پام قاسیرغاسی 8 جان آلدی
سرعتی ساعاتدا 270 کیلومتره چاتان قاسیرغا، اؤلکهنی یئرله بیر ائتدی. باشکند پورت ویلادا بؤیوک داغیتما میدانا گلدی
پام قاسیرغاسی 8 جان آلدی
الوئریشسیز هاوا شرایطی، دونیانین مختلیف اؤلکهلرینده تأثیرلی اولور ...
بؤیوک اوقیانوسداکی آدا دولتلردن وانواتو پام قاسیرغاسینا تسلیم اولدو.
آفت ان آز 8 جان آلدی.
سرعتی ساعاتدا 270 کیلومتره چاتان قاسیرغا، اؤلکهنی یئرله بیر ائتدی.
باشکند پورت ویلادا بؤیوک داغیتما میدانا گلدی.
مسئوللر، بیر چوخ آدا هله ایرتیباط قورولامادیغینی اؤلو سایسینین آرتماسیندان ناراحاتلیق ائدیلدیگینی ائشیتدیردی.
65 آدادان عبارت اولان، تخمینن 270 مین اهالیسی اولان اؤلکهده فوق العاده حال اعلان ائدیلدی.
اوتریشین شرقینده یئر آلان اؤلکه اوچون قونشولاری دا هیجانا کئچدی.
یئنی زلاند، 800 مین دولارا یاخین یاردیم سؤزو وئررکن؛ اوسترالیا، آختارما قورتارما ایشلرینه قاتیلماق عذره بؤلگهیه قروپلار گؤندریر.
بؤیوک اوقیانوسدا، کیریباتی و سولومون آدالاری کیمی دیگر آدا دولتلرینده تأثیرلی اولان پام قاسیرغاسینین، صاباح یئنی زلاند چاتماسی گؤزلنیلیر.
آمریکا بیرلشیک شدولتلرینین اوهایو ایالتی ده شدتلی یاغیشین یول آچدیغی سل فلاکتی ایله مباریزه ائدیر.
حدیندن آرتیق یاغمورلار سببیله ایکی چای داشدی.
سون اون ایلین ان بؤیوک تاشکینینین یاشاندیغی اوهایو چایینین یاتاغیندان داشان سولار سببیله اطرافداکی قورو یوللار نقلیاتا باغلانیلدی.
ورمیلیون چاییندا دا اریین بوز پارچالاری سئل سولارینا دوشدو.
سرعتله آخان بوز پارچالاری سببیله چایداکی نقلیات دایاندیریلدی.
یاغیشلارین ایالت ایچینده اؤنوموزدکی هفته ده داوام ائتمهسی گؤزلنیلیر.