تهران‌دا هاوا چیرکلیلیگی "قیرمیزی" سویه‌ده
تهران دونیا شهرلرین‌ده هاوانین چیرکلیلیگی سیرالاماسین‌دا ۱۲.جی یئرده‌دیر
ایرانین باشکندی تهران‌دا هاوا چیرکلیلیگی "قیرمیزی" سویه‌ده‌دیر.
تهران هاوا کیفیتی اؤلچمه شیرکتین‌دن وئریله‌ن آچیقلامادا، باشکندده‌کی هاوا چیرکلیلیگینین ساغلیقسیز سویه اولان ۱۶۸ میکروگرام/مکعب‌متره قدر چیخدیغی بیلدیریلدی.
تهران‌دا، انسانلارین، آغجییررینه و توخولارینا گیرن ۲،۵ میکرون‌دان کیچیک ذره‌جیکلر سببی ایله اؤزللیکله آغجییرلر و اورک خسته‌لری،یاش‌لیلارا و اوشاقلارا ائودن چیخماما توصیه‌سی ائدیلدی.
هاوا کیفیتی اؤلچمه شیرکتینین آچیقلادیغی معلوماتلارا گؤره، سون گونلر تهران‌دا هاوا چیرکلیلیگی دیرلری آرتماق‌دادیر.
تهران بؤیوک‌شهر بلدیه‌سی ایللردیر باشکندده هاوا چیرکلیلیگی پروبلئمینی حل ائتمک اوچون بیسیکلت ایستیفاده‌سینی تشویق ائتمک، تک و جوت پلاک تطبیقی، یئنی مترو خطلرینین خدمته وئریلمه‌سی، اسکی نقلیات واسطه‌لرینین ترافیکه چیخماسینی قاداغان ائتمک و فابریکالاری شهردن چیخارماق کیمی بیر چوخ پروژه حاضیرلادی.
آنجاق شهرین هاوا حرکتلرینه اویغون اولمایان فیزیکی قورولوشو و جمعیتین چوخلوغو کیمی بیر چوخ عامل ندنی ایله هر ایل قیش عینی مسئله‌لر یاشانیر.
تهران دونیا شهرلرین‌ده هاوانین چیرکلیلیگی سیرالاماسین‌دا ۱۲.جی یئرده‌دیر.
