تورکیه دؤردونجو سیرادا
تورکیه، ۲۸ آوروپابیرلیگی عضوویله مقایسهده دؤردونجو سیرادا یئر آلاراق، بیر چوخ عضو اؤلکهنی گئریده بوراخدی
تورکیه، اورمانلیق و آغاجلیق ساحهیه صاحب اولما باخیمیندان آوروپادا دؤردونجو سیرادادیر.
آوروپا بیرلیگینین یوزده ۴۳ونون اورمانلیق و آغاجلیق ساحهدن میدانا گلدیگی آچیقلاندی.
آوروپا ایستاتیستیک افیسی (یوروستات)، "۲۱ مارس دونیا اورمانچیلیق گونو و اورمان هفتهسی" سببی ایله آ.بدهکی اورمانلیق و آغاجلیق ساحهلره باغلی سون معلوماتلارینی یاییملادی.
بونا گؤره، آوروپابیرلیگی اؤلکهلرینین تخمیناً ۱۸۲ میلیون هکتار اورمانلیق و آغاجلیق ساحهیه صاحب اولدوغو اورتایا چیخدی.
معلوماتلارا گؤره، آوروپابیرلیگینین یوزده ۴۳ونون اورمانلیق ساحهلر تشکیل ائدیر.
اکینچیلیک اوچون ایستیفاده ائدیلهن ساحهلرین نیسبتی ایسه یوزده ۴۱ اولاراق ثبت ائدیلدی.
آوروپابیرلیگی اؤلکهلری آراسیندا ان چوخ اورمانلیق ساحهیه صاحب اؤلکه سوئد (۳۰،۵ میلیون هکتار) اولاراق اؤنه چیخارکن، بو اؤلکهنی ایسپانیا (۲۷،۶ میلیون هکتار) و فنلاند (۲۳ میلیون هکتار) تعقیب ائتدی. سؤزو گئدن اؤلکهلر، آوروپابیرلیگیندهکی اورمانلیق و آغاجلیق ساحهنین توپلام یوزده ۲۹،۴ونو میدانا گتیردی. راپورداکی معلوماتلارا گؤره، تورکیه ۲۱،۹ میلیون هکتار اورمانلیق و آغاجلیق ساحهیه صاحب.
تورکیه بو رقمله، ۲۸ آوروپابیرلیگی عضوویله مقایسهده دؤردونجو سیرادا یئر آلاراق، فرانسا (۱۷،۶ میلیون هکتار)، نروژ (۱۴،۱ میلیون هکتار)، آلمانیا (۱۱،۴ میلیون هکتار)، ایتالیا (۱۱،۱ میلیون هکتار) و لهستان (۹،۴ میلیون هکتار) کیمی بیر چوخ عضو اؤلکهنی گئریده بوراخدی.