ایراندا آنفولانزا اپیدمیسی سببیله 81 نفر اؤلدو
رئیسی، ایران رسمی خبر آژانسی ایرنایا ائتدیگی آچیقلامادا، سون بیر هفته ایچینده 8 مین 333 نفرین آنفولانزا شیکایتیله خستهخانالارا مراجعت ائتدیگینی سؤیلهدی
ایراندا آنفولانزا اپیدمیسی سببیله 81 نفر اؤلدو.
ایران ساغلیق ناظیرینین معاوینی علی رضا رئیسی، ایران رسمی خبر آژانسی ایرنایا ائتدیگی آچیقلامادا، سون بیر هفته ایچینده 8 مین 333 نفرین آنفولانزا شیکایتیله خستهخانالارا مراجعت ائتدیگینی سؤیلهدی.
بو اینسانلارین تخمینن یاریسینین نفس دارلیغی سببیله 2 گوندن اوزون مدت خستهخانادا قالدیغینی بیلدیرن رئیسی، دیگر خستهلرین ایسه آیاقدا معالیجه ائدیلدیکلرینی ایفاده ائتدی. رئیسی، اؤلکهده کئچن هفته اؤلن 25 نفر داخیل اولماقلا سپتامبر آییندان بو یانا آنفولانزا اپیدمیسی سببیله اؤلنلرین ساییسینین 81ه چیخدیغینی قئید ائتدی.
رئیسی، اپیدمینین نظارت آلتینا آلینا بیلمهسی اوچون وطنداشلاردان ساغلیق ناظیرلیگینین توصیهلرینی نظره آلمالارینی ایستهدی.
ایراندا سون آیلاردا گولوستان، مازنداران، کهگولیه-بویر احمد، کرمان و اهواز ایالتلرینده H1N1 ویروسو (دوموز آنفولانزاسی) تثبیت ائدیلدیگی آچیقلانمیشدی.