دونوزدان اورک جالاغی ائدیلن خسته اؤلدو
دونوزدان اورک نقلی ائدیله‌ن دیوید بنتین ساغلیق وضعیتی سون گونلرده پیسلشمیشدی
آمریکا بیرلشمیش دؤولتلرینین مریلند ایالتینده، دونوزدان اینسانا ایلک اورک نقلینین ائدیلدیگی خسته‌نین ۲ آی سونرا حیاتینی ایتیردیگی بیلدیریلدی.
یواس‌ای تودی‌ین خبرینه گؤره، ۷ ژاویه‌ده، انفارکتوس گئچیردیگی و دوزنسیز اورک آتیشلاری اولماسی سببی ایله اینسان اورگی نقل ائدیله‌بیلمه‌دیگی اوچون دونوزدان اورک نقلی ائدیله‌ن دیوید بنتین ساغلیق وضعیتی سون گونلرده پیسلشدی.
مریلند اونیوئرسیته‌سی خسته‌خاناسی، بنتین دونن اؤلدوگونو آنجاق اؤلوم سببینین هله دقیقلشمه‌دیگینی بیلدیردی.
خسته‌خانا سؤزچوسو دبورا کوتز، بنتین اؤلومونو آراشدیراراق، آراشدیرما نتیجه‌لرینین حکملی بیر درگیده یاییملایاجاقلارینی قید ائتدی.
نؤوعلر آراسی اورگان جالاغی اوزمانی و خسته‌نین یاخشیلاشما مدتینده رول آلان دکتر محمد محی‌الدین، باغیشیقلیق سیستمی کیفایت قدر باسدیریلدیغیندا ژنتیک اولاراق دییشدیریلمیش دونوز اورگینین اینسان بد‌نینده یاخشی چالیشدیغینی اؤیرندیکلرینی بیلدیردی.
محی‌الدین، نؤوعلر آراسی اورگان نقلی قونوسوندا اومودلو اولدوقلارینی و کلینیک سیناقلارینی داوام ائتدیره‌جکلرینی وورغولادی.
