بمت-نین باش کاتیبی آنتونیو گوترش اولوسلار آراسی توپلومو تنقید ائتدی

بمت-نین باش کاتیبی آنتونیو گوترش ایسپانیانین پایتاختی مادرید-ده کئچیریلن ایقلیم دییشمه‌لری پروبلئم‌لرینه حصر ائدیلمیش COP25 توپلانتی‌سی‌نین نتیجه‌لری‌نین مایوس لوق دوغوردوغونو بیلدیریب.

باش کاتیب وئردیگی یازی‌لی آچیقلامادا اولوسلار آراسی توپلومو ایقلیم دییشمه‌لری‌نین تأثیرلرینی آزالتماق، اویغون‌لاشماق و موباریزه اوچون لازیم اولان مالیه‌نین تامین ائدیلمه‌سینده کیفایت سویه‌ده ایستک‌لی اولمادیغینا گؤره تنقید ائدیب.

گوترش 2050-جی ایله قدر علم‌ین ایفاده ائتدیگی صیفیر کربن توللانتی‌سی و قلوبال ایستیلشمه آرتیمی‌نین 1،5 درجه‌ده ساخلاما هدفینه چاتیلماسی اوچون بوتون اؤلکه‌لرین وعدلرینی یئرینه یئتیرمه‌لری باره‌ده داها قرارلی جهد گؤسترجگینی وورغولاییب.

قئید ائدک کی، مادرید-ین ائو صاحب‌لیگی ائتدیگی COP25-ین ایکی گون لنگیدیلن یئکون بیاننامه‌سی دسامبرین 15-ده گؤزلنتی‌لره جاواب وئرمه‌ین قرارلارلا اعلان ائدیلدی.

یئکون بیاننامه ایقلیم دییشیک‌لیگی ذیروه سی‌نین 25 ایللیک کئچمیشینده ان اوزون مودتده یاییم‌لانان بیاننامه کیمی تاریخده اؤز یئرینی آلدی.

میللی ماراق‌لارینا اویغون ایقلیم دییشیک‌لیگینه قارشی موباریزه‌ده فرق‌لی یاناشما‌لارا مالیک اولان اؤلکه‌لر قلوبال کربن توللانتی‌لاری، اطراف موحیطین بوتؤو‌لوگو و مالیلشمه موضوع لارین‌داکی نظر ضدیت‌لرینی آرا‌دان قال‌دیرا بیلمه‌دی‌لر.

26 -جی بمت ایقلیم دییشمه‌لری پروبلئم‌لرینه حصر ائدیلن COP25 ذیروه سی گله‌جک ایل شوتلاندیانین قلاسقوو شهرینده کئچیریله‌جک.