وبا سببین‌دن فوق ا‌لعاده حال
یمن‌ده، حوثیلر طرفین‌دن کونترول آلتیندا ساخلانیلان توپراقلاردا یاییلمیش وبا ویروسو ایله موباریزه اوچون فوق ا‌لعاده حال اعلان ائدیلیب
یمن‌ده، حوثیلر طرفین‌دن کونترول آلتیندا ساخلانیلان توپراقلاردا یاییلمیش وبا ویروسو ایله موباریزه اوچون فوق ا‌لعاده حال اعلان ائدیلیب.
حوثیلره باغلی کیروه خبر آژانسی‌نین خبرینه گؤره، یارادیلان حکومتده ساغلیق ناظیرلیگی وظیفه‌سینی آپاران طاها الموتوکّیل، کونترول آلتیندا ساخلانیلان توپراقلاردا ائپیدمی حالینا گلن وبا ایله موباریزه مقصدیله فوق ا‌لعاده وضعیت اعلان ائدیلدیگینی آچیقلاییب.
شنبه گونو حوثیلر طرفین‌دن وبایلا موباریزه مقصدیله صنعاداکی بوتون مکتب‌لرده یئمک‌خانا‌لارین قاپادیلماسینا قرار وئریلمیشدی.
یمن‌ده خصوصیله حوثیلرین کونترولونداکی بؤلگه‌لرده چوخلو وبا ویروسو موشاهیده ائدیلیر.
بیرلشمیش میللت‌لر اوشاق‌لارا یاردیم فوندو (UNICEF) اورتا شرق و شما‌لی آفریقا دیرکتورو گیرت کپلیر ایله دونیا ساغلیق تشکیلاتی شرقی آغدنیزی بؤلگه مودیری احمد المنظوری طرفین‌دن بیر مدت اوّل آپاریلان یازی‌لی آچیقلامادا، ایل باشین‌دان بو یانا یمن‌ده وبا حال‌لاری‌نین سرعت‌لی بیر شکیلده آرتدیغی و 17 مارسا قدر 109 مین وبا حالی قئید ائدیلدیگی، 190 نفرین ده بون‌دان اؤلدوغو راپور ائدیلمیشدی.
