدامین بؤلگهدن کؤچورولدوگونو بیلدیریب. فرانسانین بعضی بؤلگهلرینده هاوانین ایستی لیگی 40 درجهدن یوخاری قالخیب.
آوروپانین گونئی یندن باشلایان و قوزیییه دوغرو ایرهلیلهین ایستی هاوا دالغاسی ایرلاندیا و اینگیلترنی ده احاته ائدیب.
ایرلاندیادا هاوانین ایستی لیگینین 33،3 درجهیه یوکسلمهسی ایله اؤلکهده سون 135 ایلین ان یوکسک هاوا ایستیلیگی قئیده آلینیب.
اینگیلتره-ده 38،1 درجه هاوا ایستیلیگینین اؤلکهده ایلک دفعه 40-ا چاتاجاغی بیلدیریلیب، بیر سیرا اوچوش و دمیر یولو سفرلری تاخیره سالینیب.
آلمانیا و بلژیک-ده ایستی لیگین 35 درجهیه قدر یوکسهکهجگی، بعضی بؤلگهلرده ایسه 40 درجهیه چاتاجاغی تخمین ائدیلیر.
سوئیس حکومتی ده اؤلکهنین بؤیوک بیر حیسهسینین جدی تهلوکه آلتیندا اولدوغونو بیلدیرهرک ایستی هاوا دالغاسی ایله باغلی خبردارلیق ائدیب.
تورکیه-ده ده هاوانین ایستی لیگی کسکین یوکسهلهجک. خصوصیله آنتالیادا ایستیلیک 44 درجهیهدهک آرتاجاق. بونونلا باغلی آنتالیا والیلیگی اهالییه دقتلی و تدبیرلی اولمالاری ایله باغلی خبردارلیق ائدیب. والیلیکدن وئریلن معلوماتا گؤره، ژوئیهنین 19-دان 25-دک آنتالیادا هاوانین ایستی لیگی ساحل یانی اراضیلرده 38-44، بیر آز کنار یئرلرده ایسه 32-36 درجه آراسیندا دییشهجگی تخمین ائدیلیر.